PACIFIC GAS AND ELECTRIC COMPANY


លក្ខខណ្ឌប្រើប្រាស់គេហទំព័រ

(កែសម្រួលនៅខែកក្កដា ឆ្នាំ 2020)

កំណត់សម្គាល់៖ តាមរយៈការប្រើប្រាស់គេហទំព័រនេះ គឺមានន័យថា អ្នកនឹងទទួលយកនូវលក្ខខណ្ឌការប្រើប្រាស់ទាំងនេះ ព្រមទាំងលក្ខខណ្ឌតម្រូវយោងនៃគោលការណ៍ឯកជនភាព និងគោលការណ៍សុវត្ថិភាពរបស់ PG&E។ ប្រសិនបើអ្នកមិនទទួលយកលក្ខខណ្ឌប្រើប្រាស់ទាំងនេះទេ សូមកុំប្រើប្រាស់គេហទំព័រនេះ។


សូមស្វាគមន៍មកកាន់ pge.com. បើកនៅក្នុងវិនដូថ្មី។. គេហទំព័រ pge.com, (ហៅថា "គេហទំព័រ") ត្រូវបានដំណើរការដោយ Pacific Gas and Electric Company (ហៅកាត់ថា "PG&E," "ក្រុមហ៊ុន" "យើង" ឬ "របស់យើង")។ ក្រុមហ៊ុនរបស់យើងមានអាសយដ្ឋានស្ថិតនៅ 300 Lakeside Drive, Suite 210, Oakland, CA 94612; ទូរសព្ទលេខ 1-800-743-5000.


សូមពិនិត្យមើលលក្ខខណ្ឌប្រើប្រាស់ទាំងនេះឱ្យបានញឹកញាប់ ដោយសារយើងអាចធ្វើការកែសម្រួលម្ដងម្កាលជាឯកតោភាគីនូវលក្ខខណ្ឌប្រើប្រាស់ ដោយបង្ហោះភាសាដែលបានកែសម្រួលនៅលើគេហទំព័រ។ អ្នកនឹងអាចពិនិត្យមើលកំណែចុងក្រោយបំផុតនៃលក្ខខណ្ឌប្រើប្រាស់ទាំងនេះបានជានិច្ច នៅលើគេហទំព័រ។ សេចក្ដីកែសម្រួលនឹងមានប្រសិទ្ធភាព នៅពេលបង្ហោះនៅលើគេហទំព័រ។ ការបន្តប្រើប្រាស់គេហទំព័រនេះ បន្ទាប់ពីសេចក្ដីកែសម្រួលត្រូវបានបង្ហោះនោះ នឹងមានន័យថាអ្នកទទួលយកនូវសេចក្ដីកែសម្រួលទាំងនេះ។


យើងអាចកែសម្រួល ឬបញ្ឈប់នូវចំណុច ឬផ្នែកណាមួយនៃគេហទំព័រគ្រប់ពេលេវេលា។ ប្រសិនបើអ្នករំលោភលើលក្ខខណ្ឌការប្រើប្រាស់ទាំងនេះ យើងអាចបញ្ឈប់សិទ្ធិរបស់អ្នកនៅក្នុងការប្រើប្រាស់នេះបាន។ នៅពេលបញ្ឈប់ អ្នកយល់ព្រមលុបចោល ឬបំផ្លាញចោលភ្លាមៗនូវឯកសារដែលបានទាញយក ឬបោះពុម្ព ដែលទទួលបានពីគេហទំព័រនេះ។

  • ទូទៅ
    តាមរយៈគេហទំព័រនេះ យើងផ្ដល់ជូននូវព័ត៌មាន និងសេវាផ្សេងៗដល់អតិថិជនថាមពលរបស់យើង និងអ្នកចូលមើលគេហទំព័រផ្សេងទៀត។ អ្នកអាចប្រើប្រាស់គេហទំព័រសម្រាប់តែគោលបំណងស្របច្បាប់ផ្ទៃក្នុងរបស់អ្នកផ្ទាល់ និងយោងតាមលក្ខខណ្ឌប្រើប្រាស់ទាំងនេះប៉ុណ្ណោះ។ អ្នកអាចមើល និងទាញយកឯកសារដែលបង្ហាញនៅលើគេហទំព័របាន លុះត្រាតែអ្នករក្សា និងអនុវត្តតាមនូវការជូនដំណឹងអំពីសិទ្ធិអ្នកនិពន្ធ ពាណិជ្ជសញ្ញា និងកម្មសិទ្ធិទាំងអស់ផ្សេងទៀតនៅលើឯកសារ។ ហាមដាច់ខាតចំពោះការប្រើប្រាស់ឯកសារទាំងនេះសម្រាប់ការបោះពុម្ពផ្សាយ គេហទំព័រ ឬបទបង្ហាញផ្សេងទៀតដោយគ្មានការយល់ព្រមជាលាយលក្ខណ៍អក្សរជាមុនពី PG&E។
  • គណនីអ្នកប្រើប្រាស់
