Medical Baseline Program

Dapat sertipikahin ng lisensiyadong medikal na manggagamot na may isang full-time na residente sa inyong tahanan na:

• Nakadepende sa kagamitang pansuporta ng buhay na ginagamit sa tahanan.
• Isang pasyenteng paraplegic, hemiplegic, quadriplegic, o may multiple sclerosis na may karagdagang mga pangangailangan para sa pampainit at/o pampalamig.
• Isang pasyenteng may scleroderma na may mga karagdagang pangangailangan sa pampainit.
• Ginagamot para sa karamdamang mapanganib sa buhay, mahina ang sistemang panlaban sa sakit, o iba pang medikal na kondisyon na may karagdagang mga pangangailangan para sa pampainit at/o pampalamig na kinakailangan upang suportahan ang buhay ng pasyente o maiwasan ang paglala ng medikal na kondisyon ng pasyente.

Anumang medikal na aparatong ginagamit upang suportahan ang buhay o inaasahan para sa pagkilos (ayon sa ipinasya ng isang lisensiyadong kwalipikadong medikal na manggagamot). Kailangang gamitin sa tahanan ang kagamitan. Sa pangkalahatan, ang kagamitang ginagamit para sa terapiya ay hindi kwalipikado para sa Medical Baseline.

Kabilang sa kagamitang pansuporta ng buhay ang mga respirator (mga oxygen concentrator), mga iron lung, mga makina para sa hemodialysis, mga makina na pang-suction, mga de-kuryenteng nerve stimulator, mga pressure pad at pump, mga aerosol tent, mga electrostatic at ultrasonic nebulizer, compressor, mga makina para sa intermittent positive pressure breathing (IPPB), at mga de-motor na wheelchair.

Mangyaring mag-apply para sa Medical Baseline at sabihin sa amin kung ang isang full-time na residente ay nakadepende sa kagamitang pansuporta ng buhay upang makapaglagay kami ng espesyal na code sa inyong account. Sinisikap ng PG&E na abisuhan ang mga customer na may ganitong code ng life-support kung mapuputol ang serbisyo dahil sa nakaplanong pagmementena, pagkukumpuni o konstruksiyon, o kung magkaroon ng mga rolling blackout o isang Public Safety Power Shutoff.

Maaari kayong mag-apply para sa Medical Baseline Program sa pamamagitan ng pagsagot sa online na aplikasyon o sa pagpapadala sa koreo ng nakasulat sa papel na form ng aplikasyon. Pakitingnan ang seksyon ng Aplikasyon sa pahinang ito para sa higit pang impormasyon.

Kabilang sa mga kwalipikadong medikal na manggagamot ang mga lisensiyadong doktor, tagaoperang doktor at mga taong lisensiyado alinsunod sa Osteopathic Initiative Act ayon sa California Public Utilities Code §739 at mga nanunungkulang nars na naaayon sa kasalukuyang patakaran ng PG&E at iniaatas na ngayon sa California Public Utilities Codes & §799.3. Bukod pa rito, ayon sa kasalukuyang patakaran ng PG&E, ang assistant ng lisensiyadong doktor na nagtatrabaho bilang bahagi ng pangkat ng doktor ng customer ay maaaring sertipikahan ang pagiging kwalipikado ng pasyente bilang may kondisyon o karamdamang mapanganib sa buhay.

Kapag naaprubahan kayo para sa programang Medical Baseline , makakatanggap kayo ng welcome email o sulat. Maaari din ninyong kumpirmahin ang inyong pagkakatala sa Medical Baseline sa inyong online account o sa seksyong "Special Account Information" ng inyong bill. Magkakaroon ng "Life-Support" at/o "Medical" sa seksyong ito ng inyong bill kung naaprubahan kayo.

Makakatanggap kayo ng sulat na notipikasyon kung ang inyong aplikasyon para sa Medical Baseline ay hindi inaprubahan o kung tinanggal kayo sa programang Medical Baseline dahil sa hindi pagsertipika sa sarili o muling pagsertipika ayon sa kinakailangan.

