Cov Ntaub Ntawv Teev Qhia Txog Kev Siv Hluav Taws Xob

Peb tsuas yog khaws yam ntaub ntawv qhia paub uas yog tsim nyog los muab kev pab cuam rau koj los sis ua raws li txoj cai lij choj nkaus xwb. Cov Ntaub Ntawv Teev Qhia Txog Kev Siv Hluav Taws Xob uas peb tau txais, khaws cia thiab nqis tes ua yuav muaj xws li:

• Cov txheeb qhia tau tus kheej, xws li koj lub npe, chaw nyob, tus xov tooj thiab chaw nyob email.
• Cov ntaub ntawv qhia paub txog kev them nqi thiab them nyiaj, xws li cov ntaub ntawv uas siv los them koj daim ntawv nqi siv hluav taws xob ntawm PG&E, suav nrog koj cov ntaub ntawv qhia paub fab nyiaj txiag, keeb kwm kev qiv nyiaj thiab Tus Naj Npawb Kev Nyab Xeeb Fab Sim Neej (Social Security Number).
• Cov ntaub ntawv teev qhia kev siv hluav taws xob thiab roj nkev, xws li cov ntaub ntawv teev qhia kev siv hluav taws xob thiab roj nkev uas sauv sau los ntawm peb cov laj npauv ntsuas kev siv.
• Cov ntaub ntawv qhia txog kev koom nrog khoos kas pab hluav taws xob xws li cov ntaub ntawv uas tau suav sau tseg thaum koj xaiv los koom rau hauv cov khoos kas los sis cov kev pab cuam hluav taws xob. Cov no yuav muaj xam nrog cov khoos kas pab Hluav Taws Xob Kom Zoo los sis Kev Pab Raws Li Kev Xav Tau, los sis cov kev pab cuam hauv vev xaib xws li Koj Tus As Khauj.

Peb suav sau cov ntaub ntawv qhia paub nyob rau ntau txoj hau kev, xws li:

• Thaum koj siv hluav taws xob thiab roj nkev, peb lub lab npauv kev ntsuas yuav suav sau Cov Ntaub Ntawv Teev Qhia Txog Kev Siv Hluav Taws Xob.
• Thaum koj teeb tsim koj tus as khauj los sis cuam tshuam nrog peb txog koj tus as khauj. Tsis tas li ntawd, los ntawm koj qhov kev pab cuam hluav taws xob thiab koj qhov kev koom nrog hauv cov khoos kas pab hluav taws xob.
• Thaum peb ua hauj lwm nrog cov neeg thib peb. Cov nod tuaj yeem suav nrog cov koom haum qiv nyiaj, cov kws tshawb nrhiav kev lag luam los sis cov neeg cog lus uas muab cov kev pab cuam hluav taws xob tam peb.
• Tej zaum peb yuav khaws cov ntaub ntawv qhia paub uas tau txais los ntawm lwm cov chaw ntxiv rau cov ntaub ntawv qhia paub uas tau piav qhia saum toj no, xws li cov ntaub ntawv kws muab kev paub cuam hauv oos lais thiab tsis yog oos lais tib si. Qhov no yuav suav nrog koj cov ntaub ntawv qhia chaw tiv tauj, cov ntaub ntawv pej xeem los sis lwm yam ntaub ntawv ntsig txog.

• Tsim koj daim ntawv them nqi thiab taug qab xyuas cov ntawv sau nqi thiab kev them nqi yav dhau los ntawm koj tus as khauj.
• Pab rau koj tuaj yeem saib pom koj Cov Ntaub Ntawv Teev Qhia Kev Siv Hluav Taws Xob nyob rau hnub tom ntej, thaum muaj, uas siv kev nkag cuag uas ruaj ntsig raws hauv Is Taws Nem (Internet).
• Sib txuas lus nrog koj hais txog:
  • Koj li kev siv hluav taws xob. Qhov no yuav pab koj xaiv txoj kev npaj tus nqi uas zoo tshaj plaws. Los sis, yog tias koj xaiv, siv qhov zoo ntawm tus nqi uas cov khoos kas tau teev tseg xws li SmartRate^TM.
  • Kev txuag hluav taws xob thiab kev tswj hluav taws xob kom haum rau koj thaj chaw, huab cua thiab kev siv hluav taws xob txhua hnub.
• Txhim kho peb cov kev pab cuam ntsig txog hluav taws xob rau koj.