    • គេហទំព័រនេះផ្ដល់សិទ្ធិចូលប្រើដល់មុខងារ និងសេវាកម្មផ្សេងៗ។ សេវាកម្មជាច្រើនផ្ដល់នូវព័ត៌មានអំពីគណនីអតិថិជន និងព័ត៌មានផ្ទាល់ខ្លួនផ្សេងទៀត។ ដើម្បីការពារឯកជនភាព យើងអាចស្នើឱ្យអ្នកបង្កើតគណនីចាប់ពីមួយឡើងទៅ ដើម្បីចូលប្រើសេវាកម្មទាំងនេះ (“គណនីអ្នកប្រើប្រាស់”)។ យើងសូមរក្សាសិទ្ធិទាំងស្រុងក្នុងការ (i) ទទួលយក ឬបដិសេធមិនទទួលយកនូវសំណើស្នើសុំបើកគណនីអ្នកប្រើប្រាស់ (ii) បញ្ឈប់គណនីអ្នកប្រើប្រាស់ណាមួយ និង (iii) បញ្ឈប់ការផ្ដល់សេវាកម្មណាមួយពាក់ព័ន្ធនឹងគណនីអ្នកប្រើប្រាស់នេះ។
    • ពាក់ព័ន្ធនឹងការបើកគណនីអ្នកប្រើប្រាស់របស់អ្នក អ្នកនឹងកំណត់ ឬទទួលយកឈ្មោះអ្នកប្រើប្រាស់ និងពាក្យសម្ងាត់ និង/ឬព័ត៌មានសម្ងាត់ផ្សេងទៀត ដើម្បីផ្ទៀងផ្ទាត់អត្តសញ្ញាណរបស់អ្នក នៅពេលអ្នកចុះឈ្មោះចូលប្រើប្រាស់សេវាកម្មជាក់លាក់ណាមួយ។ អ្នកយល់ព្រម (i) ផ្ដល់ព័ត៌មានជាក់លាក់ និងពេញលេញ នៅពេលបើកគណនីអ្នកប្រើប្រាស់ (ii) ធ្វើបច្ចុប្បន្នភាពព័ត៌មានរបស់អ្នកតាមការចាំបាច់ ដើម្បីរក្សាភាពជាក់លាក់ និងពេញលេញ និង (iii) មិនក្លែងបន្លំជាបុគ្គលណាម្នាក់ផ្សេងទៀត ដំណើរការដោយប្រើឈ្មោះហៅក្រៅ លាក់បាំងអត្តសញ្ញាណរបស់អ្នក ឬក្លែងបន្លំ ឬប្រើប្រាស់ដោយមិនត្រឹមត្រូវនូវអត្តសញ្ញាណរបស់អ្នកដទៃ ដើម្បីចូលទៅប្រើប្រាស់សេវាកម្មឡើយ។
    • តាមរយៈការបង្កើតគណនីអ្នកប្រើប្រាស់ និងទទួលបានសិទ្ធិចូលប្រើទិន្នន័យថាមពលអតិថិជន ការគិតប្រាក់ ឬទិន្នន័យផ្ទាល់ខ្លួនផ្សេងទៀត មានន័យថាអ្នកយល់ព្រម និងបញ្ជាក់ថា អ្នកគឺជា (1) អតិថិជនរបស់ PG&E សម្រាប់ទិន្នន័យនេះ ឬ (2) តំណាងរបស់អតិថិជន PG&E ដែលទទួលបានសិទ្ធិត្រឹមត្រូវ និងច្បាស់លាស់ជាលាយលក្ខណ៍អក្សរ ពីអតិថិជននៅក្នុងការទទួលបានសិទ្ធិចូលប្រើទិន្នន័យនេះតាងនាមឱ្យអតិថិជននោះ ដែលឯកសារអំពីការផ្ដល់សិទ្ធិ PG&E អាចទទួលបានគ្រប់ពេល។
    • សិទ្ធិប្រើប្រាស់សេវាកម្ម និងមុខងារនៃគណនីអ្នកប្រើប្រាស់នៅលើគេហទំព័រត្រូវបានកំណត់ត្រឹមអ្នកជាភាគីចុះឈ្មោះ។ អ្នកទទួលខុសត្រូវក្នុងការការពារឈ្មោះអ្នកប្រើប្រាស់ ពាក្យសម្ងាត់ និងព័ត៌មានសម្ងាត់ដែលចាំបាច់ផ្សេងទៀត និងយល់ព្រមការពារ PG&E ពីការទាមទារណាមួយដែលបណ្ដាលមកពីការប្រើប្រាស់ដោយមិនត្រឹមត្រូវនូវឈ្មោះអ្នកប្រើប្រាស់ ពាក្យសម្ងាត់ និងព័ត៌មានសម្ងាត់ដែលចាំបាច់ផ្សេងទៀត។ អ្នកយល់ព្រមទទួលខុសត្រូវចំពោះគ្រប់សកម្មភាព ឬការធ្វេសប្រហែសទាំងអស់ដែលពាក់ព័ន្ធនឹងការប្រើប្រាស់គណនីអ្នកប្រើប្រាស់របស់អ្នក។ ប្រសិន​បើអ្នក​ជឿថា សុវត្ថិភាពនៃឈ្មោះអ្នកប្រើប្រាស់ ពាក្យសម្ងាត់ ព័ត៌មាន​បញ្ជាក់​អត្ត​សញ្ញាណ​ដែលបានតម្រូវ ឬព័ត៌មាន​ផ្ទាល់​ខ្លួនផ្សេងទៀត ត្រូវបានប្រើប្រាស់ខុស គេលួច ឬបានខូច​​ដោយប្រការ​ណា​មួយ​ សូម​ទាក់ទង​មក​ PG&E តាមលេខ 1-833-500-7226។ ដើម្បី​ស្វែង​យល់​បន្ថែម​អំពី​ការឆបោក និងការ​បង្ការ​ការឆបោក សូមចូលមើល pge.com/scams។
