Alamin ang tungkol sa mga Pagpatay ng Koryente para sa Kaligtasang Pampubliko (Public Safety Power Shutoff o PSPS) na kaganapan
Buod ng PSPS
Ang Pagpatay ng Koryente para sa Kaligtasang Pampubliko (Public Safety Power Shutoff), na tinatawag ding PSPS, ay nangyayari bilang tugon sa matinding sama ng panahon. Pinapatay namin ang koryente para mapigilan ang mga sunog na mabilis kumalat at para panatilihing ligtas ang mga komunidad. Maraming salik ang tinitingnan kapag nagpapasyang magpatay ng koryente at lubos naming sineseryoso ang desisyon.
Kahit hindi kayo naninirahan o nagtatrabaho sa lugar na mataas ang panganib sa sunog, o lugar na dumaranas ng malakas na hangin, posibleng mapatayan kayo ng koryente kung umaasa ang inyong bahay o negosyo sa linya ng koryente na dumaraan sa lugar na dumaranas ng napakasamang panahon. Hindi palaging magkakakonekta ang mga linya ng koryente ayon sa komunidad, kaya posibleng may koryente pa rin kayo habang patay ang koryente ng mga kapitbahay ninyo sa kabilang kalye.
I-play ang video ng pangkalahatang-ideya ng PSPS
I-access ang bersyon na naglalarawan gamit ang audio
I-download ang rekord (transcript) (PDF, 83 KB)
Timeline ng PSPS: ang dapat asahan
Kapag kailangan naming pansamantalang patayin ang koryente para sa kaligtasan, maaari ninyong asahan ang mga sumusunod:
May Tinatayang Matinding Sama ng Panahon
Kailan: Hanggang isang linggo bago mangyari
Ano: May natantyang potensyal na matinding sama ng panahon ang mga espesyalista namin sa lagay ng panahon.
Abisong Babala ng Pagkawala ng Koryente dahil sa PSPS (kailangang magpatay ng koryente)
Kailan: Ilang oras bago mangyari
Ano: Aabisuhan namin kayo kung nasa isa kayong lugar na maaapektuhan ng PSPS. Ipapaalam namin sa inyo ang potensyal na tinatayang oras ng pagkawala at oras ng pagbabalik ng koryente.
Mga Abisong Magbantay sa Pagkawala ng Koryente dahil sa PSPS (posible ang mga pagkawala ng koryente)
Kailan: Dalawang araw bago mangyari, isang araw bago mangyari (kung posible)
Ano: Aabisuhan namin kayo kung nasa isa kayong lugar na posibleng maapektuhan ng PSPS. Ipapaalam namin sa inyo ang potensyal na tinatayang oras ng pagkawala at oras ng pagbabalik ng koryente.
Pagpatay ng Koryente
Kailan: Habang may matinding sama ng panahon
Ano: Papatayin ang koryente sa mga apektadong lugar para maiwasan ang sunog na mabilis kumalat.
Mga Update at Inspeksyon
Kailan: Gumanda na ang panahon at nagsimula na ang mga inspeksyon at pagbabalik
Ano: Iinspeksyunin ng aming mga crew sa koryente ang mga linya ng koryente para maibalik ang koryente sa mga apektadong komunidad sa pinakamabilis at pinakaligtas na paraang posible. Araw-araw namin kayong aabisuhan tungkol sa mga tinatayang oras ng pagbabalik ng koryente sa pamamagitan ng mga abiso, social media, lokal na balita, radyo, at website namin.
Naibalik na ang Koryente mula sa PSPS
Kailan: Sa loob ng 12 oras na may liwanag pagkatapos dumaan ng matinding sama ng panahon
Ano: Naibalik na ang koryente sa lahat ng apektadong komunidad.
Alamin ang higit pa tungkol sa mga pangyayaring PSPS
Gaya ng lagay ng panahon, maaaring maging pabigla-bigla at kumplikado ang mga Pagpatay ng Koryente para sa Kaligtasang Pampubliko. Maaaring makatulong sa inyo ang mga sumusunod na mapagkukunan para makaunawa at makapaghanda kayo.
Mga update at alerto sa PSPS
Hanapin ang katayuan ng isang kasalukuyang pangyayaring PSPS, mag-sign up para sa mga alerto ng PSPS, at matutunan kung paano at kailan kayo maaabisuhan kung magkakaroon ng PSPS.
Maghanda para sa isang PSPS
Alamin kung paano paghahandaan ang isang nalalapit na PSPS at mga tip sa kaligtasan na dapat sundin kapag pinatay ang inyong koryente..
Bakit nangyayari ang mga PSPS
Tuklasin ang mga kadahilanan sa desisyon na mag-anunsiyo ng isang pangyayaring PSPS at hanapin ang mga tool sa lagay ng panahon na nagpapakita kung may mangyayaring PSPS sa inyong lugar.
Pagpapahusay sa PSPS
Alamin kung ano ang ginagawa namin araw-araw para magawang mas ligtas at mas matatag ang aming sistema. Gayundin, alamin kung paano namin pinapahusay ang PSPS para sa aming mga kostumer at komunidad.
Suporta sa PSPS
Humanap ng mga mapagkukunan ng tulong at impormasyon kabilang ang pagcha-charge ng device, mga naka-bag na yelo, at Wi-Fi na makakasuporta sa inyo habang may PSPS.
Higit pang mapagkukunan ng tulong at suporta
- Para makahanap ng mas detalyadong impormasyon sa kung ano ang dapat asahan sa isang PSPS, i-download ang, Mga Patakaran at Proseso sa Pagpatay ng Koryente para sa Kaligtasang Pampubliko (Public Safety Power Shutoff Policies and Procedures)(PDF, 4.6MB)..
- Para makahanap ng mga tip sa pananatiling ligtas habang nasa isang PSPS, i-download ang, Paghandaan ang Pagkawala ng Koryente (Prepare for a Power Outage) (PDF, 904.69 KB)..
- Para makahanap ng mga iminumungkahing supply para sa emergency kit, i-download ang, Pang-emergency na Checklist (Emergency Checklist) (PDF, 930.45 KB)..
- Para gumawa ng naka-personalize na plano sa emergency kung sakaling kailangang lumikas, bisitahin ang aming page ng plano sa emergency..
- Para mag-ulat o tumingin ng mga kasalukuyang pagkawala ng koryente, bisitahin ang aming mapa ng mga pagkawala ng koryente..
- Para alamin pa ang tungkol sa mga salik sa lagay ng panahon at kung bakit maaaring apektado kayo ng isang PSPS, tingnan ang, Brochure ng Kahandaan sa Emergency (Emergency Preparedness Brochure) (241KB)..
- Para sa mga kostumer na may kapansanan at mga pangangailangan dahil sa edad, tingnan ang, Brochure sa Kahandaan sa Emergency para sa May Edad at May Kapansanan (Aging and Disability Emergency Preparedness Brochure) (241KB). .
- Para matuto pa tungkol sa programa ng PSPS, mga salik sa lagay ng panahon, mga alerto, at mga paraan para maghanda, i-download ang , Fact Sheet ng PSPS (PSPS Fact Sheet) (432 KB)..