Cov kev dag ntxias

PG&E cov neeg siv hluav taws xob tshaj qhia cov kev dag ntxias hauv xov tooj tuaj nrog cov kev hu xov tooj uas pom muaj PG&E hauv tus lej ID tus neeg hu xov tooj 1-800-743-5000. Los sis, tej zaum tus neeg hu xov tooj yuav dag tias yog tus sawv cev ntawm PG&E.

Cov kev hu xov tooj uas yog kev dag huab noj huab haus tej zaum yuav muaj xws li:

• Qhia rau cov neeg siv hluav taws xob tias lawv daim ntawv nqi hluav taws xob dhau sij hawm them lawm thiab tias yuav muab hluav taws xob tuav tsis pub dhau ib xuab moos tshwj tsis yog hais tias kom cia li them nqi kiag tam sim ntawd.
• Kev thov kom them nyiaj rau PG&E ua tau nrog ib daim npav khoom plig, MoneyPak® Card los sis los ntawm kev them nqi raws hauv lub ev (app) xws li Venmo los sis Zelle®. NCO NTSEG: Yog xav tshuaj xyuas PG&E cov hau kev them nqi uas tau txais kev tso cai, mus saib tau ntawm Cov Hau Kev los them nqi.
• Kev thov koj tus lej as khauj ntawm PG&E, nkag mus rau hauv los sis tus lej Social Security txhawm rau kom nkag siab txog koj txoj kev siv hluav taws xob thaum sim muag qhov kev pab cuam rau koj los sis muab kev ntsuam xyuas hluav taws xob. Cov neeg muag khoom tsis tas yuav tsum tau cov ntaub ntawv no kom tau txais koj cov ntaub ntawv teev kev siv. PG&E muaj qhov txheej txheem pab Kev Qhia Kuv Cov Ntaub Ntawv (Share My Data program) rau cov neeg muag khoom kom tau txais cov ntaub ntawv teev kev siv nkaus xwb (tsis yog cov ntaub ntawv ntiag tug), nrog rau koj qhov kev tso cai.
• Kev qhia rau cov neeg siv hluav taws xob tias lawv muaj cai tau txais cov nyiaj them rov qab thiab/los sis luv nqi ntawm PG&E, kev them nyiaj se rov qab ntawm tsoom fwv teb chaws, los sis cov nuj nqis uas tseem tshuav yav dhau los kom them rau PG&E. Tus neeg hu xov tooj yuav ua txhua txoj hau kev kom tau koj tus lej as khauj ntawm PG&E thiab lwm cov ntaub ntawv qhia txog tus kheej.
• Kev dag hais tias tab tom yuav muaj ib qho kev tua hluav taws xob tshwm sim thiab thov cov ntaub ntawv qhia txog tus kheej los txiav txim seb qhov chaw nyob ntawm tus neeg siv hluav taws xob puas yuav raug cuam tshuam.
• Kev dag tias yog tus neeg sawv cev ntawm lub txheej txheem chiv xub thawj ntawm PG&E kom lawv thiaj tuaj yeem muag tau ib yam khoom los sis nkag mus tau rau hauv koj lub tsev ntxiv.

Nco ntsoov tias cov neeg dag ntxias yuav zais lawv cov lej xov tooj tseem tiag los sis dag tias tuaj ntawm PG&E. PG&E tsis ua kev hu cov xov tooj no li.

PEB YEEJ IB TXWM TSIS THOV KOJ COV NTAUB NTAWV QHIA TXOG FAB NYIAJ TXIAG RAWS HAUV XOV TOOJ DUA LI. Cov lus thov fab nyiaj txiag uas tsis muaj tseeb zoo li no yuav tsum raug xam tias yog cov kev dag ntxias.

PG&E Corporate Security Department (Lub Tsev Hauj Lwm Saib Xyuas Kev Ruaj Ntseg Hauv Lub Tuam Txhab) yuav tshuaj xyuas txhua qhov kev tsis txaus siab txog kev dag ntxias rau ib qho kev tshawb nrhiav uas ua tau.

Nqis tes tawm tsam kiag rau ID ntawm tus neeg hu xov tooj dag ntxias

Yog hais tias koj muaj qhov ntshai txog tsab xov tooj uas tab tom hu tuaj ntawm PG&E, ces kom muab xov tooj khwb kiag thiab hu mus rau PG&E Customer Service tus lej xov tooj: 1-833-500-SCAM (1-833-500-7226).

Xa ib daim Ntawv Tshaj Qhia Txog Kev Dag Ntxias Raws Hauv Xov Tooj

Cov kev dag ntxias uas tso lub hom phiaj tsi ntsees mus rau cov neeg siv hluav taws xob hauv chaw lag luam uas yog haiv neeg Hispanic
Tshaj qhia cov kev dag ntxias raws hauv xov tooj uas ceeb toom tias qhov kev pab cuam hluav taws xob yuav raug txiav tawm tshwj tsis yog lub chaw lag luam ua kev them nyiaj los ntawm daim npav them nyiaj ua ntej xws li daim npav Green Dot card. PG&E tsis ua cov kev hu xov tooj no li. Peb yeej tsis thov kom them nyiaj tam sim nrog daim npav them nyiaj ua ntej raws hauv xov tooj los sis kiag ntawm tus kheej. Cov kev thov fab nyiaj txiag uas tsis muaj tseeb zoo xws li qhov no yuav tsum raug xam tias yog cov kev dag ntxias.

PG&E cov neeg siv hluav taws xob tshaj qhia tias tau txais cov email uas xoom xaim zoo li yog cov ntawv nqi xa tuaj ntawm PG&E. Cov ntawv nqi no yog cov ntawv cuav thiab yuav tsum raug xam zoo li yog cov kev dag ntxias.

Yog hais tias koj tau txais ib tsab email uas xoom xaim tias dag ntxias, tus email: ScamReporting@pge.com.

Nws muaj tseeb! Tom qab tas lub xyoo no lawm, yuav muaj cov yam ntxwv tshiab ntxiv rau koj tus as khauj ntawm PG&E, muaj xam nrog rau:

• Kev ruaj ntseg uas ruaj khov dua qub
• Cov kev teeb qhaj tus phav xab vawj (password) uas yooj yim dua qub
• Cov kev nkag siab txog tus kheej nyob rau hauv koj li kev siv hluav taws xob, cov kev ntaus nqi thiab cov kev txuag nyiaj

Thawj zaug uas koj nkag mus rau hauv lub vas sab tshiab, koj yuav tsum tau txheeb xyuas qhov tseeb txog ntawm koj tus kheej los ntawm kev txais ib tsab xov tooj hu tuaj los sis tsab lus sau tuaj ntawm peb.

Tej zaum koj kuj yuav tau txais ib tsab lus sau nyob rau hauv email hais txog qhov kev hloov pauv no. Txhawm rau pab phiaj yeeg kom pom txog tias tsab email no yog tuaj ntawm PG&E, peb tau tshaj tawm cov qauv piv txwv nyob rau ntawm no:

Tus Neeg Siv Tus As Khauj Online Uas Twb Muaj Nrog PG&E Lawm

Tus Neeg Siv Tus As Khauj Uas Twb Muaj Nrog PG&E Lawm