    • ព័ត៌មានដែលបានប្រមូលពីអ្នកនៅលើគេហទំព័រ (រួមទាំងព័ត៌មានអំពីគណនីថាមពលក្រុមហ៊ុន និងព័ត៌មានផ្ទាល់ខ្លួនរបស់អ្នក) ត្រូវគោរពទៅតាម គោលការណ៍ឯកជនភាពរបស់ PG&E និងច្បាប់សហព័ន្ធ រដ្ឋ និងក្នុងស្រុកផ្សេងទៀតដែលការពារឯកជនភាពរបស់អ្នក។
  • សេវាកម្ម
    • ការគ្រប់គ្រងថាមពលអតិថិជន។ គេហទំព័រនេះផ្ដល់នូវព័ត៌មានអំពីវិធានការប្រសិទ្ធភាពនៃការប្រើប្រាស់ថាមពល និងកម្មវិធីសន្សំសំចៃថាមពល ដែលបង្កើតឡើងដោយ ឬសម្រាប់ក្រុមហ៊ុនដែលមានសម្រាប់សាធារណៈ។
    • ព័ត៌មានអំពីអ្នកជំនួញ។ គេហទំព័រនេះអាចរួមបញ្ចូលសេវាកម្មដែលអាចឱ្យអ្នកស្វែងរកអាជីវកម្មភាគីទីបីដែលលក់ទំនិញ និងសេវាកម្មពាក់ព័ន្ធនឹងថាមពល នៅទីតាំងភូមិសាស្រ្តមួយចំនួន។ PG&E ពុំបានចាប់ដៃគូជាមួយភាគីទីបីណាមួយដែលលក់ទំនិញពាក់ព័ន្ធនឹងថាមពល ឬផ្ដល់សេវាកម្មទាំងនេះឡើយ ហើយក៏មិនបានផ្ដល់សិទ្ធិដល់អាជីវកម្ម ទំនិញ ឬសេវាកម្មទាំងនេះទេ។
    • ប្រូម៉ូសិន។ ម្ដងម្កាល ក្រុមហ៊ុនអាចផ្ដល់ជូនប្រូម៉ូសិន ការស្ទង់មតិ ការប្រកួតប្រជែង ឬការចាប់ឆ្នោត (ជារួមហៅថា “ប្រម៉ូសិន”) ដល់អតិថិជននៅផ្ទះ ឬអតិជនអាជីវកម្មរបស់ខ្លួន។ សម្រាប់ព័ត៌មានបន្ថែមអំពីប្រម៉ូសិនទាំងនេះ សូមមើលវិធានពាក់ព័ន្ធនានាដែលបានបង្ហោះ ឬបានភ្ជាប់ជាមួយប្រូម៉ូសិនទាំងនេះ។
  • ការភ្ជាប់, Framing, Bots និង Spiders
    • តំណភ្ជាប់ទៅកាន់គេហទំព័ររបស់ភាគីទីបី ក្រុមហ៊ុនបង្ហាញតំណភ្ជាប់ទៅកាន់គេហទំព័រ ឬសេវាកម្មអេឡិចត្រូនិកដែលឧបត្ថម្ភដោយភាគីទីបី ដែលពុំមែនជាសេវាកម្មរបស់ PG&E ឬដែលបង់ប្រាក់ដោយ PG&E ឡើយ។ PG&E មិនទទួលខុសត្រូវចំពោះខ្លឹមសារ ឬដំណើរការរបស់គេហទំព័ររបស់ភាគីទីបី ឬសេវាកម្មអេឡិចត្រូនិកដែលបានចូលប្រើតាមរយៈតំណភ្ជាប់ទាំងនេះ ឬខ្លឹមសារ និងវត្តមាននៃតំណភ្ជាប់ទាំងនេះ ឬខ្លឹមសារមិនបង្ហាញថា PG&E ផ្ដល់ការអនុញ្ញាត ឬមានសម្ព័ន្ធដៃគូជាមួយគេហទំព័រ សេវាកម្មរបស់ភាគីទីបីទាំងនេះ ឬភាគីទីបី ឬសេវាកម្ម ឬផលិតផលណាមួយដែលភាគីទីបីទាំងនេះផ្ដល់ជូនឡើយ។ ភាគីទីបីដែលបានបញ្ជូន និងមិនមែនជាក្រុមហ៊ុន ទទួលខុសត្រូវទាំងស្រុងចំពោះការផ្សាយពាណិជ្ជកម្ម មតិយោបល់ ការណែនាំ សេចក្ដីថ្លែងការណ៍ សេវាកម្ម ការផ្ដល់ជូន ទិន្នន័យ ព័ត៌មាន ខ្លឹមសារ និងឯកសារផ្សេងទៀតដែលភាគីទីបីទាំងនេះបង្ហាញ និងផ្ដល់ជូន។
    • តំណភ្ជាប់ទៅកាន់គេហទំព័រ។ គេហទំព័រមិនអាចភ្ជាប់នៅក្នុងលក្ខណៈដែល ទំព័រគេហទំព័រត្រូវបានបង្ហាញនៅក្នុងស៊ុមនៅលើគេហទំព័ររបស់ភាគីទីបី ហើយក៏មិនបង្ហាញនៅក្នុងអេក្រង់កម្មវិធីរុករកនៅលើអ៊ីនធឺណិតអមដោយការផ្សាយពាណិជ្ជកម្ម ឬខ្លឹមសារផ្សេងទៀតដែលពុំមាននៅលើគេហទំព័រឡើយ។ ការណ៍ដែលភាគីទីបីផ្ដល់នូវតំណភ្ជាប់ទៅកាន់គេហទំព័រមិនបង្ហាញអំពីការអនុញ្ញាត ទំនាក់ទំនងជាភ្នាក់ងារ កិច្ចព្រមព្រៀងរួមទុន ឬទំនាក់ទំនងស្រដៀងគ្នារវាង PG&E និងភាគីទីបីទាំងនេះឡើយ។
