Cov Cuab Yeej Teeb Tsim Rau Kev Nyab Xeeb Rau Txoj Xaim Hluav Taws Xob Kom Ua Hauj Lwm Tau Zoo (Enhanced Powerline Safety Settings)

Lwm cov kev muab siab sib zog rau feem kev nyab xeeb muaj xam nrog rau:

• Kev faus xaim hluav taws xob rau hauv av 10,000 mais txhawm rau txhim kho kev nyab xeeb thiab kev tso siab tau rau
• Kev ua tau raws li cov qauv cai hais txog nroj tsuag ntawm lub xeev txhawm rau tiv thaiv cov ntoo thiab cov ceg xyoob ceg ntoo kom tsis txhob poob los raug cov xaim hluav taws xob
• Kev nruab cov ncej txheem uas ruaj khov tshaj qub thiab cov xaim hluav taws xob txhawm rau tsim lub chaw tsim hluav taws xob grid uas nyab xeeb dua qub thiab siv tau ntev dua qub
• Kev txo qhov kev tshwm sim tsis zoo los ntawm Kev Tua Hluav Taws Xob Kom Muaj Kev Nyab Xeeb Rau Zej Tsoom Sawv Daws (Public Safety Power Shutoffs, PSPS) kom muaj tsawg txhawm rau pab txuag kom muaj hluav taws xob siv

Yog hais tias koj siv cov xaim hluav taws xob uas muaj EPSS, tej zaum koj yuav ntsib cov kev tua hluav taws xob tuag uas tsis tau npaj tseg. Peb mam li ceeb toom rau koj paub thaum muaj ib qho kev tua hluav taws xob tuag thiab mam li xa cov xov tshiab qhia rau koj paub kom txog rau thaum hluav taws xob rov qab tuaj.

Yog hais tias muaj ib txoj xaim hluav taws xob nyob rau ntawm koj qhov av, peb yuav tsum tau muaj kev nkag cuag tau rau txhawm rau thiaj li rov kho tau hluav taws xob kom rov qab siv tau li qub. Thov tso cai rau peb cov tswv cuab ntawm pag neeg uas ua hauj lwm ua ke kom nkag tau mus rau. Peb pab neeg uas ua hauj lwm ua ke muaj peev xwm ncig saib xyuas tau sai npaum li cas, ces hluav taws xob muaj peev xwm rov qab tuaj tau ntxov npaum li ntawd.

Cov kev hluav taws xob tuag uas tshwm sim los ntawm cov kev teeb tseg kom muaj kev nyab xeeb zoo ntawd tsis yog Cov Kev Tua Hluav Taws Xob Kom Muaj Kev Nyab Xeeb Rau Zej Tsoom Sawv Daws (Public Safety Power Shutoffs, PSPS). Cov kev tua hluav taws xob ntawm PSPS yog ib qho chaw zaum kawg uas raug muab coj los siv pab txuag kom muaj kev nyab xeeb rau koj. Koj yuav tau txais kev ceeb toom paub ua ntej yuav ua ib qho kev tua hluav taws xob PSPS.

Hloov pauv koj cov ntaub ntawv qhia paub txog chaw tiv tauj tshiab txhawm rau kom thiaj li paub txog xov xwm

Txais cov chaw muab kev pab cuam los pab npaj kom txij

Peb yuav txo qhov kev tshwm sim tsis zoo los ntawm kev tsis muaj hluav taws xob siv kom tsawg los ntawm:

• Kev muab kev pab txhawb nqa ntsig txog lub chaw tsim hluav taws xob faj seeb rau cov neeg siv hluav taws xob uas tsim nyog tau txais kev pab
• Kev ceeb toom rau koj paub txog thaum muaj ib qho kev tua hluav taws xob tau tshwm sim thiab thaum koj muaj peev xwm cia siab ntsoov tias hluav taws xob yuav rov qab tuaj
• Kev siv cov chaw saib xyuas hauv av thiab saum huab cua rau kev rov qab qhib hluav taws xob siv kom sai dua qub
• Kev nruab qhov cuab yeej txhawm rau los txo lub sij hawm ntev tsis muaj hluav taws xob kom tsawg

Peb tab tom txhim kho lab npauv hluav taws xob rau kev nyab xeeb thiab txhawm rau tswj xyuas koj li hluav taws xob kom txhob tuag. Tsis hais yuav yog lub caij nyoog twg los xij, nws tseem ceeb uas yuav tau nyob kom nyab xeeb lug thiab muaj kev npaj txhij rau cov kev tua hluav taws xob tuag.

