Mga backup generator

Kapag nagdesisyonna kayong bumili ng generator, hanapin ang angkop na gagana para sa inyo. Kasama sa mga salik o factor na dapat isasaalang-alang ang:

Kung hindi ninyo naiintindihan kung paano paganahin ang inyong generator, inilalantad ninyo sa pagkasira ang inyong ari-arian, sa panganib ang inyong buhay at ang mga buhay ng mga kawani ng PG&E na posibleng may ginagawa sa mga linya ng koryente sa inyong komunidad.

PARA SA INYONG KALIGTASAN: Intindihin at sundin ang lahat ng mga instruksiyong pangkaligtasan na ibinigay ng tagamanupaktura. Huwag ikabit ang alinmang generator sa iba pang mapagkukunan ng koryente, kasama na ang mga linya ng koryente ng PG&E.

Kaligtasan sa paggamit ng nabibitbit na generator

• Tiyaking suportado ng inyong generator ang kinakailangang enerhiya ng kasangkapan (electric load) at hindi lumalagpas sa espesipikasyon ng tagamanupaktura.
• Ilagay ang inyong generator kung saan ligtas na nakakabuga ang tambutso (exhaust) para maiwasan ang pagkalason sa carbon monoxide at pagkamatay.
• Gumamit lamang ng mga pampahabang kordon o extension cord na wasto ang laki sa elektrikal ng indibiwal na generator para maiwasan ang labis na pag-iinit. Magagamit ang chart ng American Wire Gauge (AWG) para matukoy kung aling kurdon ang angkop sa inyo. Sinusukat ng AWG ang laki ng extension cord; tandaang habang mas malaki ang kurdon, mas lumiliit ang AWG rating.
• Ilayo ang mga kurdon sa madalas na nadadaanang lugar para hindi maging panganib sa pagkatapilok.
• Huwag ipailalim ang kurdon sa mga basahan o alpombra kung saan posibleng uminit, o kung saan posibleng masira ang kurdon nang hindi napapansin.

Kaligtasan para sa permanenteng nakaabang na generator

• Kailangan sa instalasyon ang lisensiyadong kontratistang elektrikal o iba pang kuwalipikadong propesyonal.
• Tiyaking hindi dumadaloy o "nagba-backfeed" ang koryente ng inyong generator sa linya ng koryente ng PG&E. Pinakakaraniwang paraan para maiwasan ang "pagba-backfeed" ang instalasyon ng "double-pole, double-throw transfer switch" kasama ng inyong permanenteng nakaabang na generator.
• Dapat mainspeksiyon ng departamento para sa mga gusali ng lungsod o county ang anumang idinagdag o pinag-angkop na kable sa bahay.
• • Kapag tapos na ang instalasyon, tumawag sa PG&E sa 1-800-743-5000 para ipaalam sa amin ang tungkol sa inyong backup system. Malalaman pagkatapos ng mga manggagawa ng PG&E ang tungkol sa inyong generator kapag nagtatrabaho na sila kaugnay ng pagkawala ng koryente sa inyong lugar.

PG&E ay nag-aalok sa mga kwalipikadong kostumer ng rebate sa pagbili ng kwalipikadong produkto (generator o baterya) para sa paghahanda sa mga pagkawala ng kuryente.

Mga Hinihingi para Maging Kwalipikado sa Programang Rebate sa Generator at Baterya (kailangang matugunan ang lahat para maging kwalipikado):

• Kailangang meron kang aktibong PG&E account.
• Kailangang nakatira ka sa Tier 2 o 3 na mga lugar na mataas ang panganib sa sunog ayon sa tinukoy ng CPUC sa mapa ng Distrito na Mataas ang Panganib sa Sunog.
• Kailangang natutugunan mo ang isa sa sumusunod na pamantayan:
  • Umaasa sa pagbomba ng tubig sa balon para sa mga pangangailangan ng tubig sa inyong lugar (ibig sabihin, ang inyong address ay HINDI kasali sa mapa ng CA Water Agency) O
  • Nakatala sa Medical Baseline program O
  • small/micro non-critical care essential business (Grocery Stores, Convenient Stores, Veterinarian Services, Dental Offices, Urgent Care/Clinics, mga may-ari ng Mobile Home Parks)
• Ang iyong produkto ay kailangang nasa Talaan ng Kwalipikadong Produkto (XLSX, 51 KB).