    • Mining។ គ្មានអ្នកប្រើប្រាស់ ឬភាគីទីបីណាមួយត្រូវបានអនុញ្ញាតឱ្យប្រើប្រាស់កម្មវិធី, bots, spiders ឬឧបករណ៍ប្រមូលព័ត៌មាន ឬផ្លូវកម្មវិធីផ្សេងទៀត ដើម្បីធ្វើការតាមដាន ថតចម្លង ឬ "mine" ព័ត៌មានដែលបង្ហាញនៅលើគេហទំព័រដើម្បីបង្ហាញនៅលើ ឬប្រើប្រាស់ជាមួយគេហទំព័រ ឬសេវាកម្មណាមួយឡើយ លើកលែងតែមានការអនុញ្ញាតពី PG&E ឬអតិថិជន PG&E ឱ្យធ្វើការកត់ត្រាតែប៉ុណ្ណោះ។
  • ការរក្សាសិទ្ធិ
    រាល់ខឹ្លមសារនៅលើគេហទំព័រ ដែលរួមមានអត្ថបទ ក្រាហ្វិក ស្នាដៃសិល្បៈ ស្លាកសញ្ញា ប៊ូតុង រូបតំណាង រូបភាព ឃ្លីបសំឡេង ឃ្លីបវីដេអូ កម្មវិធី និងកូដផ្សេងៗ គឺជាកម្មសិទ្ធិដែលមានការរក្សាសិទ្ធិអ្នកនិពន្ធរបស់ក្រុមហ៊ុន ឬអ្នកផ្ដល់ខ្លឹមសារផ្សេងទៀត និងត្រូវបានការពារដោយច្បាប់ស្ដីពីសិទ្ធិអ្នកនិពន្ធរបស់សហរដ្ឋអាមេរិក និងបរទេស ក៏ដូចជាអនុសញ្ញាអន្តរជាតិនានាផងដែរ។ ការប្រើប្រាស់ដោយគ្មានការអនុញ្ញាតនូវឯកសារនៅលើគេហទំព័រនេះអាចរំលោភទៅលើច្បាប់ស្ដីពីការរក្សាសិទ្ធិ ច្បាប់ពាណិជ្ជសញ្ញា ច្បាប់ឯកជនភាព និងការផ្សព្វផ្សាយ ព្រមទាំងបទប្បញ្ញត្តិ ឬលក្ខន្ដិកៈសារគមនាគមន៍ផ្សេងៗ។ លើកលែងតែត្រូវបានអនុញ្ញាតនៅក្នុងលក្ខខណ្ឌនៃការប្រើប្រាស់ទាំងនេះ ខ្លឹមសារទាំងនេះមិនអាចថតចម្លង កែសម្រួល កែប្រែ ចែកចាយ ផ្សព្វផ្សាយឡើងវិញ ទាញយក បង្ហាញ ដាក់បង្ហោះ លក់ ឬចម្លង (ទាំងស្រុង ឬដោយផ្នែក) នៅក្នុងទម្រង់ ឬដោយមធ្យោបាយណាមួយ ដូចជា អេឡិចត្រូនិក មេកានិក ថតចម្លង ថតជាសំឡេង ឬរូបភាព ឬជាទម្រង់ផ្សេងៗទៀតដោយគ្មានការអនុញ្ញាតជាលាយលក្ខណ៍អក្សរត្រឹមត្រូវពី PG&E ឬម្ចាស់កម្មសិទ្ធិផ្សេងទៀតឡើយ។
  • ពាណិជ្ជសញ្ញា
    • ពាណិជ្ជសញ្ញា ម៉ាកសេវាកម្ម ស្លាកសញ្ញា ក្រាហ្វិក ក្បាលទំព័រ រូបតំណាងប៊ូតុង សំណេរ ឈ្មោះដែន URL និងកត្តាបង្ហាញអត្តសញ្ញាណផ្សេងទៀត (“ពាណិជ្ជសញ្ញា”) ដែលបានប្រើប្រាស់ និងបង្ហាញនៅលើគេហទំព័រគឺជាសញ្ញាពាណិជ្ជកម្មដែលត្រូវបានចុះបញ្ជី ឬមិនបានចុះបញ្ជីរបស់ក្រុមហ៊ុន និងអ្នកដទៃផ្សេងទៀតនៅក្នុងសហរដ្ឋអាមេរិក និងបណ្ដាប្រទេសផ្សេងទៀត។ ហាមធ្វើការបង្ហាញ ឬប្រើប្រាស់សញ្ញាពាណិជ្ជកម្មទាំងនេះដោយគ្មានការយល់ព្រមជាលាយលក្ខណ៍អក្សរជាមុនពី PG&E ឬម្ចាស់ ម៉ាកសញ្ញាពាណិជ្ជកម្មផ្សេងទៀត ទៅតាមករណីនីមួយៗ។ អ្នកមិនអាចប្រើប្រាស់ស្លាក metaណាមួយ ឬ “អត្ថបទដែលបានលាក់” ផ្សេងទៀត ដោយប្រើប្រាស់ឈ្មោះ ឬម៉ាកសញ្ញាពាណិជ្ជកម្មរបស់ PG&E ដោយគ្មានការអនុញ្ញាតជាលាយលក្ខណ៍អក្សរជាមុនពី PG&E ឡើយ។
