Vulnerable Customer Status

Yog tias koj txoj kev noj qab haus huv los sis kev nyab xeeb nyob rau kev phom sij yog hais tias koj li kev pab cuam hluav taws xob los sis roj nkev raug txiav lawm, ces peb nyob rawv ntawm no txaus siab yuav pab koj. Koj muaj peev xwm tau txais kev pab txhawb nqa los ntawm kev txheeb xyuas qhov tseeb txog ntawm tus kheej rau Vulnerable Customer Status. Qhov no muaj xam nrog rau:

• Ib daim ntawv ceeb toom los yog mus ntsib PG&E ua ntej los yog thaum lub sij hawm-ntawm-qhov kev pab cuam disconnection vim tsis them cov nyiaj uas tsis them
• Ntxiv pej xeem kev ruaj ntseg Shutoff (PSPS) ntawv ceeb toom
• Yuav tau txais kev co tswb qhov rooj los sis khob qhov rooj kiag los ntawm PG&E yog tias koj tseem tsis tau txais cov kev ceeb toom txog xwm txheej PSPS dhau los ntawd

Txhawm rau ua ntawv tso npe thov, hu rau 1-800-743-5000. Thaum twg koj sau npe nkag tag lawm, Vulnerable Customer Status yeej tseem muaj nyob rau hauv koj tus as khauj mus txog li 90 hnub. Koj muaj peev xwm rov qab xa ib daim ntawv tso npe thov kev pab txog qhov txheej txheem pab cuam txhawm rau tso npe thov kev pab rau ib qho kev tauj sij hawm ntxiv li ib lub xyoos uas tsis pub dhau 90 hnub txij no tod.

Rub tawm daim ntawv tso npe thov ntawm Vulnerable Customer Status (PDF)

Medical Baseline Program

Yog tias koj vam khom hluav taws xob rau cov kev xav tau ntsig txog kev kho mob, koj tuaj yeem muaj cai tsim nyog tau txais kev pab los ntawm Medical Baseline Program. Qhov txheej txheem pab cuam no muaj xam nrog rau:

• Txoj kev sib faib phuv ntxiv ntawm hluav taws xob nyob rau tus nqi qis tshaj plaws rau ntawm koj tus nqi tam sim no.
• Cov kev ceeb toom los ntawm kev hu xov tooj, kev xa lus sau thiab kev sau email mus ua ntej yuav muaj ib qho PSPS. Yog hais tias koj tsis teb lus rau cov kev ceeb toom no, peb yuav muaj cov kev sim ntau ntxiv los mus ceeb toom rau koj paub raws xuab moos. Los sis, peb yuav tiv tauj rau koj yam tuaj ntsib kiag ntawm tus kheej kom txog ntua rau thaum peb tau ntsib koj lawm tso.

Kuaj xyuas seb koj puas muaj cai tsim nyog tau txais Medical Baseline Program

Kev pab cov nqi hluav taws xob

Peb muab siab sib zog los muab cov hau kev daws teeb meem rau cov neeg uas them tsis taus lawv cov nqi hluv taws xob. Peb muaj kev pab txhawb nqa raws li nram qab no:

Yog tias koj them tsis taus koj cov nqi hluav taws xob, ces yuav muaj cov kev txhawb pab nram qab no los siv tau:

• Nrhiav cov kev npaj txog kev them nyiaj txhawm rau los mus pab koj zam kom tsis txhob plam qhov kev siv hluav taws xob. Mus saib ntawm kev tsim txoj kev npaj los them nyiaj.
• Pab cov neeg uas yus hlub uas yog cov tej zaum tsis nco qab los them lawv cov nqi ntawm PG&E lawm vim yog muaj mob nkeeg los sis ntsib kev txom nyem fab nyiaj txiag. Mus saib ntawm cov kev ceeb toom qhia paub ntawm feem thib peb.
• Tau txais kev pab txog kev tsim ua koj cov ntawv sau nqi kom tuaj yeem khwv yees tau yooj yim dua qub thiab haum rau koj pob peev nyiaj. Mus saib ntawm Budget Billing.
• Kawm paub txog seb cov kev ntaus nqi raug teeb tsim tau li cas thiab kom nkag siab txog koj cov kev xaiv ntsig txog qhov phiaj xwm kev npaj zoo. Mus saib ntawm Cov Kev Npaj Kom Nkag Siab Zoo Txog Tus Nqi.

Tej zaum cov txheej txheem pab cuam nyob rau nram qab no tuaj yeem pab koj txuag nyiaj tau.

• Tau txais ib qho nyiaj khes div hluav taws xob yog hais tias koj tsis tuaj yeem them tau koj qhov nuj nqis raws li hauv daim ntawv sau nqi vim los ntawm ib qho kev txom nyem uas ntsia tsis pom. Kawm paub txog Relief for Energy Assistance through Community Help (REACH).
• Tshawb nrhiav kom paub txog kev pab txog kev hloov pauv ntawm huab cua hauv tsev los sis kev pab cuam fab nyiaj txiag txhawm rau ua kom lub tsev sov tuaj los sis kom txias. Kawm paub txog Low-Income Home Energy Assistance Program (LIHEAP).
• Tau txais ib qho kev txo nqi txhua hli txog ntawm koj cov lus hais txog lub zog hluav taws xob. Kawm paub txog California Alternate Rates for Energy Program (CARE).
• Tau txais ib qhov kev txo nqi txhua hli txog ntawm koj daim ntawv sau nqi hluav taws xob yog hais tias koj nyob rau hauv ib yim neeg uas muaj txog peb leej neeg los sis coob dua ntawd. Kawm paub txog Family Electric Rate Assistance Program (FERA).
• Tshawb nrhiav kev pab tsim ua cov kev txhim kho txog rau koj lub tsev, chav tsev nyob los sis lub tsev txawb. Kawm paub txog Energy Savings Assistance Program (ESA).