ឯកជនភាព និង California Consumer Privacy Act សំណួរដែលសួរញឹកញាប់

CCPA ត្រូវបានអនុម័តដោយអង្គនីតិបញ្ញត្តិរដ្ឋ California ហើយបានចូលជាធរមានសម្រាប់អ្នករស់នៅរដ្ឋ California ទាំងអស់កាលពីថ្ងៃទី 1 ខែមករា ឆ្នាំ 2020 ។

CCPA ណែនាំសិទ្ធិថ្មីសម្រាប់អ្នករស់នៅរដ្ឋ California ក្នុងការ៖

• ដឹងពីប្រភេទនៃព័ត៌មានផ្ទាល់ខ្លួនដែលត្រូវបានប្រមូល។
• ដឹងថាតើ ព័ត៌មានផ្ទាល់ខ្លួនរបស់ពួកគេត្រូវបានលក់ ឬបង្ហាញ ទៅនរណាម្នាក់ ឬអត់។
• ដឹងពីបំណែកនៃព័ត៌មានជាក់លាក់ដែលបានប្រមូល។

ក្រុមហ៊ុន PG&E ប្រមូល ប្រើប្រាស់ និងបង្ហាញព័ត៌មានផ្ទាល់ខ្លួនដើម្បីបំពេញគោលបំណងអាជីវកម្មដូចជា ការផ្តល់សេវាកម្មថាមពល និងដើម្បីគោរពតាមលក្ខខណ្ឌតម្រូវស្របច្បាប់ជាសេវាសាធារណៈដែលត្រូវបានគ្រប់គ្រង។

ចូលមើលគោលការណ៍ឯកជនភាពរបស់យើងតាម http://www.pge.com/privacy ដើម្បីស្វែងយល់បន្ថែមអំពីព័ត៌មានផ្ទាល់ខ្លួនដែលក្រុមហ៊ុន PG&E ប្រមូល និងរបៀបដែលព័ត៌មានផ្ទាល់ខ្លួនត្រូវបានប្រើប្រាស់។

PG&E មិនលក់ព័ត៌មានផ្ទាល់ខ្លួនដែលប្រមូលបានពីអតិថិជន ឬបុគ្គលផ្សេងទៀតដើម្បីចំណេញរូបិយវត្ថុឡើយ។ រាល់ព័ត៌មានផ្ទាល់ខ្លួនដែលត្រូវបានប្រមូលដោយក្រុមហ៊ុន PG&E ត្រូវបានគ្រប់គ្រងស្របតាមគោលការណ៍ឯកជនភាព ព្រមទាំងវិធាន និងច្បាប់ជាធរមាន រួមមាន CCPA។

បើទោះបីក្រុមហ៊ុន PG&E មិនលក់ព័ត៌មានផ្ទាល់ខ្លួនដើម្បីចំណេញរូបិយវត្ថុក៏ដោយ CCPA បទបញ្ញត្តិអាចនឹងត្រូវបានបកស្រាយដើម្បីពិចារណាអំពីការប្រមូល និងការប្រើប្រាស់នៃគេហទំព័រ “ឃុកឃី” “ការលក់” នៃទិន្នន័យស្ថិតក្រោម CCPA។ នេះគឺជាព័ត៌មានតែមួយគត់ដែលបានយោងក្រោមជម្រើស “ហាមលក់ព័ត៌មានផ្ទាល់ខ្លួនរបស់ខ្ញុំ” នៅ pge.com។