    • ប្រសិនបើអ្នកជឿជាក់ថា ឯកសារដែលបានដាក់បញ្ចូលនៅលើគេហទំព័ររំលោភទៅលើសិទ្ធិសញ្ញាពាណិជ្ជកម្មរបស់ភាគីផ្សេងទៀត សូមទាក់ទងយើងភ្លាមៗ ដើម្បីឱ្យ PG&E អាចធ្វើការស៊ើបអង្កេតស្ថានភាព ហើយប្រសិនបើសមស្រប នឹងធ្វើការទប់ស្កាត់ ឬដកចេញនូវឯកសារទាំងនោះ។
  • សុវត្ថិភាព
    នៅពេលអ្នកចុះឈ្មោះចូល ដោយតម្រូវឱ្យមានឈ្មោះអ្នកប្រើប្រាស់ និងពាក្យសម្ងាត់ និងព័ត៌មានសម្ងាត់ចាំបាច់ផ្សេងទៀត ព័ត៌មានផ្ទាល់ខ្លួនដែលអ្នកបញ្ចូលទៅក្នុងចន្លោះទំនេរ ឬទម្រង់ដែលបានផ្ដល់ជូននៅក្នុងសេវាកម្មទាំងនេះត្រូវបានរក្សាសុវត្ថិភាពដោយប្រើប្រាស់បច្ចេកវិទ្យាការពារសុវត្ថិភាពស្ដង់ដារនៅក្នុងវិស័យដែលហៅថា Secure Sockets Layer ("SSL")។ ដោយប្រើប្រាស់ យើងព្យាយាមការពារការសម្ងាត់នៃឈ្មោះអ្នកប្រើប្រាស់ ពាក្យសម្ងាត់ និងព័ត៌មានផ្ទាល់ខ្លួនផ្សេងទៀតរបស់អ្នក។ ដើម្បីឱ្យ SSL ដំណើរការទៅបាន កម្មវិធីរុករកនៅលើអ៊ីនធឺណិតរបស់អ្នកត្រូវតែអាចប្រើប្រាស់ជាមួយបច្ចេកវិទ្យា SSL បាន។ សូមសាកសួរព័ត៌មានលម្អិតពីក្រុមហ៊ុនបង្កើតកម្មវិធីរុករកនៅលើអ៊ីនធឺណិតរបស់អ្នក។
  • សកម្មភាពអ្នកប្រើប្រាស់
    នៅពេលប្រើប្រាស់គេហទំព័រ ឬសេវាកម្មណាមួយ អ្នកមិនអាច៖
    • ចម្លងបន្ត ថតចម្លង ចែកចាយ ប្រើប្រាស់ឡើងវិញ លក់បន្ត បង្ហោះបន្ត កែច្នៃ ឬធ្វើការថតចម្លងគេហទំព័រ ឬផ្នែកណាមួយនៃគេហទំព័រដោយគ្មានការអនុញ្ញាតជាលាយលក្ខណ៍អក្សរជាមុនពី PG&E ឡើយ។
    • ទាញយក បង្ហោះ ផ្សព្វផ្សាយ បញ្ជូន ចម្លង ឬចែកចាយតាមរយៈគេហទំព័រនូវឯកសារណាមួយដែលរំលោភទៅលើសិទ្ធិអ្នកនិពន្ធ ប៉ាតង់ ពាណិជ្ជសញ្ញា ម៉ាកសេវាកម្ម រូបភាពពាណិជ្ជកម្ម សម្បកសម្គាល់ពាណិជ្ជកម្ម ការសម្ងាត់ផ្នែកពាណិជ្ជកម្ម ឬសិទ្ធិជាកម្មសិទ្ធិណាមួយ របស់ភាគីទីបី ឬដែលរំលោភទៅលើកាតព្វកិច្ចកិច្ចសន្យា ទំនុកចិត្ត ឬកាតព្វកិច្ចមិនបញ្ចេញព័ត៌មានដែលតុលាការបានកំណត់។
    • ចូលរួមនៅក្នុងសកម្មភាពផ្សេងៗនៅក្នុងពេលប្រើប្រាស់គេហទំព័រ ដែលជាសកម្មភាពខុសច្បាប់ ការគំរាមកំហែង ការបៀតបៀន ការរំលោភបំពាន ការក្លែងបន្លំ ការបរិហារកេរ្តិ៍ ការមួលបង្កាច់ ឬការបំពានទៅលើឯកជនភាព ឬសិទ្ធិផ្សព្វផ្សាយរបស់អ្នកដទៃ។
    • ទាញយក បង្ហោះ ផ្សព្វផ្សាយ បញ្ជូន ចម្លង ឬចែកចាយតាមរយៈគេហទំព័រនូវឯកសារដែលមានលក្ខណៈផ្សាយពាណិជ្ជកម្ម អ៊ីមែលផ្ញើដោយគ្មានការអនុញ្ញាត ឬសារមិនបានការ លិខិតឱ្យបញ្ជូនសារបន្ត ឱកាសពីរ៉ាមីដ ឬការផ្ដល់ជូនសម្រាប់ការលក់ទំនិញ ឬសេវាកម្ម។
    • ទាញយក បង្ហោះ ផ្សព្វផ្សាយ បញ្ជូន ចម្លង ឬចែកចាយតាមរយៈគេហទំព័រ ឬដាក់តំណភ្ជាប់ណាមួយនៅលើគេហទំព័រទៅកាន់ឯកសារដែលជេរប្រមាថ មាក់ងាយ អាសគ្រាម បង្ហាញការស្អប់ខ្ពើម មានលក្ខណៈផ្លូវភេទ ឬលក្ខណៈមិនអាចទទួលយកបានផ្សេងៗទៀត។