• Kawm paub txog peb lwm cov kev muab siab rau txog kev nyab xeeb ntawm hluav taws kub hav zoov.
• Saib cov kev taw qhia tshawb nrhiav ua kev qhia kawm paub (webinars) txog cov kev muab siab rau saib xyuas kev nyab xeeb ntawm hluav taws kub hav zoov nyob rau hauv koj cheeb tsam zej zos

Txhua hnub, PG&E cov kws paub zoo rau tej suam los mus kuaj xyuas txog kev phom sij txog ntawm kev hluav taws kub hav zoov hauv lub zej zos. Cov kws paub zoo rau tej suam no muaj xam nrog rau cov kws kawm paub txog fab xwm txheej huab cua hauv ntiaj teb, cov kws kawm xaij (txuj ci fab kev txawj ntse) ntsig txog ntaub ntawv thiab pab pawg saib xyuas EPSS. Pab pawg kuaj xyuas seb cov kev teeb tsim no ua hauj lwm tau zoo npaum li cas. Peb tsuas siv EPSS rau hauv cov cheeb tsam uas muaj kev pheej hmoo siab txog ntawm hluav taws kub hav zoov nkaus xwb. Thaum qhov kev phom sij poob qis lawm – xws li nyob rau lub sij hawm thaum los nag, muaj iab oo, los sis lwm yam huab cua uas nyab xeeb dua qub tuaj lawm – peb yuav tua EPSS nyob rau hauv cheeb tsam ntawd.

EPSS tsis qhib tas li. Txhua hnub peb yuav kuaj xyuas txog qhov kev phom sij uas yuav muaj tau hluav taws kub hav zoov txhawm rau los txiav txim siab seb peb puas yuav tsum tau siv qhov no. Hluav taws kub hav zoov muaj peev xwm tshwm sim tau txhua lub sij hawm ntawm lub xyoo, tab sis zoo ntxim li tshwm sim ntau dua txij Lub Tsib Hlis mus txog Lub Kaum Ib Hlis Ntuj. 

Koj muaj peev xwm kuaj xyuas koj qhov chaw nyob rau ntawm peb Daim Duab Qhia Chaw Txog Kev Vam Meej uas muaj feem sib cuam tshuam sib tham tau nyob rau ntawm pge.com/progressmap. Daim duab qhia chaw (map) no yuav ua rau pom tias koj tau txais kev pov thaiv los ntawm EPSS li cas thiab seb puas muaj kev ua hauj lwm ntsig txog kev nyab xeeb tshwm sim nyob ze rau ntawm koj. Cov xaim hluav taws xob muaj peev xwm cab mus tau ntau miles (mais) deb thoob plaws cov nroog. Tab txawm koj qhov chaw nyob yuav nyob rau sab nraud ntawm ib qho cheeb tsam uas muaj kev phom sij hluav taws kub hav zoov siab lawm los xij, koj qhov hluav taws xob yeej tseem tuaj ntawm ib txoj xaim hluav taws xob uas tau txais kev pov thaiv los ntawm EPSS. 

Cov cuab yeej kev nyab xeeb no hais daws txog cov hom kev phom sij txog ntawm kev hluav taws kub hav zoov uas pom tseeb. Peb qhib kom EPSS ua tau hauj lwm thaum muaj ib nplooj ntawv teev txheeb txog cov ntaub ntawv ntsig txog kev ntaus nqi txog hluav taws kub hnyiab siab. Peb qhib kom EPSS ua tau hauj lwm thaum muaj ib nplooj ntawv teev txheeb txog cov ntaub ntawv phiaj yeeg rau pom txog tias muaj cov roj qhuav thiab cov theem kev noo ntawm huab cua qis, sib xyaws ua ke nrog rau cov cua tsis loj heev. PSPS yog ib qho xwm txheej tsav coj los ntawm cua uas muaj ib nplooj ntawv teev txheeb txog cov ntaub ntawv ntsig txog kev ntaus nqi txog hluav taws kub hnyiab siab dua EPSS. PSPS yog ib qho xwm txheej uas muaj kev npaj tseg, thiab peb siv qhov no thaum muaj kev kwv yees txog tus huab cua yav tom ntej phiaj yeeg rau pom txog tias muaj kev phom sij siab nyob rau hauv qhov kev kwv yees txog tus kee huab cua yav tom ntej ncua sij hawm xya hnub. Koj muaj peev xwm kawm kom paub ntau ntxiv txog PSPS tau nyob rau ntawm pge.com/psps.