ឃុកឃីគឺជាចំនួននៃទិន្នន័យតិចតួចដែលបានបង្កើតដោយគេហទំព័រ ហើយត្រូវបានរក្សាទុកដោយកម្មវិធីរុករកវិបរបស់អ្នក។ គោលបំណងរបស់ឃុកឃីគឺដើម្បីចងចាំព័ត៌មានអំពីអ្នក ដែលស្រដៀងនឹងឯកសារចំណូលចិត្តដែលបានបង្កើតដោយកម្មវិធីសុហ្វវែរ។ គេហទំព័រក៏អាចចែករំលែកឃុកឃីជាមួយនឹងគេហទំព័រផ្សេងទៀតបានដែរ ដើម្បីចងចាំការចូលមើលរបស់អ្នក ឬផ្តល់ការផ្សាយពាណិជ្ជកម្មគោលដៅក្នុងអំឡុងពេលចូលមើលនាពេលអនាគត។

យើងគោរពសិទ្ធិរបស់អ្នកក្នុងការគ្រប់គ្រងព័ត៌មានផ្ទាល់ខ្លួនរបស់អ្នក។ បដានេះជូនដំណឹងដល់អ្នកប្រើប្រាស់អំពីរបៀប និងមូលហេតុដែលក្រុមហ៊ុន PG&E ប្រមូលឃុកឃីនៅលើគេហទំព័ររបស់យើង ហើយផ្តល់ជម្រើសច្បាស់លាស់សម្រាប់របៀបដែលអ្នកអាចជ្រើសរើសដើម្បីគ្រប់គ្រង ឬជ្រើសរើសមិនទទួលឃុកឃី នៅពេលចូលមើលគេហទំព័ររបស់យើង។

PG&E មិនលក់ព័ត៌មានផ្ទាល់ខ្លួនដែលប្រមូលបានពីអតិថិជន ឬបុគ្គលផ្សេងទៀតដើម្បីចំណេញរូបិយវត្ថុឡើយ។ រាល់ព័ត៌មានផ្ទាល់ខ្លួនដែលត្រូវបានប្រមូលដោយក្រុមហ៊ុន PG&E ត្រូវបានគ្រប់គ្រងស្របតាមច្បាប់ និងវិធានជាធរមាន។

ខ្ញុំមិនចង់ឱ្យអ្នកប្រមូលឃុកឃីរបស់ខ្ញុំទេ។ តើខ្ញុំអាចផ្លាស់ប្តូរចំណូលចិត្តឃុកឃីរបសខ្ញុំបានដោយរបៀបណា? នៅពេលដែលអ្នកចូលទៅ pge.comជាលើកដំបូង បដានឹងបង្ហាញឡើងនៅផ្នែកខាងក្រោមនៃអេក្រង់។ ប្រសិនបើអ្នកមិនឃើញបដានៅពេលអ្នកចូលទេ សូមជម្រះប្រវត្តិ និងឃ្លាំងសម្ងាត់របស់កម្មវិធីរុករកវិបរបស់អ្នក។ នៅពេលដែលប្រវត្តិកម្មវិធីរុករករបស់អ្នកត្រូវបានលុប សូមត្រឡប់ទៅ pge.comវិញ។

នៅពេលអ្នកឃើញបដា សូមជ្រើសរើសតំណភ្ជាប់ដែលមានចំណងជើង "Do not sell my personal information." ផ្ទាំងលេចឡើងនឹងបង្ហាញខ្លួនដោយពន្យល់អំពីរបៀបដែលក្រុមហ៊ុន PG&E ប្រើប្រាស់ឃុកឃី ដើម្បីបង្កើនប្រសិទ្ធភាពមុខងារនៃគេហទំព័ររបស់យើង។ ផ្ទាំងលេចឡើងក៏ផ្តល់ឱ្យអ្នកនូវជម្រើសដើម្បីទប់ស្កាត់ឃុកឃីមួយចំនួនដែលប្រមូលបាន នៅពេលអ្នកចូលមើលគេហទំព័ររបស់យើង រួមទាំងឃុកឃីដែលទាក់ទងនឹងទីផ្សារ។ អ្នកអាចអានការពិពណ៌នាអំពីប្រភេទឃុកឃី ហើយធ្វើការជ្រើសរើសរបស់អ្នកដោយផ្អែកលើចំណូលចិត្តរបស់អ្នក។