    • ផ្លាស់ប្ដូរ ជ្រៀតជ្រែក ឬបង្អាក់មាតិកា ឬដំណើរការរបស់គេហទំព័រ ឬសេវា រួមមានដូចជា ការទាញយក ការបង្ហោះ ឬការបញ្ជូនឯកសារដែល (i) មានមេរោគ, Trojan horses, worms, time bombs, cancelbots ឬ កម្មវិធីកុំព្យូទ័រផ្សេងទៀតដែលធ្វើឱ្យខូចខាត ជ្រៀតជ្រែក ចាប់យក ពួនស្ទាក់ ដកហូតគេហទំព័រ ឬទិន្នន័យដែលមាននៅក្នុងគេហទំព័រ ឬ (ii) ធ្វើឱ្យមានបន្ទុកមិនសមស្របទៅលើដំណើរការរបស់គេហទំព័រ។
    • ប្រើប្រាស់គេហទំព័រដើម្បីទទួលបានការចូល ឬសិទ្ធិចូលដោយគ្មានការអនុញ្ញាតទៅក្នុងប្រព័ន្ធកុំព្យូទ័រ ឬបណ្ដាញផ្សេងទៀត។
    • ក្លែងជាបុគ្គល ឬអង្គភាពណាមួយ ធ្វើសេចក្ដីថ្លែងមិនពិត ឬការធានាអះអាងមិនត្រឹមត្រូវអំពីដៃគូសម្ព័ន្ធរបស់អ្នកជាមួយបុគ្គល ឬអង្គភាពណាមួយ ក្លែងចំណងជើង ឬកែលក្ខណៈសម្គាល់អត្តសញ្ញាណដើម្បីក្លែងប្រភពដើមនៃខ្លឹមសារដែលអ្នកបង្ហោះ ឬបញ្ជូនមកយើង ឬតាមរយៈគេហទំព័រ។
    • ក្លែងជាបុគ្គល ឬអង្គភាពណាមួយ ធ្វើសេចក្ដីថ្លែងមិនពិត ឬការធានាអះអាងមិនត្រឹមត្រូវអំពីដៃគូសម្ព័ន្ធរបស់អ្នកជាមួយបុគ្គល ឬអង្គភាពណាមួយ ក្លែងចំណងជើង ឬកែលក្ខណៈសម្គាល់អត្តសញ្ញាណដើម្បីក្លែងប្រភពដើមនៃខ្លឹមសារដែលអ្នកបង្ហោះ ឬបញ្ជូនមកយើង ឬតាមរយៈគេហទំព័រ។
    • ទាញយក បង្ហោះ ផ្សព្វផ្សាយ បញ្ជូន ចម្លង ឬចែកចាយតាមរយៈគេហទំព័រនូវឯកសារដែលលើកទឹកចិត្តឱ្យប្រព្រឹត្តសកម្មភាពផ្សេងៗដែលជាបទឧក្រិដ្ឋ ធ្វើឱ្យកើនឡើងទំនួលខុសត្រូវរដ្ឋប្បវេណី ឬរំលោភច្បាប់ បទប្បញ្ញត្តិ ឬបទបញ្ជាណាមួយរបស់រដ្ឋាភិបាល។
  • ការបញ្ឈប់ការប្រើប្រាស់
    យោងតាមឆន្ទានុសិទ្ធិផ្ដាច់មុខរបស់ PG&E យើងអាច រឹតត្បិត ឬបញ្ឈប់ការប្រើប្រាស់របស់បុគ្គលណាម្នាក់នូវសិទ្ធិ និងសេវាកម្ម គណនីអ្នកប្រើប្រាស់ ឈ្មោះអ្នកប្រើប្រាស់ ឬពាក្យសម្ងាត់ណាមួយដោយពុំចាំបាច់ជូនដំណឹងឡើយ។ នៅពេលបញ្ឈប់ អ្នកយល់ព្រមលុបចោល ឬបំផ្លាញចោលភ្លាមៗនូវឯកសារដែលបានទាញយក ឬបោះពុម្ព ដែលទទួលបានពីគេហទំព័រនេះ។ ការរឹតត្បិត ឬការបញ្ឈប់ការប្រើប្រាស់ទាំងនេះនឹងមិនបន្ធូរបន្ថយបុគ្គលណាម្នាក់ពីកាតព្វកិច្ចដែលកើតឡើង ឬបង្កមុនពេលកាលបរិច្ឆេទមានប្រសិទ្ធភាពនៃការបញ្ឈប់នេះឡើយ។
  • ការប្រកាសបដិសេធមិនធ្វើការធានា
    • គេហទំព័រ និងខ្លឹមសារ ព័ត៌មាន កម្មវិធី មុខងារ និងកម្មវិធីកុំព្យូទ័រដែលផ្ដល់ជូននៅលើ ឬតាមរយៈគេហទំព័រត្រូវបានផ្ដល់ជូន “ដូចដែលបានឃើញ” និង “ដូចដែលមានផ្ដល់ជូន”។ PG&E មិនធានាថា គេហទំព័រ ឬខ្លឹមសារ ឬសេវាកម្មដែលបានផ្ដល់ជូនពាក់ព័ន្ធនឹងគេហទំព័រមានភាពទាន់ពេលវេលា មានសុវត្ថិភាព មិនមានការអាក់ខាន ឬគ្មានបញ្ហា error ឬធានាថា វិការៈនៅក្នុងគេហទំព័រ ឬនៅក្នុងមាតិកា ឬសេវាដែលបានផ្ដល់ជូននៅលើ ឬតាមរយៈគេហទំព័រ (ប្រសិនបើមានពីពេលមួយទៅពេលមួយ) នឹងមានការកែតម្រូវឡើយ។ ក្រុមហ៊ុនមិនទទួលខុសត្រូវចំពោះបញ្ហា