Itakda ang inyong kagustuhan online para sa kung paano ninyo gustong maabisuhan kung sakaling magkaroon ng nakaplano o hindi nakaplanong pagkaputol ng serbisyo na nakakaapekto sa inyong tirahan. Pakibisita ang pahina ng Medical Baseline/ Life-Support Contact Preference upang i-update ang inyong mga gustong paraan ng pakikipag-ugnayan.

Mangyaring mag-apply para sa Medical Baseline at sabihin sa amin kung ang isang full-time na residente ay nakadepende sa pansuporta ng buhay upang makapaglagay kami ng espesyal na code sa inyong account. Sinisikap ng PG&E na abisuhan ang mga customer na may ganitong code ng life-support kung mapuputol ang serbisyo dahil sa nakaplanong pagmementena, pagkukumpuni, o konstruksiyon, at kung magkaroon ng Public Safety Power Shutoffs. Pakitingnan ang seksyon ng Aplikasyon sa pahinang ito para sa higit pang impormasyon.

Upang umalis sa pagkakatala mula sa Medical Baseline o programang Life Support, mag-sign in sa inyong account at mag-click sa “Enrolled in Medical Baseline” na link sa menu. Pagkatapos, mag-click sa “Unenroll” at kumpirmahin ang inyong pag-alis sa pagkakatala. Maaari din kayong tumawag sa 1-800-743-5000 at hilingin na alisin kayo sa Medical Baseline Program.

Kung kayo ay isang customer na nasa Medical Baseline na may hindi permanenteng medikal na kondisyon at kailangang muling magsertipika para sa patuloy na pagiging kwalipikado, pumunta sa seksyon ng Aplikasyon ng pahinang ito at sundin ang mga hakbang para kumpletuhin ang proseso ng aplikasyon.

Ang mga aktibong Medical Baseline na customer ng PG&E na nakatanggap ng notipikasyon para sertipikahan ang sarili ay maaaring sertipikahan ang kanilang sarili online at makatanggap ng agarang kumpirmasyon ng renewal.

Pakibisita at sundin ang mga hakbang para kumpletuhin ang proseso sa seksyon ng Sertipikasyon para sa Sarili sa pahinang ito.

Ang Sertipikasyon para sa Sarili ay kinakailangan kada dalawang taon para sa mga customer na nasa Medical Baseline na may mga medikal na kondisyon (ayon sa itinalaga ng kanilang mga medikal na manggagamot). Ang mga customer na may hindi permanenteng kondisyon ay susunod sa Sertipikasyon para sa Sarili nang isang taon at Muling Sertipikasyon (nangangailangan ng lagda ng medikal na manggagamot) para sa pangalawang taon.

Tumutulong ang Sertipikasyon para sa Sarili na kumpirmahin na ang customer na nasa Medical Baseline ay nananatiling isang full-time na residente sa address at may kasalukuyang mga kagustuhan sa pakikipag-ugnayan sa sistema ng PG&E para sa Public Safety Power Shutoff (PSPS) at iba pang mga emergency na notipikasyon.

Kailangan ang Muling Sertipikasyon upang patunayan na ang customer na nasa Medical Baseline ay nangangailangan pa rin ng karagdagang mga notipikasyon ng PSPS at karagdagang allotment ng kuryente dahil sa kanilang patuloy na medikal na kondisyon.

Kung hihingin ninyong itigil ang serbisyo sa inyong lumang address at simulan ang serbisyo sa inyong bagong address nang sabay, ang inyong Medical Baseline Program ay awtomatikong ililipat sa inyong bagong address.

Kung hihingin ninyong itigil ang serbisyo sa inyong lumang address ngayon at simulan ang serbisyo sa inyong bagong address sa ibang petsa, ang inyong Medical Baseline Program ay hindi awtomatikong ililipat sa inyong bagong address. Kakailanganin ninyong tumawag sa amin sa 1-800-743-5000 at hilingin na ang inyong Medical Baseline Program ay mailipat sa inyong bagong address.