Txhawm rau muab cov kev pab cuam rau koj los sis txhawm rau ua kom tiav cov kev lag luam uas tau thov los ntawm koj, tej zaum peb yuav xa koj Cov Ntaub Ntawv Teev Qhia Kev Siv Hluav Taws Xob rau Cov Neeg Thib Peb, muaj xam nrog:

• Cov neeg thib peb uas muab kev pab cuam rau peb thiab ua hauj lwm tam rau peb
• Feem tuav tswj kev cai lij choj, cov koom haum tswj hwm thiab lwm lub koom haum tsoom fwv
• Lwm cov neeg thib peb uas koj tau muab koj qhov kev tso cai pom zoo rau

Tej zaum PG&E yuav nthuav tawm Cov Ntaub Ntawv Teev Qhia Txog Kev Siv Hluav Taws Xob rau cov neeg thib peb rau cov hom phiaj hauv qab no:

• Kev muab cov kev pab cuam rau koj
• Kev ua hauj lwm thiab kev tswj laj npauv hluav taws xob los sis roj nkev ntawm PG&E
• Kev ua raws li daim ntawv lav paub, daim ntawv nqua hu los sis daim ntawv txiav txim plaub ntug uas siv tau
• Kev ua raws li daim ntawv thov siv tau los ntawm California Public Utilities Commission los sis lwm lub koom haum tsoom fwv
• Kev pab rau cov neeg thib peb los muab cov kev pab cuam ntsig txog kev siv hluav taws xob sawv cev tam ntawm PG&E. Tab sis tsuas yog tias tsim nyog thiab ua raws li cov kev cai txwv tsis pub lwm tus paub thiab kev ruaj ntseg
• Kev pab cov neeg pab daws teeb meem thaum muaj xwm txheej ceev nyob rau tej zwj ceeb muaj kev phom sij txog lub neej txoj sia los sis txog tej peev txheej ntiag tug
  
• Hauv lwm qhov xwm txheej uas koj tau muab koj qhov kev tso cai pom zoo

Koj tuaj yeem tso cai rau lwm lub tuam txhab los sis lwm cov neeg los tau txais koj Cov Ntaub Ntawv Qhia Txog Kev Siv Hluav Taws Xob. Ua ntej muab cov ntaub ntawv qhia paub no qhia tawm, nws yog ib qho tseem ceeb heev uas koj yuav tsum nkag siab txog txoj hauv kev uas lwm cov neeg thib peb ntawd npaj los siv koj cov ntaub ntawv qhia paub no mus li cas. Tshawb nrhiav seb lawv puas yuav qhia rau lwm tus thiab paub koj txoj cai raws li tus neeg siv hluav taws xob. Peb thov qhia kom koj pov thaiv koj lub npe tus neeg siv (username), tus zauv cim (password) thiab lwm yam ntaub ntawv qhia paub tus kheej.

Txhawm rau kev paub ntau ntxiv, thov mus saib tau rau ntawm pge.com/sharemydata.

Koj tuaj yeem nrhiav pom koj cov ntaub ntawv ntawm koj daim nqi them txhua hli los sis los ntawm kev nkag mus rau Koj Tus As Khauj (Your Account) hauv pge.com. Koj Tus As Khauj (Your Account) yuav pom tshwm koj Cov Ntaub Ntawv Teev Qhia Kev Siv Hluav Taws Xob ib hnub tom qa siv tas. Dua li nod lawm nws tseem qhia txog kev siv raws xuab moos rau cov neeg siv hluav taws xob hauv tsev thiab cov ntaub ntawv ncua sij hawm 15-feeb rau cov neeg siv hluav taws xob hauv chaw lag luam.