ការខកខាន ការអាក់ខាន ការលុបចោល វិការៈ ឬការយឺតយ៉ាវនៅក្នុងដំណើរការ ឬការបញ្ជូនគេហទំព័រ សេវាកម្ម ឬខ្លឹមសារពាក់ព័ន្ធ ចំពោះការដាច់ដំណើរការបណ្ដាញទំនាក់ទំនង មេរោគកុំព្យូទ័រពាក់ព័ន្ធនឹងដំណើរការគេហទំព័រឡើយ។ ក្រុមហ៊ុនមិនធ្វើការធានាពាក់ព័ន្ធនឹងព័ត៌មានដែលបានផ្ដល់ជូនតាមរយៈ ឬនៅលើគេហទំព័រឡើយ។ ក្រុមហ៊ុនមិនធ្វើការធានាដោយច្បាស់លាស់ ឬដោយប្រយោលពាក់ព័ន្ធនឹងគេហទំព័រ ដែលរួមមានដូចជា ការធានាលើកម្មសិទ្ធិ ការមិនរំលោភបំពាន ភាពអាចទិញដូរបាន ឬភាពសមស្របសម្រាប់គោលបំណងជាក់លាក់ណាមួយឡើយ។ អ្នកយល់ព្រមថា ការប្រើប្រាស់របស់អ្នកចំពោះគេហទំព័រនេះគឺជាទំនួលខុសត្រូវរបស់អ្នកទាំងស្រុង។
    • បុគ្គលិក PG&E ភ្នាក់ងារ តំណាង ឬភាគីទីបីមិនត្រូវបានអនុញ្ញាតឱ្យរៀបចំការធានាណាមួយដែលមិនបានកំណត់ច្បាស់លាស់នៅក្នុងលក្ខខណ្ឌប្រើប្រាស់ទាំងនេះឡើយ។
  • ដែនកំណត់នៃការទទួលខុសត្រូវ
    • PG&E ដៃគូ ឬបុត្រសម្ព័ន្ធ ព្រមទាំងបុគ្គលិក នាយក និយោជិត ភ្នាក់ងារ អ្នកស្នង ឬអ្នកទទួលភារកិច្ចបន្តរបស់ខ្លួនមិនទទួលខុសត្រូវចំពោះអ្នក ឬភាគីទីបីណាមួយលើសំណងខូចខាតដោយប្រយោល កើតឡើងពីហេតុការណ៍ផ្សេង កើតឡើងដោយចៃដន្យ ជាការដាក់ទណ្ឌកម្ម ពិសេស ឬការដាក់ទោសទណ្ឌ (រួមមានដូចជា សំណងបណ្ដាលមកពីការបាត់បង់ទិន្នន័យ ការបាត់បង់ប្រាក់ចំណូល ឬការចំណាយលទ្ធកម្មនូវផលិតផល ឬសេវាជំនួស) ដែលកើតឡើងពី ឬពាក់ព័ន្ធនឹងគេហទំព័រ ឬគេហទំព័រណាមួយដែលមាននៅលើ ឬតាមរយៈគេហទំព័រ។
    • គ្រប់ករណីទាំងអស់ ការទទួលខុសត្រូវរបស់ PG&E ព្រមទាំងដៃគូ ឬបុត្រសម្ព័ន្ធ ឬបុគ្គលិក នាយក និយោជិត ភ្នាក់ងារ អ្នកស្នង ឬអ្នកទទួលភារកិច្ចបន្តរបស់ខ្លួន នៅក្រោមទ្រឹស្តីនៃទំនួលខុសត្រូវ (ទោះជាក្នុងកិច្ចសន្យា កំហុស ឬទំនួលខុសត្រូវទាំងស្រុង ឬផ្សេងៗទៀត) មិនត្រូវលើសពី $500 ឡើយទោះជាភាគីទាំងនេះត្រូវបានជូនដំណឹងអំពីលទ្ធភាពអាចកើតឡើងនៃការខូចខាតទាំងនេះក៏ដោយ។ ច្បាប់រដ្ឋមិនអនុញ្ញាតឱ្យដាក់កំហិតទៅលើការធានាដោយប្រយោល ឬការដកចេញ ឬការដាក់កំហិតទៅលើសំណងខូចខាតជាក់លាក់ណាមួយឡើយ។ ប្រសិនបើច្បាប់ទាំងនេះអនុវត្តចំពោះអ្នក នោះការប្រកាសបដិសេធ ការដកចេញ ឬការដាក់កំហិតមួយចំនួន ឬទាំងអស់នៅក្នុងផ្នែកទី 11 (“ការប្រកាសបដិសេធមិនធ្វើការធានា”) និងផ្នែកទី 12 នេះ ("ដែនកំណត់នៃការទទួលខុសត្រូវ") មិនអាចអនុវត្តចំពោះអ្នកបានឡើយ ហើយអ្នកអាចនឹងមានសិទ្ធិបន្ថែម។
  • ការធានាការពារ
