កម្មវិធីជំនួយសន្សំសំចៃថាមពល
ទទួលបានជំនួយក្នុងការកែលម្អការសន្សំសំចៃថាមពល
ការបង្កើនប្រសិទ្ធភាពថាមពលតាមផ្ទះអាចជួយកាត់បន្ថយច្រើនទៅលើការចំណាយថាមពល។ ប៉ុន្តែ មិនមែនគ្រប់គ្នាសុទ្ធតែអាចមានលទ្ធភាពធ្វើការកែប្រែថ្មីទាំងនេះបានឡើយ។ ហេតុដូច្នេះហើយបានជាយើងផ្ដល់ជូននូវកម្មវិធីជំនួយសន្សំសំចៃថាមពល។ កម្មវិធីនេះផ្ដល់ជូនអតិថិជននូវការកែលម្អការសន្សំសំចៃថាមដោយឥតគិតថ្លៃ។
កម្មវិធីជំនួយសន្សំសំចៃថាមពល
ពិនិត្យមើលគោលការណ៍ណែនាំ
អ្នកចូលរួមត្រូវរស់នៅក្នុងផ្ទះ ផ្ទះចល័ត ឬអាផាមិនដែលមានអាយុកាលយ៉ាងតិចប្រាំឆ្នាំ។ ប្រាក់ចំណូលត្រូវបំពេញតាមគោលការណ៍ណែនាំខាងក្រោម។
ចំនួនមនុស្សក្នុងគ្រួសារ | ប្រាក់ចំណូលដុលសរុបសម្រាប់គ្រួសារប្រចាំឆ្នាំ * | |
---|---|---|
1 |
$33,975 ឬតិចជាងនេះ |
|
2 |
$45,775 ឬតិចជាងនេះ |
|
3 |
$57,575 ឬតិចជាងនេះ |
|
4 |
$69,375 ឬតិចជាងនេះ |
|
5 |
$81,175 ឬតិចជាងនេះ |
|
6 |
$92,975 ឬតិចជាងនេះ |
|
7 |
$104,775 ឬតិចជាងនេះ |
|
8 |
$116,575 ឬតិចជាងនេះ |
|
9 |
$128,375 ឬតិចជាងនេះ |
|
10 |
$140,175 ឬតិចជាងនេះ |
|
រាល់មនុស្សបន្ថែមម្នាក់ទៀត បន្ថែម |
$11,800 |
*មុនពេលបង់ពន្ធដោយផ្អែកលើប្រភពចំណូលបច្ចុប្បន្ន។
មានសុពលភាពរហូតដល់ថ្ងៃទី 31 ខែឧសភា ឆ្នាំ 2023។
ដាក់ពាក្យតាមអនឡាញ
ការដាក់ពាក្យតាមអនឡាញអាចចំណាយរយៈពេលពីរបីនាទី ដើម្បីបញ្ចប់។ មិនចាំបាច់មានភស្តុតាងបញ្ជាក់អំពីប្រាក់ចំណូល ដើម្បីដាក់ពាក្យឡើយ ហើយចម្លើយរបស់អ្នកនឹងត្រូវបានរក្សាជាការសម្ងាត់។
ដាក់ពាក្យឥលូវនេះ
Solicite ahora
申請
រៀបចំការវាយតម្លៃផ្ទះ
នៅពេលពាក្យស្នើសុំរបស់អ្នកត្រូវបានទទួល អ្នកជំនាញផ្នែកថាមពលនឹងទាក់ទងទៅអ្នកដើម្បីកំណត់ពេលវេលាសម្រាប់វាយតម្លៃផ្ទះរបស់អ្នក។ នៅក្នុងពេលចុះជួប អ្នកជំនាញនឹងកំណត់ថាតើផ្ទះរបស់អ្នកបំពេញគ្រប់លក្ខខណ្ឌសម្រាប់កម្មវិធីដែរឬទេ ប្រសិនបើស្របតាមលក្ខខណ្ឌ នោះនឹងមានការកែលម្អ។ នៅពេលនេះ អ្នកក៏នឹងចាំបាច់ផ្ដល់ភស្តុតាងបញ្ជាក់អំពីប្រាក់ចំណូលប្រចាំគ្រួសារ ដូចជា កន្ទុយមូលប្បទានបត្រ សន្តិសុខសង្គម របាយការណ៍ធនាគារ និងភស្តុតាងស្របច្បាប់ផ្សេងៗទៀតអំពីប្រាក់ចំណូលផងដែរ។ មិនចាំបាច់ផ្ដល់ភស្តុតាងបញ្ជាក់អំពីប្រាក់ចំណូលឡើយ ប្រសិនបើអ្នកអាចផ្ដល់ឯកសារបង្ហាញអំពីការចូលរួមនៅក្នុងកម្មវិធីណាមួយដូចខាងក្រោម៖
