Paghandaan ang isang PSPS

Maghanda para sa isang Public Safety Power Shutoff

Nauunawaan naming nakakaabala sa buhay ang pagkawala ng kuryente, kaya naghanda kami ng mga tip sa kahandaan para makatulong magbigay ng suporta.

Choose View

MAGHANDA PARA SA ISANG SHUTOFF
Paghandaan ang panahon ng sunog na mabilis kumalat

Para sa kaligtasan ng aming mga kostumer at komunidad, nagpapatuloy na isang kailangang kasangkapan ang Public Safety Power Shutoff bilang panghuling paraan sa pagpigil ng wildfire. Gamitin ang sumusunod na mga tip para matulungan kang maghanda at manatiling ligtas habang may shutoff.

Pagkain

Gumawa ng sarili mong yelo nang maaga pa. Pagyelohin ang mga lalagyan ng tubig para mapanatiling malamig ang pagkain habang walang kuryente.
Bago magsimula ang outage, ilagay sa pinakamalamig na settings ang iyong refigerator at freezer hanggang maibalik ang kuryente.
Limitahan ang pagbukas ng mga pinto ng refrigerator at freezer. Kapag walang kuryente, puwedeng itago ang pagkain nang hanggang 4 na oras sa mga refrigerator at hanggang 48 oras sa mga freezer.
Gumamit ng mga cooler para mapanatiling malamig ang pagkain habang nakapatay ang kuryente
Magtago ng mga pagkaing madaling imbakin sa paminggalan nang hindi kukulangin sa isang taon at hindi kailangang iluto o ilagay sa refrigerator para makain nang ligtas.

Teknolohiya

Kumuha ng backup key na pamalit sa mga electronic key at lock na kailangan ng kuryente para umandar.
Patayin o hugutin sa saksakan ang de-kuryenteng gamit sa bahay o kagamitan, tulad ng TV at computer, na puwedeng sumiklab o pumutok pagbalik ng kuryente.
Bumili ng radyong de-baterya o crank radio.
I-download o i-print ang mga dokumentong maaaring kailangan ninyo.
Hanapin ang mga lokasyon ng libreng Wi-Fi sa kalapit na mga lugar.
Bumili ng mga nabibitbit na mobile at laptop battery charger.
I-charge na ang mga cell phone at backup na charger nang maaga.
Mag-imbak ng mga baterya para sa mga inaasahan ninyong item.

Bahay

Pag-isipang bumili ng mga de-bateryang LED light o solar lantern.
Ikonsidera ang anumang pangangailangan ng mga alagang hayop.
Magtabi ng cash at punuin ng gasolina ang mga tangke. Maaaring magsara ang mga lokal na ATM at gasolinahan kapag walang koryente.
Iwang nakabukas ang isang ilaw para alertuhin kayo kapag bumalik na ang koryente.
Ilagay ang mga flashlight sa mga lugar na madaling abutin.
Magsanay na mano-manong buksan ang mga pinto ng inyong garahe.
Siguraduhing naka-charge ang baterya ng iyong de-kuryenteng sasakyan. Maghanap ng mga estasyong may kuryente na puwedeng mag-charge .

Kaligtasan

Humanap ng lugar sa labas kung saan gagamitin ang mga generator, camp stove, o de-uling na ihawan.
Isulat ang mga pang-emergency na numero sa isang lugar na mabilis maabot.
Kumustahin ang mga kapitbahay.
Siguraduhing handa para sa ligtas na paggamit ang mga backup na koryente at generator. Para sa karagdagang impormasyon, bisitahin ang aming pahina tungkol sa backup na koryente.

Kalusugan

Mag-imbak ng mga supply para sa paunang lunas.
Mag-imbak ng mga inirereseta at hindi inireresetang gamot.
Magplano para sa mga medikasyong kailangang ilagay sa refrigerator.
I-charge nang husto ang mga medikal na device.
Para sa higit pang impormasyon, ang mga kostumer na may mga pangangailangang medikal ay maaaring bumisita sa aming pahina ng Medical Baseline.
Learn more about PG&E Mga tulong at impormasyon para sa pag-access, pinansyal, wika at pagtatanda.

Mga karagdagang mapagkukunan:

Para makahanap ng impormasyon tungkol sa mga alerto ng shutoff para sa parehong may account at walang account, bumisita sa mga update at alerto sa Public Safety Power Shutoff.
Para makahanap ng makukuhang mapagkukunan sa lugar mo habang may Public Safety Power Shutoff, bumisita sa aming pahina ng Community Resource Centers.
Para sa higit pang paraan ng paghahanda, bumisita sa Safety Action Center o i-download ang mga patnubay namin sa kahandaan: Residential (PDF, 895 KB), Non-Residential/Master-Meter Landlords (PDF, 894 KB).
Gamitin ang aming interactive online map para matutunan kung saan mas malamang mangyari ang Public Safety Power Shutoff at tingnan ang nakaraang mga pangyayari sa inyong lugar. Bisitahin ang Public Safety Power Shutoff Planning Map.

Gamitin ang mga sumusunod na mapagkukunan ng tulong at suporta para maging handa sa panahon ng sunog na mabilis kumalat.

Para gumawa ng plano sa emergency,bisitahin ang page ng plano sa emergency.
Para gumawa ng kit ng kahandaan sa emergency, bisitahin ang aming page ng kit ng kahandaan sa emergency.
Para alamin ang tungkol sa back-up na koryente at kung akma ito sa inyong mga pangangailangan, bisitahin ang aming page ng back-up na koryente.
Para alamin pa ang tungkol sa kaligtasan mula sa sunog na mabilis kumalat at para sumali sa isang webinar, bisitahin ang aming page ng mga webinar at event para sa kaligtasan mula sa sunog na mabilis kumalat.
Para malaman kung paano ligtas na magtanim nang iniiwasan ang mga linya ng kuryente, bisitahin ang aming pahina sa pagtatanim ng tamang puno sa tamang lugar.
Para sa mga karagdagang paraan sa paghahanda, bisitahin ang Safety Action Center.
Para malaman kung paano protektahan ang iyong tahanan, panoorin ang aming serye ng video na, 7 Saturdays to a More Fire-Resistant Home.

Mga mapagkukunan sa lugar na mataas ang banta ng sunog

Pinakamahalaga naming responsibilidad ang iyong kaligtasan. Kung lugar na mataas ang banta ng sunog ang iyong tahanan, makatutulong ang sumusunod na mga mapagkukunan para makatulong sa iyong maghanda sa hindi inaasahang sitwasyon.

Tuklasin ang panganib sa wildfire ng iyong tahanan

Maghanda para sa paglikas