Maaari na kayo ngayong mag-apply sa programa ng PG&E na Medical Baseline nang hindi bumibisita sa opisina ng inyong medikal na manggagamot.

Pakisunod ang mga tagubilin at alituntunin para sa mga online na aplikasyon sa seksyon ng Aplikasyon sa pahinang ito.

Oo. Ang pagiging kwalipikado para sa Medical Baseline ay hindi batay sa kita. Ang pagiging kwalipikado sa Medical Baseline ay batay lamang sa mga medikal na pangangailangan. Ang inyong pagiging kwalipikado o pagpapatala sa CARE/FERA o iba pang mga programa ng tulong ay hindi nauugnay sa at hindi nakakaapekto sa inyong pagiging kwalipikado para sa Medical Baseline.

Maaari kayong magpatala sa Medical Baseline kayo man ay nasa CARE/FERA o hindi. Mangyaring tingnan ang seksyon ng Aplikasyon sa pahinang ito para sa higit pang impormasyon.

Ang mga kwalipikado na customer sa Medical Baseline ay maaaring makatanggap ng “karaniwang” dami ng Medical Baseline na humigit-kumulang 500 kilowatt-hours (kwh) ng elektrisidad at/o 25 therms ng gas kada buwan, dagdag sa regular na mga dami ng Baseline ng kanilang kasalukuyang rate.

Depende sa inyong mga medikal na pangangailangan at sa bilang ng mga ginagamit ninyong medikal na aparato, maaaring kwalipikado kayo para sa higit sa isang karaniwang Medical Baseline Allotment. Makipag-ugnay sa PG&E sa 1-800-743-5000 at hilinging matasa para sa karagdagang Medical Baseline allotment.

Ang Medical Baseline ay hindi programa ng diskuwento. Walang ibinibigay na diskuwento sa inyong energy statement.

Ang mga kwalipikadong customer na nasa Medical Baseline ay maaaring makatanggap ng “karaniwang” dami ng Medical Baseline na humigit-kumulang 500 kilowatt-hours (kwh) ng elektrisidad at/o 25 therms ng gas kada buwan, dagdag sa regular na mga dami ng Baseline ng kanilang kasalukuyang rate. Ang karagdagang buwanang allotment ng kuryente na ito ay ibinibigay sa pinakamababang presyo sa inyong kasalukuyang rate.

Kapag may higit sa isang residente na may mga medikal na pangangailangan na nakatira sa address, isang aplikasyon sa Medical Baseline lang kada sambahayan ang kailangan.

Depende sa inyong mga medikal na pangangailangan at sa bilang ng mga ginagamit na medikal na aparato ng mga kostumer ng Medikal na Baseline sa parehong address, maaaring kwalipikado kayo para sa higit sa isang karaniwang Medikal Baseline na Paglalaan. Makipag-ugnayan sa amin sa 1-800-743-5000 at humiling na matasa para sa karagdagang Medikal Baseline na paglalaan. Ang mga karagdagang Medikal Baseline na paglalaan ay hindi awtomatikong ipinagkakaloob.

Hindi. Ang pagiging kwalipikado sa Medical Baseline ay batay lamang sa mga medikal na pangangailangan. Ang inyong pagiging kwalipikado o pagpapatala sa Medi-Cal o iba pang insurance sa kalusugan ay hindi nauugnay at hindi nakakaapekto sa inyong pagiging kwalipikado para sa Medical Baseline.

Maaari kayong magpatala sa Medical Baseline kayo man ay nasa Medi-Cal o hindi. Pakitingnan ang seksyon ng Aplikasyon sa pahinang ito para sa higit pang impormasyon kung paano mag-apply.

Hindi. Ang mga aparato sa pisikal na terapiya, gaya ng sauna at hot tub, ay hindi kwalipikado para sa Medical Baseline.

Kabilang sa mga kwalipikadong medikal na aparato ang anumang medikal na aparatong ginagamit upang suportahan ang buhay o ginagamit para makakilos. Mangyaring repasuhin ang kumpletong listahan ng mga kwalipikadong medikal na aparato.