- ការិយាល័យជំនួយទូទៅនៃកិច្ចការឥណ្ឌា
- អត្ថប្រយោជន៍ CalFresh (នៅក្នុងសហព័ន្ធហៅថា កម្មវិធីជំនួយបន្ថែមអាហារូបត្ថម្ភ (Supplemental Nutrition Assistance Program) ឬ SNAP និងពីមុនហៅថា ត្រាអាហារ)
- ប្រភេទ A & B នៃគ្រួសារដែលមានស្ថានភាពល្អប្រសើរ
- សិទ្ធិប្រាក់ចំណូលអាទិភាព (សម្រាប់តែក្រុមកុលសម្ព័ន្ធប៉ុណ្ណោះ)
- កម្មវិធីជំនួយថាមពលសម្រាប់គ្រួសារដែលមានប្រាក់ចំណូលទាប (LIHEAP)
- Medicaid/MediCal
- កម្មវិធីជាតិអាហារថ្ងៃត្រង់តាមសាលា (NSL)
- ប្រាក់ចំណូលសន្តិសុខបន្ថែម (SSI)
- ជំនួយបណ្ដោះអាសន្នសម្រាប់គ្រួសារមានតម្រូវការចាំបាច់ (TANF)
- កម្មវិធីស្រ្តី ទារក និងកុមារ (WIC)
ប្រសិនបើអ្នកចង់ពិភាក្សាជាមួយអ្នកជំនាញកម្មវិធី សូមទូរស័ព្ទទៅលេខ 1-800-933-9555
សំណួរដែលសួរញឹកញាប់
តើនរណានឹងធ្វើការនៅផ្ទះរបស់ខ្ញុំ?
- កម្មវិធីជំនួយសន្សំសំចៃថាមពលបណ្ដុះបណ្ដាលអ្នកម៉ៅការបន្ត ដែលរួមមាន អ្នកជំនាញផ្នែកថាមពល អ្នកជំនាញផ្នែកការពារអាកាសធាតុ និងអ្នកជំនាញធ្វើតេស្តឧបករណ៍ឧស្ម័នធម្មជាតិ ដែលអាចធ្វើការនៅផ្ទះរបស់អ្នក។
- អ្នកអនុវត្តកម្មវិធីរបស់យើង Resource Innovations and Richard Heath & Associates (RHA) ក៏មានបុគ្គលិកចុះផ្ទាល់ដែលអាចធ្វើការជាមួយអ្នកម៉ៅការបន្តដើម្បីធានាថា កិច្ចការធ្វើនៅផ្ទះរបស់អ្នកបំពេញតាមបទដ្ឋានគុណភាពជាក់លាក់។
- អ្នកម៉ៅការឧបករណ៍ក៏អាចធ្វើការនៅផ្ទះរបស់អ្នក ដើម្បីដោះ និងកែច្នៃទូទឹកកកចាស់ៗ និងដំឡើងទូទឹកកកថ្មីផងដែរ។
- អ្នកត្រួតពិនិត្យកម្មវិធីត្រួតពិនិត្យកណ្ដាលរបស់ PG&E និងតំណាងសេវាហ្គាសក៏អាចចុះទៅដល់ផ្ទះរបស់អ្នកផងដែរ ដើម្បីកែសម្រួលឧបករណ៍ ឬត្រួតពិនិត្យវិធានការ។
តើខ្ញុំផ្ទៀងផ្ទាត់អត្តសញ្ញាណរបស់បុគ្គលយ៉ាងដូចម្ដេច?
