Wildfire preparedness & support

Pag-uwi sa bahay pagkatapos ng isang wildfire

Manatiling konektado sa Office of Emergency Services ng iyong county at sundin ang mga direksyon ng iyong lokal na mga First Responder. Kapag pinahintulutan ka ng mga First Responder na umuwi na sa bahay, gawin ang mga hakbang na ito upang manatiling ligtas.

Kaligtasan sa kuryente

• Tingnan kung may sira sa mga kable ng kuryente. Patayin ang kuryente sa pangunahing switch ng kuryente kung may hinala kang may anumang pinsala at kumunsulta sa isang electrician.
• I-unplag mula sa saksakan o patayin ang lahat ng mga de-kuryenteng kagamitan. Mag-iwan lang naka-on ang isang bombilya upang alertuhan ka kapag bumalik ang kuryente.
• Kung makakita ka ng mga naputol na linya ng kuryente malapit sa iyong bahay, ituring ang mga ito na parang "buhay" o naka-energize. Ikaw at ang mga iba ay dapat na umiwas sa mga ito. Tumawag sa 9-1-1, at pagkatapos ay ipaalam sa PG&E sa 1-877-660-6789.
• Gumamit lamang ng mga de-bateryang flashlight para sa ilaw sa panahon ng mga pagkawala ng kuryente.
• Hindi inirerekomenda ang mga wax na kandila. Ang mga LED na kandila ay isang ligtas na alternatibo.
• Tiyaking na naka-install nang maayos ng isang lisensyadong electrician ang mga generator. Ang mga generator na naka-install nang hindi maayos ay nagdudulot ng malaking panganib sa aming mga tauhan, at sa iyo at sa iyong pamilya.
• Kung hihilingin sa iyo na lumikas, patayin ang iyong gas at kuryente upang mapigilan ang anumang karagdagang pinsala.

Kaligtasan sa gas

• Kung pinatay mo o ng ibang tao ang gas sa panahon ng paglikas, HUWAG itong i-on muli. Kontakin ang PG&E o ibang kwalipikadong propesyonal upang magsagawa ng pang-kaligtasan na inspeksyon bago ibalik ang serbisyo ng gas.
• Kung naamoy mo ang kakaibang "bulok na itlog" na amoy ng natural gas sa loob o paligid ng iyong bahay o negosyo ay agad na tumawag sa 9-1-1 at pagkatapos ay PG&E sa 1-877-660-6789.

Pagbabalik ng gas

• Dapat inspeksyunin ng mga tauhan ng gas ang mga nasirang imprastraktura upang maibalik ang serbisyo. Ang PG&E ay magdadala ng mga karagdagang tauhan upang ibalik ang serbisyo sa gas.
• Makakatulong kung ang mga kustomer ay naroroon upang pahintulutan ang mga tauhan ng PG&E na i-akses ang kanilang mga ari-arian upang ma-inspeksyunin ang kagamitan at maibalik ang serbisyo.
• Kung walang pagkontak sa panahon ng aming paunang door to door na pagsisikap upang muling ilawan ang mga pilot light, mag-iiwan kami ng kard sa pagkontak upang matawagan kami ng mga kostumer. Ang mga customer na bumabalik sa kanilang mga tahanan na nais na maibalik ang serbisyo ay dapat tumawag sa 1-877-660-6789.
• Ang mga empleyado ng PG&E ay palaging dala ang kanilang ID at laging handang ipakita ito sa iyo. Palaging hilingin na makita ang may bisang ID bago pahintulutan ang sinumang nag-aangking kinatawan ng PG&E sa loob ng iyong tahanan. Kung ang isang taong nagsasabing siya ay empleyado ng PG&E ay may pagkakakilanlan at hindi ka pa rin komportable, tumawag sa customer service line ng PG&E sa 1-877-660-6789 para i-verify.

Pagpainit ng mga bahay na walang serbisyo sa gas

• Ilagay ang mga space heater sa mga ibabaw na patag, matigas at hindi nasusunog. Huwag ilagay sa ibabaw ng mga basahan o karpet.
• Huwag maglagay ng mga bagay sa ibabaw ng mga space heater o gamitin ang mga ito sa pagpapatuyo ng mga damit o sapatos.
• Patayin ang mga space heater kapag aalis ng kwarto o matutulog.
• Panatilihin ang lahat ng nasusunog na materyales nang di-bababa sa 3 talampakan ang layo mula sa mga pinagmumulan ng pagpainit.
• Pangasiwaan ang mga bata kapag ginagamit ang space heater o fireplace.
• Huwag kailanmang gumamit ng mga kagamitan sa pagluluto tulad ng mga oven o kalan para sa mga layunin ng pagpainit sa bahay.
• Mag-install ng mga carbon monoxide detector upang balaan ka kung mataas ang antas ng konsentrasyon. Mula noong 2011, ang lahat ng mga tirahan para sa iisang pamilya sa California ay kinakailangang magkaroon ng mga carbon monoxide detector. Tiyaking naka-install ang mga ito malapit sa mga tulugan at palitan ang mga baterya nang hindi bababa sa dalawang beses sa isang taon.
• Kung gumagamit ka ng isang fireplace, siguraduhing bukas ang flue.
• Huwag kailanmang gumamit ng mga produkto sa loob ng bahay na naglalabas ng mga mapanganib na antas ng carbon monoxide. Kabilang sa mga naturang produkto ang mga generator, mga barbecue, mga propane heater at uling.