Vim tias hluav taws xob yuav tuag sai heev vim muaj ib qho kev phom sij, peb yuav tsis muaj peev xwm ceeb toom rau koj paub ua ntej tau. Nyob rau lub sij hawm thiab tom qab ib qho kev tua hluav taws xob tuag, peb yuav muaj xov tshiab qhia rau koj paub uas yog siv txoj hau kev tiv tauj koj raws li koj nyiam ntawd. Qhov no muaj xam nrog rau cov lus sau hauv xov tooj tuaj, cov email, thiab/los sis cov tsab xov tooj hu av tas naus mav. Koj muaj peev xwm mus rau ntawm pge.com/myalerts txhawm rau hloov kho koj cov ntaub ntawv qhia paub txog chaw tiv tauj koj thiab cov kev nyiam ntsig txog kev ceeb toom txog kev tua hluav taws xob tshiab.

Tau kawg, koj muaj peev xwm hloov kho koj cov kev nyiam txog rau cov kev ceeb toom txog kev tua hluav taws xob tuag nyob rau hauv koj tus as khauj PG&E hauv oos lais tau. Koj muaj peev xwm hloov kho koj tus email thiab tus nab npawb xov tooj tau thiab xaiv seb koj nyiam qhov twg ntawm cov kev ceeb toom xa ua lus sau hauv xov tooj, sau email, thiab/los sis hu xov tooj tuaj. Tsis tas li ntawd koj kuj tseem muaj peev xwm xaiv los mus txais cov kev ceeb toom tau nyob rau qee lub sij hawm ntawm hnub ntawd. Koj kuj yeej tseem yuav tau txais cov kev ceeb toom los ntawm qhov chaw xa ntawv hauv Teb Chaws Mes Kas tib si yog hais tias koj xaiv tsis koom nrog cov kev ceeb toom hauv koos pis tawj. Kuaj xyuas tau nyob rau ntawm peb phau ntawv qhia ib kauj ruam dhau rau ib kauj ruam txog kev hloov pauv koj cov kev nyiam tshiab (PDF).

Muab kawg, peb muaj ntau cov kev xaiv lub chaw tsim hluav taws xob faj seeb uas tej zaum koj muaj cai tsim nyog tau txais, xws li:

• Txheej Txheem Pab Cuam Nyiaj Tau Txais Rov Qab Los Ntawm Lub Cuab Yeej Tsim Hluav Taws Xob thiab Lub Roj: Cov neeg siv hluav taws xob uas muaj cai tsim nyog tau txais kev pab cuam muaj peev xwm tau txais $300 rov qab nrog rau kev yuav ib lub tshuab los sis lub roj hluav taws xob hom nqa mus los tau yooj yim. Yog tias koj yog ib feem ntawm Cov Kev Ntaus Nqi Hluav Taws Xob Sib Quas Rov Qab Los Ntawm Xeev Kas Lis Faus Nias (California Alternate Rates for Energy (CARE)) los sis cov txheej txheem pab cuam muab Kev Pab Txog Kev Ntaus Nqi Hluav Taws Xob Rau Tsev Neeg (Family Electric Rate Assistance, FERA), koj muaj peev xwm tau txais ib qho nyiaj ntxiv li ntawm $200.
• Txheej Txheem Pab Cuam Lub Roj (Battery) Hom Nqa Mus Los Tau Yooj Yim: Yog tias koj xav tau hluav taws xob rau cov laj thawj fab kev kho mob, koj muaj peev xwm tau txais ib lub roj hluav taws xob uas nqa mus los tau yooj yim ua kev pab txhawb. Tej zaum koj yuav muaj cai tsim nyog tau txais kev pab yog hais tias koj yog ib tus neeg siv hluav taws xob ntawm qhov txheej txheem pab cuam Saib Raws Hauv Paus Fab Kev Kho Mob los sis Feem Kev Raug Teeb Meem Tau Yooj Yim Uas Txheeb Xyuas Txog Tus Kheej uas yuav tsum tau siv tsis hais yuav yog rau ib qho twg ntawm ib qho cuab yeej kaus pis tawj kho mob, tev naus laus zis pab cuam los sis cov cuab yeej siv kho mob uas ruaj khov.
• Nyiaj Tau Txais Rov Qab Los Ntawm Kev Khaws Lub Roj (Battery) Uas Kav Mus Ib Txhis: Cov neeg siv hluav taws xob uas muaj cai tsim nyog tau txais kev pab cuam muaj peev xwm tau txais nyiaj pab txog $7,500 tom qab qhov kev yuav khoom thiab kev nruab ib lub lab npauv khaws roj (battery) uas kav mus ib txhis uas zoo heev li. Qhov kev pab cuam no yog muab rau sawv daws raws lub hauv paus tias leej twg tuaj ua ntej, ces tau txais kev pab ua ntej, thaum tseem muaj peev nyiaj pab.
• Txheej Txheem Pab Cuam Lub Twj Ntsuas Kev Xa Hluav Taws Xob Ntawm Lub Chaws Tsim Hluav Taws Xob Faj Seeb: Cov neeg siv hluav taws xob uas muaj cai tsim nyog tau txais kev pab cuam muaj peev xwm tau txais ib lub twj ntsuas kev xa hluav taws xob ntawm lub chaw tsim hluav taws xob faj seeb pub dawb. Nws muaj peev xwm pab koj kom hluav taws xob qhib nyob rau lub sij hawm uas muaj ib qho kev tua hluav taws xob tuag los ntawm kev txuas mus rau ib lub hauv paus ntawm chaw tsim hluav taws xob faj seeb yam yooj yim thiab yam nyab xeeb lug. Qhov no muaj peev xwm xam nrog rau ib lub tshuab hluav taws xob uas ua hauj lwm nrog rau lwm yam tau los sis ib lub tsheb hluav taws xob.
• Thawj Kauj Ruam Ntawm Kev Khaws Ntsig Txog Chaw Nyob: Qhov kev pab cuam no muab ib lub lab npauv khaws roj (battery) faj seeb uas kav mus ib txhis pub dawb. Qhov kev pab cuam no pab txhawb nqa cov neeg uas muaj kev pheej hmoo ntau tshaj plaws txog ntawm kev ntsib ib qho kev tua hluav taws xob tuag.
• Txheej Txheem Pab Cuam Nyiaj Txhawb Siab Rau Kev Tsim Tus Kheej (Self-Generation Incentive Program): Qhov kev pab cuam no pab koj txuag nyiaj los ntawm kev khaws lub roj (battery) rau koj lub lag luam los sis vaj tsev. Nws pab them txog li 15% mus rau 100% ntawm tus nqi nruab nrab txhawm rau nruab ib lub roj (battery), uas saib raws li koj qhov nyiaj khwv tau los. Qhov kev pab cuam no yog muaj pab rau thaum lub sij hawm tseem muaj peev nyiaj pab. Cov neeg siv hluav taws xob uas muaj cai tsim nyog tau txais kev pab cuam muaj peev xwm sau npe nkag rau hauv daim ntawv teev npe txog cov nyob tos qhov kev pab cuam.

Txhawm rau kawm paub ntau ntxiv thiab ua ntawv thov cov kev pab cuam ntsig txog lub chaw tsim hluav taws xob faj seeb, mus saib tau rau ntawm pge.com/backuppower.

EPSS yuav tsis cuam tshuam txog koj daim ntawv sau nqi. Koj yuav tsis raug tsub nqi rau lub sij hawm uas koj qhov hluav taws xob tuag lawm ntawd. Tej zaum koj yuav pom muaj "kev siv uas raug kwv yees" nyob rau ntawm koj tus as khauj oos lais rau lub sij hawm uas koj li hluav taws xob tuag lawm ntawd, tab sis koj yuav tsis raug tsub nqi kom them qhov nqi ntawd.

Feem ntau, peb yuav thaj tsob lav txog cov kev poob uas tshwm sim vim los ntawm peb txoj kev tsis saib xyuas. Txawm li cas los xij, nyob rau hauv ntau kis, peb kuj yuav tsis thaj tsob lav txog rau cov kev tsis muaj hluav taws.

Koj muaj peev xwm xa tau cov tsab ntawv los thov kom them nyiaj txog rau ob hom ntawm cov hom kev them nyiaj rov qab rau cov nqi uas tau tshwm sim ntawd: 

• Kev poob khoom noj muaj cov ntaub ntawv khaws tseg xws li cov ntawv pov thawj them-txais nyiaj (receipts), cov duab, los sis cov ntsiab lus piav qhia txog ntawm cov khoom uas tau poob lawm ntawd. 
• Kev puas tsuaj ntsig txog av vaj tsev uas tuaj yeem muab qhia tau tias yog tim los ntawm qhov kev tua hluav taws xob tuag ntawd. 