បដាឃុកឃីអាចនឹងលេចឡើងមកជាបន្តបន្ទាប់ដោយផ្អែកលើការកំណត់របស់កម្មវិធីរុករកវិប/ទូរស័ព្ទ។ ប្រសិនបើអ្នកស្ថិតនៅក្នុងម៉ូដរុករកឯកជន នោះបដានឹងលេចឡើងនៅពេលដែលអ្នកចូលទៅ pge.com ម្ដងៗ។ បញ្ហានេះកើតឡើង ទោះបីជាអ្នកមិនមានគណនីលើបណ្តាញក៏ដោយ។

ជាមួយគ្នានេះដែរ កម្មវិធីរុករករបស់អ្នកអាចនឹងមិនចងចាំឃុកឃីរបស់អ្នកទេ ប្រសិនបើអ្នកបានជម្រះឃ្លាំងសម្ងាត់របស់អ្នកនាពេលថ្មីៗនេះ។

យើងគោរពសិទ្ធិរបស់អ្នកក្នុងការគ្រប់គ្រងព័ត៌មានផ្ទាល់ខ្លួនរបស់អ្នក រួមទាំងជម្រើសក្នុងការជ្រើសរើសមិនទទួលប្រភេទនៃឃុកឃីទាំងអស់ ឬមួយចំនួន។ ដើម្បីជ្រើសរើសមិនទទួលប្រភេទនីមួយៗនៃឃុកឃី រំកិលកុងតាក់បិទបើកនីមួយៗទៅឆ្វេង ដើម្បីឱ្យវាលេចឡើងជាពណ៌ប្រផេះ។

ឃុកឃីត្រូវបានបង្កើតឡើងទៅក្នុងវ៉ិបសាយ ដើម្បីជួយតាមដានចំណូលចិត្តរបស់អ្នក ខណៈពេលអ្នករុករកគេហទំព័រ និងចងចាំចំណូលចិត្តទាំងនេះនៅពេលអ្នកត្រឡប់មកវិញ។ ឃុកឃីជួយដល់វ៉ិបសាយក្នុងការបង្ហាញនូវព័ត៌មានដែលមានសារប្រយោជន៍បំផុតសម្រាប់អ្នក ដោយនាំអ្នកមកកាន់កន្លែងទាំងឡាយដែលអ្នកបានចូលមើលពីអតីតកាលបានយ៉ាងឆាប់រហ័ស ឬដោយបង្ហាញជូនអ្នកនូវអ្វីៗដែលមនុស្សដទៃទៀតដែលមានប្រវត្តិរុករកស្រដៀងគ្នា បានរកឃើញថាមានសារប្រយោជន៍។ ប្រសិនបើអ្នកជ្រើសរើសក្នុងការទប់ស្កាត់ឃុកឃីនៅលើវ៉ិបសាយ អ្នកនឹងមិនអាចទាញយកប្រយោជន៍ពីអត្ថប្រយោជន៍ទាំងនេះបានទេ។

អនុវត្តតាមសេចក្ដីណែនាំខាងក្រោម ដើម្បីកំណត់បដាឃុកឃីនៅលើកម្មវិធីរុករករបស់អ្នកឡើងវិញ។

pge.com

1. ចូលប្រើ pge.com
2. ចុចលើ “Do Not Sell My Personal Information” នៅផ្នែកខាងក្រោមនៃជើងទំព័រឯកសារ។
3. អនុវត្តតាមសេចក្ដីណែនាំនៅក្នុងបដាចំណូលចិត្តឃុកឃី ដើម្បីជ្រើសរើសមិនទទួលឃុកឃីណាមួយ។