Peb lub vev xaib kuj tseem muab kev nkag cuag rau cov ntaub ntawv nqi hluav taws xob tau yam ruaj ntseg. Qhov no suav nrog kev kwv yees ntawm daim ntawv sau nqi kawg ntawm lub hli, thiab cov nqi ntawm qhov siab tshaj plaws thiab lub sij hawm zoo li ib txwm. Yog hais tias koj nyob ntawm txoj kev npaj tus qauv nqi, koj tuaj yeem sau npe rau PG&E' qho khoos kas Energy Alerts program tau. Peb yuav qhia rau koj paub yog tias koj tab tom taug qab kev siv hluav taws xob ntau dua hauv ib hlis dua li koj tau npaj siv.

Peb muab kev xaiv txog tias seb peb puas tiv tauj nrog koj li cas thiab Cov Ntaub Ntawv Qhia Txog Kev Siv Hluav Taws Xob twg uas koj muab rau peb. Nyob rau hauv qee kis, koj muaj cai los txwv rau cov ntaub ntawv qhia paub uas koj muab rau peb, xws li:

• Tus Naj Npawb Xaus Saus: Txhawm rau tsim los sis rov tsim cov kev pab cuam, koj yuav raug hais kom muab koj tus Naj Npawb Xaus Saus. Qhov no pab rau peb txheeb xyuas koj tus kheej tau. Koj muaj cai tsis muab koj tus Naj Npawb Xaus Saus. Txawm li cas los xij, qhov tso nyiaj yuav raug them thiab peb yuav thov ib daim ntawv qhia tus kheej (piv txwv li, daim ntawv tsav tsheb, ntawv hla teb chaws, daim ntawv cim thawj pej xeem ntawm Lub Xeev, thiab lwm yam). Qhov kev tso nyiaj tuaj yeem zam tau yog tias tus as khauj tau sau npe hauv daim ntawv tsis muaj ntawv sau nqi thiab them rov qab los ntawm pge.com los sis tau ceev kev ruaj ntseg nrog tus neeg lav sau nqi.
• Koj Tus As Khauj (Your Account): Ib tus as khauj hauv oos lais muab kev nkag mus rau koj daim ntawv sau nqi tam sim. Koj tseem tuaj yeem them nyiaj nqi hluav taws xob thiab tau txais cov kev ceeb toom tseem ceeb. Thaum koj sau npe, ces koj yuav raug thov kom muab koj qhov chaw nyob email. Koj muaj cai tsis kam lees qhov kev thov no. Txawm li cas los xij, koj yuav tsis muaj peev xwm coj kom zoo dua ntawm kev them nqi hluav taws xob thiab cov kev sau nqi hauv oos lais.
• Cov Kev Sib Txuas Lus Hauv Email: Yog tias koj xaiv kom tau txais email los ntawm peb, koj tuaj yeem xaiv tawm ntawm kev txais cov email no txhua lub sij hawm. Ua raws li cov kev lis unsubscribe hauv qab ntawm email. Los sis hu rau los yog sau ntawv rau peb raws kev siv tshooj lus “Tiv Tauj Rau Peb” hauv qab no. Los ntawm koj tus as khauj hauv oos lais, Koj tuaj yeem xaiv tawm ntawm koj tus as khauj oos lais los ntawm kev hloov kho koj cov kev nyiam nyob rau hauv qhov Profile & Alerts.

Tej zaum koj kuj tseem yuav muaj cai los:

• Tshem koj daim ntawv tso cai rau qee yam kev siv koj Cov Ntaub Ntawv Teev Qhia Txog Kev Siv Hluav Taws Xob.
• Tawm tsam qhov raug los sis kev muaj txhij txhua ntawm Cov Ntaub Ntawv Teev Qhia Txog Kev Siv Hluav Taws Xob uas peb muaj ntsig txog koj.
• Thov kom peb kho koj Cov Ntaub Ntawv Teev Qhia Txog Kev Siv Hluav Taws Xob.

Siv cov cai no tau los ntawm kev hu rau 1-800-743-5000. Los sis sau npe nkag mus rau hauv koj tus as khauj oos lais los kho koj cov ntaub ntawv qhia tus kheej.