Tandaan:

• Ang mga kostumer na umaasa sa pagbomba ng tubig sa balon O maliit/micro essential na mga negosyo ay hinihikayat na bumili ng Kwalipikadong Portable na Generator mula sa Talaan ng Kwalipikadong Produkto para makasali sa programa na ito
• Ang mga kostumer na nasa Medical Baseline ay hinihikayat na bumili ng Kwalipikadong Portable na Power Station (portable na baterya) mula sa Talaan ng Kwalipikadong Produkto para makalahok sa programang ito
• Ang lahat ng Portable na Generator mula sa Talaan ng Kwalipikadong Produkto ay kailangang nakatutupad sa California Air Resources Board (CARB)

na Antas ng mga Rebate (batay sa mga punto ng retail na presyo):

• Antas 1:  $300/Produktong nakapresyo sa $0-$500
• Antas 2:  $500/produktong nakapresyo sa $501-$1000
• Antas 3: $1,000/produktong nakapresyo sa $1,001 at higit pa
• Ang mga halaga ng rebate ay hindi lalampas sa presyo sa pagbili ng produkto, at hindi kabibilangan ng mga gastos sa buwis o pagpapadala. Ang mga kostumer na lumalahok sa Programang CARE o FERA ng PG&E ay maaaring makatanggap ng karagdagang $200 kung ang kabuuang halaga ng Rebate na kinabibilangan ng naaangkop na halaga ng Antas, ay hindi lumalampas sa kwalipikadong presyo sa pagbili ng Produkto.

Pakitandaan: Ang aplikasyon para sa rebate ay kailangang maisumite sa loob ng 12 buwan mula sa petsa ng pagbili ng kwalipikadong produkto sa o bago lumipas ang Disyembre 31, 2022, alinman ang mas malapit.

Hindi gumagawa ang PG&E ng anumang pag-eendoso o rekomendasyon. Nasa ibaba ang representanteng listahan ng mga taga-suplay at kontratista na makakatulong sa inyo. Hindi kasama ang lahat sa listahan. Deretsong makipag-ugnayan sa mga tagabenta para sa karagdagang impormasyon, kasama na ang Mga Madalas itanong (FAQs), presyo, at pagpipinansiya.

Mga alternatibo sa generator

Kung ihahambing sa mga generator, puwede ninyong magamit ang mga nabibitbit na power station at battery technology sa pagcha-charge ng anumang bagay mula sa telepono hanggang sa refrigerator, at lahat ng bagay na nasa pagitan ng mga ito. Nagagamit ang mga solusyong ito sa loob at labas ng bahay, nang walang ingay, usok, o pagmamantini ng tradisyonal na de-gasolinang generator.

Para sa karagdagang impormasyon tungkol sa mga nabibitbit na power station at battery technology bisitahin ang Marketplace ng PG&E.

Financing options for backup generators

• Assistive technology: Apply for a low-interest loan. Visit FreedomTech Loan Program.
• Small and medium businesses: Apply for loans up to $250,000. Visit Ascentium Capital.
• Large businesses: Apply for funding up to $5 million. Visit Constant Energy Capital.

Alamin ang tungkol sa aming insentibo sa pagpipinansiya

Nagbibigay ang PG&E ng insentibo sa pagpipinansiya para sa mga pangnegosyo o residensiyal na kostumer na gumagawa ng instalasyon ng bago at kuwalipikadong kagamitan tungo sa paglkha at pag-iimbak ng enerhiya.