បុគ្គលិកអ្នកម៉ៅការបន្តកម្មវិធីជំនួយសន្សំសំចៃថាមពល (អ្នកជំនាញផ្នែកថាមពល និងអ្នកជំនាញផ្នែកការពារអាកាសធាតុ) ពាក់អាវពណ៌ខៀវមានសញ្ញា ESA នៅលើដោះខាងស្ដាំ និងស្លាកសញ្ញាក្រុមហ៊ុនអ្នកម៉ៅការបន្តនៅលើដោះខាងឆ្វេងដែលមានពាក្យ "Participating Contractor for Pacific Gas and Electric Company (អ្នកម៉ៅការចូលរួមសម្រាប់ក្រុមហ៊ុនហ្គាស និងអគ្គិសនីប៉ាស៊ីហ៊្វីក)"។
បុគ្គលិកចុះផ្ទាល់របស់ Resource Innovations and Richard Heath & Associates (RHA) ពាក់អាវយឺតពណ៌ប្រផេះដែលមានស្លាកសញ្ញាកម្មវិធីជំនួយសន្សំសំចៃថាមពលនៅលើដោះខាងស្ដាំ និងស្លាកសញ្ញាក្រុមហ៊ុន Resource Innovations ឬ RHA នៅលើដោះខាងឆ្វេង ដែលមានអក្សរ "Participating Contractor for Pacific Gas and Electric Company (អ្នកម៉ៅការចូលរួមសម្រាប់ក្រុមហ៊ុនហ្គាស និងអគ្គិសនីប៉ាស៊ីហ៊្វីក)"។
អ្នកម៉ៅការបន្តទាំងអស់ និងបុគ្គលិកចុះផ្ទាល់របស់ Resource Innovations និង RHA មានស្លាករូបថតកម្មវិធីជំនួយសន្សំសំចៃថាមពលដែលមានឈ្មោះរបស់ខ្លួន ឈ្មោះរបស់ក្រុមហ៊ុន លេខសម្គាល់ និងកាលបរិច្ឆេទផុតកំណត់។
អ្នកត្រួតពិនិត្យកម្មវិធីត្រួតពិនិត្យកណ្ដាល (Central Inspection Program) ពាក់អាវយឺតពណ៌ខៀវចាស់ ដែលមានស្លាក PG&E និងបណ្ណសម្គាល់ខ្លួនរបស់ PG&E។
តំណាងសេវាហ្គាសរបស់ PG&E ពាក់ឯកសណ្ឋាន PG&E និងពាក់បណ្ណសម្គាល់ខ្លួនរបស់ PG&E។
ប្រសិនបើមានចម្ងល់អំពីអត្តសញ្ញាណរបស់អ្នកម៉ៅការបន្ត សូមទូរស័ព្ទទៅលេខ 1-800-933-9555 ប្រសិនបើមានចម្ងល់អំពីអត្តសញ្ញាណរបស់បុគ្គលិក PG&E សូមទូរស័ព្ទទៅ PG&E តាមរយៈលេខ 1-800-PGE-5000 (1-800-743-5000)
តើខ្ញុំអាចទទួលបានប្រាក់មកវិញទេ ប្រសិនបើខ្ញុំធ្វើកិច្ចការនេះដោយខ្លួនឯង?
អត់ទេ។ កិច្ចការនេះត្រូវធ្វើដោយអ្នកម៉ៅការបន្តដែលទទួលបានការបណ្ដុះបណ្ដាលឱ្យធ្វើការសម្រាប់កម្មវិធីជំនួយសន្សំសំចៃថាមពល។
Energy Savings Assistance Program Customer Journey
Audio description and transcript also available for this video.
Access an audio descriptive version
Download a transcript (PDF, 106 KB)
ស្វែងរកអ្នកម៉ៅការ
ប្រើប្រាស់លេខកូដតំបន់ របស់អ្នក ដើម្បីស្វែងរកអ្នកម៉ៅការកម្មវិធីជំនួយសន្សំសំចៃថាមពលនៅក្នុងតំបន់របស់អ្នក។
ត្រៀមខ្លួនរួចរាល់សម្រាប់រដូវរងា
ជាមួយនឹងគន្លឹះ និងឧបករណ៍ងាយស្រួលសន្សំថាមពលនៅរដូវត្រជាក់ទាំងនេះ អ្នកអាចសន្សំសំចៃ និងធ្វើឲ្យផ្ទះរបស់អ្នកមានផាសុខភាព។
ការកែលម្អដែលធ្វើឱ្យមានការផ្លាស់ប្ដូរ
វិធានការសន្សំសំចៃថាមពលតាមរយៈកម្មវិធីជំនួយសន្សំសំចៃថាមពលអាចមានការផ្លាស់ប្ដូរទូទឹកកក ការជួសជុល ឬការផ្លាស់ប្ដូរឡ ឬម៉ាស៊ីនកម្ដៅទឹករបស់អ្នក * និងការដំឡើងអ៊ីស៊ូឡង់ ប្រព័ន្ធការពារអាកាសធាតុ អំពូលសន្សំសំចៃថាមពល ការបិទស្នាម ក្បាលបាញ់ទឹក និងផ្នែកផ្សេងៗទៀត។
*ការជួសជុលចង្ក្រានកំដៅ និងធុងទឹកក្តៅ ឬ គ្រឿងបន្លាស់នានាប្រហែលអាចមានសម្រាប់ម្ចាស់ផ្ទះដែលមានលក្ខណសម្បត្តិទទួល ប្រសិនបើ PG&E កំណត់ថាគ្រឿងប្រើឧស្ម័នធម្មជាតិដែលមាននោះប្រើការមិនបាន ឬគ្មានសុវត្ថិភាព។