Programa ng Komunidad sa Kaligtasan sa Wildfire o Sunog na Mabilis Kumalat (Community Wildfire Safety Program)

Pagpapalawak sa aming mga pagsisikap na maiwasan ang mga sunog

Inilunsad ang Community Wildfire Safety Program noong 2018 upang matulungan ang mga kostumer at mga komunidad na manatiling ligtas. Tumataas ang panganib ng sunog sa California, kaya ginagawa naming mas ligtas ang aming sistema.

Paano kami kumikilos

Kasama sa aming pinagtutuunan na mga lugar sa Community Wildfire Safety Program ang:

Paglalagay sa mga linya ng kuryente sa ilalim ng lupa

Inililipat namin ang mga linya ng kuryente sa ilalim ng lupa sa mga lugar na mataas ang banta ng sunog.

Pagpapalakas sa grid ng kuryente

Ginagawa naming mas ligtas ang aming sistema ng kuryente sa pamamagitan ng mas malakas na mga poste at may takip na mga linya ng kuryente.

Enhanced Powerline Safety Settings

Nawawalan ng kuryente ang aming mga linya nang one-tenth ng segundo kapag nakatukoy ng problema. Kilala ang settings na ito bilang Enhanced Powerline Safety Settings.

Pagbabawas sa mga epekto ng Public Safety Power Shutoff

Pinapahusay namin ang mga target sa paggamit ng Public Safety Power Shutoffs.

Pagsasagawa ng pinahusay na pangangasiwa sa halamanan

Pinahusay namin ang aming pangangasiwa sa mga puno at palumpong na malapit sa mga linya ng kuryente sa mga lugar na mataas ang banta ng sunog.

Paglalagay ng mga microgrid

Sa mga panahong walang kuryente, may mga paraan kami para mabawasan ang bilang ng mga kostumer na nawawalan ng kuryente.

Paggamit sa inobatibong mga teknolohiya

Naghahanap kami ng mga bagong paraan para makatulong sa pag-iwas at makatugon sa mga panganib ng mabilis na kumakalat na apoy.

Nakatira ka ba sa isang lugar na may mataas na banta ng sunog?

Nakipagtulungan ang California Public Utilities Commission sa CAL FIRE at iba pa para makagawa ng Fire-Threat Map ng California. Tingnan ang CPUC Fire-Threat Map. Ipinapakita ng mapa ang mga lugar na may mataas na panganib ng sunog na puwedeng maglagay sa mga tao at ari-arian sa panganib.

• Ang mga lugar sa Tier 3 ay nasa matinding panganib para sa sunog
• Ang mga lugar sa Tier 2 ay nasa mataas na panganib para sa sunog
• Ang Zone 1 High Hazard Zone ay mga lugar na may mataas na bilang ng mga patay at namamatay na puno