Internet Explorer

1. ចូលប្រើជម្រើសអ៊ីនធឺណិត > ផ្ទាំងទូទៅ > លុប > ឃុកឃី
2. ជ្រើសរើសប្រអប់ធីកនៅជាប់ឃុកឃី
3. ជ្រើសរើស លុប
4. បិទកម្មវិធីរុករក
5. បើកកម្មវិធីរុករក និងចូលប្រើទំព័រម្ដងទៀត

Chrome

1. ចូលទៅ ការកំណត់ > ជម្រះទិន្នន័យរុករក
2. ជ្រើសរើសប្រអប់ធីកនៅជាប់ឃុកឃី និងទិន្នន័យគេហទំព័រផ្សេង
3. ជ្រើសរើស ជម្រះទិន្នន័យ
4. បិទកម្មវិធីរុករក
5. បើកកម្មវិធីរុករក និងចូលប្រើទំព័រម្ដងទៀត

Safari

1. ជ្រើសរើស Safari
2. ចុច ឯកជនភាព
3. លុបចេញនូវឃុកឃី និងទិន្នន័យដែលបានរក្សាទុក៖ ចុចលើ គ្រប់គ្រងទិន្នន័យវ៉ិបសាយ ជ្រើសវ៉ិបសាយមួយ ឬច្រើន បន្ទាប់មកចុចលើ លុចេញ ឬ លុបចេញទាំងអស់
4. បិទកម្មវិធីរុករក
5. បើកកម្មវិធីរុករក និងចូលប្រើទំព័រម្ដងទៀត

ដើម្បីផ្ដល់ជូនអ្នកជាមួយនឹងសេវាហ្គាស និងអគ្គិសនី សំខាន់គឺ PG&E អាចទាក់ទងអ្នកបានយ៉ាងឆាប់រហ័សអំពីគណនីរបស់អ្នកនៅពេលចាំបាច់។ កាជ្រើសរើសមិនទទួលយកឃុកឃី ឬការស្នើសុំលុបព័ត៌មានផ្ទាល់ខ្លួនពុំមានន័យថា PG&E នឹងមិនទាក់ទងអ្នកអំពីគណនីរបស់អ្នក ឬសេវាអគ្គិសនី និងហ្គាសរបស់អ្នកឡើយ។ ឧទាហរណ៍ អតិថិជនបច្ចុប្បន្ននេះត្រូវបានទាមទារដោយស្របច្បាប់ដើម្បីទទួលការជូនដំណឹងបន្ទាន់ពី PG&E ហើយអ្នកមិនអាចជ្រើសរើសមិនទទួលយកការប្រាស្រ័យទាក់ទងទាំងនេះបានទេ។

អ្នកអាចឈប់ជាវអ៊ីមែលទីផ្សារតាមរយៈប៊ូតុងឈប់ជាវនៅផ្នែកខាងក្រោមនៃជើងទំព័រឯកសាររបស់អ៊ីមែលទីផ្សារបាន។ អ្នកក៏អាចធ្វើបច្ចុប្បន្នភាពចំណូលចិត្តនៃការប្រាស្រ័យទាក់ទងរបស់អ្នកតាមរយៈ គណនីខ្ញុំ នៅលើ pge.comបានផងដែរ។

• ចូលទៅក្នុង គណនីរបស់អ្នក
• ចុចពាក្យតំណភ្ជាប់ កែសម្រួលទម្រង់ និងការព្រមាន
• ចុចពាក្យ កែសម្រួល នៅលើផ្នែកនៃការជូនដំណឹងដែលចង់បាន
• ធ្វើបច្ចុប្បន្នភាពព័ត៌មានចាំបាច់
• ចុចប៊ូតុង រក្សាទុក