Peb yuav tshawb xyuas thiab soj qab taug txhua tsab ntawv thov tuaj kom them nyiaj ntawd ib tus zuj zus. Yuav tsum ua cov kev tshawb xyuas kom tiav hlo ua ntej yuav muaj ib qho kev txiav txim siab los mus pom zoo los sis tsis lees txais txog qhov kom them ntawd. Peb lub hom phiaj yog los ua kom tau ib qho kev txiav txim siab tsis pub dhau 30 hnub suav txij li hnub tuas tau txais tsab ntawv thov kom them ntawd. Yog ho muaj ib qho teeb meem sib cov pes daws cuam tshuam nrog, los sis yog hais tias peb xav tau ntaub ntawv ntxiv, tej zaum qhov laj txheej los lis ntawd yuav siv sij hawm ntev dua. Yog yuav sau ib tsab ntawv kom them nyiaj, mus saib tau rau ntawm pge.com/claims.

Yog hais tias hluav taws xob tuag lawm, cov pab neeg uas ua hauj lwm ua ke yuav kuaj xyuas cov xaim hluav taws xob thiab kho txhua cov teeb meem. Lawv yuav tsum ua cov kev kho ntawd kom tiav tag ua ntej mas thiaj li mam qhib hluav taws xob rov qab tuaj tau yam nyab xeeb lug. Tej zaum cov pab neeg uas ua hauj lwm ua ke ntawd yuav tuaj yeem txheeb xyuas tau qhov teeb meem yam sai thiab txiav txim siab seb puas yuav tsum tau kho qhov ntawd. Yog hais tias nws nyuaj rau kev txheeb xyuas txog qhov teeb meem ntawd, tej zaum nws yuav siv sij hawm ntev zog txhawm rau thiaj mam li rov qab qhib hluav taws xob tuaj siv tau li qub yam nyab xeeb lug. Peb ua hauj lwm los ua kom cov kev ncig saib xyuas mus tau ceev dua qub xwv peb thiaj li muaj peev xwm rov qab qhib hluav taws xob tuaj siv tau zoo li qub sai dua.

Peb nruab cov cuab yeej txheeb xyuas txog txhua feem txhawm rau faib cais cheeb tsam uas siv hluav taws xob los ntawm ib txoj xaim hluav taws xob nkag mus rau hauv cov chaw uas me dua qub. Cov chaw uas me dua qub ntawd yuav ua rau muaj cheeb tsam tsawg dua qub rau mus ncig saib xyuas, uas yuav txo lub sij hawm ntev uas tsis muaj hluav taws xob kom tsawg. Qhov no yuav txog qhov coob ntawm cov neeg siv hluav taws xob uas raug cuam tshuam los ntawm ib qho kev tua hluav taws xob.

EPSS yog ib ntawm ntaub cov cuab yeej kev pov thaiv hluav taws kub hav zoov uas PG&E siv txhawm rau los pov thaiv koj kom tsis txhob raug cov hluav taws kub hav zoov. Tsis tas li ntawd peb kuj tseem ua hauj lwm txog ntawm lwm cov kev muab siab sib zog rau kev nyab xeeb:

• Kev txhim kho tshiab cov lab npauv kev nyab xeeb txog hluav taws kub hav zoov thiab cov xaim hluav taws xob uas npog rau hauv av los ntawm kev tsim ua cov ncej txheem kom ruaj khov dua qub rau hauv thiab ze rau ntawm cov cheeb tsam uas muaj kev phom sij hluav taws kub hav zoov siab.
  • Mus saib kev nce qib nyob ntawm pge.com/systemupgrades.
• Kev muab cov xaim hluav taws xob faus rau hauv av thaib ze rau ntawm cov cheeb tsam uas muaj kev phom sij hluav taws kub hav zoov siab txhawm rau los txo qhov yuav muaj cov hluav taws kub hav zoo kom tsawg.
  • Mus saib cov daim ntawv qhia kev thiab kev nce qib nyob rau ntawm pge.com/undergrounding.
• Kev txiav cov ntoo thiab cov nroj tsuag xwv kom nws tsis txhob chwv cov cov xaim hluav taws xob thiab ua rau muaj hluav taws kub hnyiab.
  • Kawm paub ntau ntxiv los ntawm kev hu rau 1-877-660-6789 los sis mus saib pge.com/trees.

Puas xav kawm paub ntau ntxiv? Mus saib nlooj vas sab Txheej Txheem Pab Cuam Kev Nyab Xeeb Txog Hluav Taws Kub Hav Zoov Nyob Rau Hauv Cheeb Tsam Zej Zos txhawm rau tshawb nrhiav kom paub tag nrho txhua txoj hau kev uas PG&E ua hauj lwm los mus pov thaij koj cheeb tsam zej zos.