    អ្នកយល់ព្រមធានាការពារ PG&E ដៃគូ និងបុត្រសម្ព័ន្ធ និងបុគ្គលិក នាយក និយោជិត ភ្នាក់ងារ អ្នកស្នង ឬអ្នកទទួលភារកិច្ចបន្តរបស់ខ្លួនពីការទាមទារ ទំនួលខុសត្រូវ ថ្លៃ និងការចំណាយផ្សេងៗ (រួមទាំងថ្លៃសេវាមេធាវី និងអ្នកឯកទេសពាក់ព័ន្ធ) ដែលកើតឡើងនៅក្នុងលក្ខណៈណាមួយពីការប្រើប្រាស់របស់អ្នកនូវគេហទំព័រ ឬការដាក់ ឬការបញ្ជូនសារ ព័ត៌មាន កម្មវិធី ឬឯកសារផ្សេងៗទៀត ឬខ្លឹមសារនៅលើ ឬតាមរយៈគេហទំព័រដោយអ្នក ឬអ្នកប្រើប្រាស់គណនីរបស់អ្នក ឬពាក់ព័ន្ធនឹងការរំលោភលក្ខខណ្ឌប្រើប្រាស់ទាំងនេះដោយអ្នក ឬអ្នកប្រើប្រាស់គណនីរបស់អ្នក។
  • លក្ខខណ្ឌផ្សេងៗទៀត
    • ក្រុមហ៊ុនគ្រប់គ្រង និងដំណើរការគេហទំព័រនេះពីទីស្នាក់ការកណ្ដាលរបស់ខ្លួននៅ Oakland, កាលីហ្វ័រញ៉ាសហរដ្ឋអាមេរិក។ ប្រសិនបើអ្នកប្រើប្រាស់គេហទំព័រនេះពីទីតាំងផ្សេងទៀត អ្នកត្រូវទទួលខុសត្រូវក្នុងការអនុវត្តតាមច្បាប់ក្នុងប្រទេសដែលពាក់ព័ន្ធ។ លក្ខខណ្ឌប្រើប្រាស់ទាំងនេះត្រូវគ្រប់គ្រងដោយច្បាប់សំខាន់នៃរដ្ឋកាលីហ្វ័រញ៉ា ដែលអនុវត្តចំពោះកិច្ចសន្យាដែលបានចុះរវាងពលរដ្ឋកាលីហ្វ័រញ៉ា និងអនុវត្តនៅក្នុងរដ្ឋកាលីហ្វ័រញ៉ា ទោះជាអ្នករស់នៅ ឬធ្វើអាជីវកម្មជាមួយក្រុមហ៊ុនស្ថិតក្នុងរដ្ឋកាលីហ្វ័រញ៉ា ឬនៅទីកន្លែងផ្សេងទៀតក៏ដោយ។
    • ការប្រើប្រាស់គេហទំព័រនឹងត្រូវចាត់ទុកថា កើតឡើងតែនៅក្នុងរដ្ឋកាលីហ្វ័រញ៉ាប៉ុណ្ណោះ។ អ្នកព្រមព្រៀងថា តុលាការនៅ ខោនធី Alameda រដ្ឋកាលីហ្វ័រញ៉ា មានដែនយុត្តាធិការផ្ដាច់មុខលើទំនាស់ណាមួយ ឬទាំងអស់ដែលកើតឡើងពី ឬពាក់ព័ន្ធលក្ខខណ្ឌប្រើប្រាស់ទាំងនេះ ឬការប្រើប្រាស់របស់អ្នកនូវគេហទំព័រ ហើយអ្នកយល់ព្រមបញ្ជូនទៅដោះស្រាយនៅក្នុងដែនយុត្តាធិការតុលាការនេះ។ ភាគីឈ្នះនៅក្នុងទំនាស់នឹងមានសិទ្ធិទទួលបានថ្លៃសេវាមេធាវី និងការចំណាយសមហេតុផលទាំងអស់ ក្រៅពីការទាមទារ និងដំណោះស្រាយផ្លូវច្បាប់ផ្សេងៗទៀត។
    • ប្រសិនបើបញ្ញត្តិណាមួយនៃលក្ខខណ្ឌប្រើប្រាស់ទាំងនេះត្រូវបានកំណត់ថា មិនស្របច្បាប់ អស់សុពលភាព ដោយសារមូលហេតុណាមួយដែលមិនអាចដឹងមុន នោះបញ្ញត្តិនោះនឹងត្រូវចាត់ទុកថាអស់សុពលភាពដោយផ្នែក ហើយមិនប៉ះពាល់ដល់សុពលភាព និងភាពអាចអនុវត្តបាននៃបញ្ញត្តិផ្សេងទៀតឡើយ។
    • លក្ខខណ្ឌប្រើប្រាស់ដែលដាក់បញ្ចូលជាឯកសារយោងនូវគោលការណ៍របស់ PG&E បញ្ជាក់អំពីកិច្ចព្រមព្រៀងទាំងមូលរវាងអ្នក និង PG&E ពាក់ព័ន្ធនឹងការប្រើប្រាស់របស់អ្នកនូវគេហទំព័រ ហើយរាល់ការព្រមព្រៀង និងការយោគយល់ពីមុនៗ និងកើតឡើងដំណាលគ្នាពាក់ព័ន្ធនឹងកម្មវត្ថុនៃលក្ខខណ្ឌប្រើប្រាស់នេះត្រូវបានលុបលើដោយ និងត្រូវបានដាក់បញ្ចូលទៅក្នុងលក្ខខណ្ឌប្រើប្រាស់ទាំងនេះ។ លក្ខខណ្ឌប្រើប្រាស់ទាំងនេះមិនអាចធ្វើការកែប្រែបានឡើយ លើកលែងតែធ្វើឡើងដោយ PG&E ដូចដែលបានចែងនៅក្នុងឯកសារនេះ។

អ្នកអាចបញ្ជូនសំណួរអំពីលក្ខខណ្ឌប្រើប្រាស់ទាំងនេះទៅកាន់៖


Pacific Gas and Electric Company
Director, Digital Channels
300 Lakeside Drive, Suite 210
Oakland, CA 94612