ដូចមានលម្អិតនៅក្នុងគោលការណ៍ឯកជនភាពរបស់យើង PG&E នឹងមិនបញ្ចេញព័ត៌មានផ្ទាល់ខ្លួនរបស់អ្នកទៅបុគ្គល ឬអង្គភាពអាជីវកម្មផ្សេងទៀតដោយពុំមានការយល់ព្រមជាមុនពីអ្នកឡើយ លើកលែងតែទៅកាន់ភាគីទីបីដែលធ្វើសកម្មភាពក្នុងនាម PG&E ដែលផ្ដល់សេវាឱ្យ PG&E ឬនៅកន្លែងដែលតម្រូវដោយច្បាប់ប៉ុណ្ណោះ។ ភាគីទីបីដែលធ្វើសកម្មភាពក្នុងនាម PG&E ឬផ្ដល់សេវាឱ្យ PG&E ត្រូវស្ថិតក្រោមកាតព្វកិច្ចរក្សាការសម្ងាត់ និងសន្តិសុខដូចគ្នានឹង PG&E ដែរ។

អ្នកអាចដាក់បញ្ជូនការស្នើសុំ ដើម្បីលុបព័ត៌មានផ្ទាល់ខ្លួនទាំងអស់ដែលមិនត្រូវការសម្រាប់គោលបំណងអាជីវកម្ម ឬតម្រូវឱ្យរក្សាទុកដោយច្បាប់។ ចូលទៅ https://pgeipaprod.service-now.com/privacy_consumer ឬទៅ គោលការណ៍ឯកជនភាព ដើម្បីស្វែងយល់បន្ថែមអំពីមូលហេតុដែល PG&E ប្រមូលព័ត៌មានផ្ទាល់ខ្លួន។

សូមកត់សម្គាល់៖ PG&E ត្រូវបានច្បាប់តម្រូវឱ្យរក្សាទុកព័ត៌មានផ្ទាល់ខ្លួនមួយចំនួនទុកមួយរយៈពេល ទោះបីក្រោយពេលដែលគណនីត្រូវបានបិទក៏ដោយ។ យើងមិនអាចលុបព័ត៌មានចោលបានឡើយ ប្រសិនបើវាស្ថិតនៅក្រោមគម្រោងពេលរក្សាទុកនេះ។

របាយការណ៍អ្នកប្រើប្រាស់ត្រូវបានរៀបចំឡើងដើម្បីប្រគល់ជូនវិញតែព័ត៌មានផ្ទាល់ខ្លួនដែល PG&E ប្រមូលប៉ុណ្ណោះ ហើយនឹងមិនប្រគល់ជូនវិញនូវព័ត៌មានមិនមែនផ្ទាល់ខ្លួនឡើយ។ ដូចគ្នានេះដែរ ព័ត៌មានមិនត្រឹមត្រូវ (ដូចជាវាយបញ្ចូលខុស) ដែលបានបញ្ចូលនៅក្នុងសំណើដំបូង អាចបង្ការ PG&E ពីការយកមកវិញនូវព័ត៌មានមួយចំនួន ឬព័ត៌មាននៅក្នុងរបាយការណ៍នោះអាចនឹងមិនស្ថិតនៅក្នុងផ្នែកដែលអ្នករំពឹងថា វាស្ថិតនៅជានិច្ចឡើយ។

ប្រសិនបើក្រោយពីការពិនិត្យយ៉ាងហ្មត់ចត់ទៅលើរបាយការណ៍របស់អ្នករួចរាល់ហើយ អ្នកជឿជាក់ថាមានកំហុសនោះ អ្នកអាចរាយការណ៍អំពីកំហុសនោះដោយផ្ញើអ៊ីមែលទៅក្រុមឯកជនភាពរបស់ PG&E តាមរយៈ pgeprivacy@pge.com។ សូមដាក់បញ្ចូលឈ្មោះពេញលេញរបស់អ្នក និងលេខរបាយការណ៍របស់អ្នកនៅក្នុងអ៊ីមែលរបស់អ្នក។ សមាជិកក្រុមឯកជនភាពនឹងឆ្លើយតបទៅអ្នកក្នុងរយៈពេល 7 ថ្ងៃនៃថ្ងៃធ្វើការ។