Pab koj txuag roj thiab hluav taws xob thiab nyiaj

Koj yuav mus nrhiav tau kev pab zoo li cov hauv kev nram qab no:

• Koj yuav mus nrhiav tau kev pab zoo li cov hauv kev nram qab no: Tau nyiaj ib zaug los xam rau koj qhov nqi roj thiab hluav taws xob ntau txog $300 los ntawm qhov kev pabcuam Relief for Energy Assistance through Community Help (REACH) Program (cov nyiaj muab coj los pab xam nqi yuav yog nyob ntawm saib puas tshuav nyiaj pab lawm xwb). Qhov kev pabcuam ntawm no yuav pab koj them nqi roj thiab hluav taws xob rau thaum koj ntsib ib qho kev txom nyem tam sim. Lub koomhaum REACH thiab Dollar Energy Funds yog ob lub koomhaum PG&E txhawb nqa uas muaj 170 lub chaw dhia dejnum nyob Northern thiab Central California los dhia dejnum rau qhov kev pabcuam. Mus xyuas ntawm REACH (Relief for Energy Assistance through Community Help).
  
  THOV NCO NTSOOV: Qhov kev pabcuam REACH tsuas muaj pab ib zaug hauv ib lub sijhawm ntev li 12 lub hlis xwb thiab tus neeg siv hluav taws xob yuav tsum yog ib tus tsim nyog siv tau qhov kev pabcuam.
• Qhov Kev Pabcuam Low-Income Home Energy Assistance Program (LIHEAP) muab nyiaj ntau txog $1,000 los pab them koj yim neeg cov nqi roj thiab hluav taws xob yog tias koj yim neeg tsim nyog siv tau qhov kev pabcuam suav nrog rau koj cov nqi cua sov, cua txias thiab cov nqi kho kom koj lub tsev tsis txhob siv roj thiab hluav taws xob ntau. Txoj kev tsim nyog los mus siv tau qhov kev pabcuam yog muab saib raws li tsoomfwv cov qauv rau cov nyiaj neeg khwv tau los. Hu 211 lossis (866) 675-6623 yog xav paub cov qauv ntawm cov nyiaj khwv tau los thiab ib daim ntawv teev cov chaw tuav dejnum uas yuav pab koj mus thov qhov kev pabcuam.
  
  LIHEAP tau nyiaj pab los ntawm U.S. Department of Health and Human Services, Administration for Children and Families, Office of Community Services.

Nram qab no yog cov hauv kev los mus txo nujnqis thiab txuag roj thiab hluav taws xob:

• Siv qhov kev xam nqi Budget Billing los mus muab koj cov nqi roj thiab hluav taws xob txhua hli ua kom tsis muaj qhov nce siab thiab poob qis. Siv qhov kev xam nqi no, koj cov nqi roj thiab hluav taws xob yuav zoo ib yam tag xyoo, txawm tias huabcua yuav sov lossis no. Mus kawm txog Budget Billing.
• Txuag tau 20 feem pua lossis ntau tshaj ntawd hauv koj daim nqi roj thiab hluav taws xob yog koj mus sau npe siv qhov kev pabcuam California Alternate Rates for Energy (CARE) Program. Mus kawm txog CARE.
• Tau txais ib qho nqi txo txhua hli ntawm koj qhov nqi hluav taws xob yog koj yim neeg muaj coob txog li peb tus neeg lossis coob tshaj. Mus sau npe siv qhov kev pabcuam Family Electric Rate Assistance (FERA) Program.  Mus kawm txog FERA.
• Tau kev pab yog tias koj yog ib tus neeg siv hluav taws xob uas yuav tsum tau siv hluav taws xob vim muaj ib tus mob. THOV NCO NTSOOV: Qhov kev pabcuam no tsis yog saib raws li cov nyiaj tau los. Mus thov ib Qho Roj thiab Hluav Taws Xob Uas Qhov Kev Pabcuam Medical Baseline Pub Siv (Medical Baseline Allowance). Mus kawm txog Medical Baseline Allowance.
• Qhov kev pabcuam PG&E’s Green Saver Program yuav pub cov neeg siv hluav taws xob uas khwv tau nyiaj tsawg txog qhov tsim nyog siv tau qhov kev pabcuam nyob rau ntawm tej cheeb tsam uas peb muaj qhov kev pabcuam los mus txuag tau li 20% hauv lawv qhov nqi hluav taws xob yog lawv mus tso npe siv cov hluav taws xob uas yeej tsim 100% los ntawm lub hnub. Mus xyuas Green Saver Program.

Kho koj lub tsev dawb kom tsis txhob siv roj thiab hluav taws xob ntau xws li kho cov teeb, kho lub tsev kom ceev tau cua sov thiab cua txias zoo thiab ntau yam ntxiv los ntawm txoj kev pabcuam Energy Savings Assistance Program. Mus xyuas ntawm Energy Savings Assistance Program.

Mus nrhiav kev pab kho cua sov, cua txias thiab kho kom lub tsev ceev tau cua sov thiab cua txias zoo los ntawm qhov kev pabcuam Low-income Home Energy Assistance Program (LIHEAP). Lub chaw California Department of Community Services and Development (CSD) yog lub los saibxyuas tsoomfwv qhov kev pabcuam ntawm no, uas muaj 48 lub chaw dhia dejnum nyob thoob plaws lub xeev. LIHEAP muaj ob yam kev pab:

• Kev pab rau cua sov lossis cua txias hauv cov tsev.
• Kev kho kom cov tsev ceev tau cua sov thiab cua txias zoo.

Muaj tej cov neeg siv hluav taws xob yuav tau kev pab ua ntej:

• Cov yim neeg uas siv ib feem nyiaj ntau ntawm lawv cov nyiaj khwv tau los coj mus them nqi roj thiab hluav taws xob.
• Cov yim neeg uas muaj cov neeg hnub nyoog siab lossis xiam oob qhab.
• Cov yim neeg uas muaj cov menyuam hnub nyoog qis tshaj peb xyoos.

Ntaus 2-1-1 yog xav paub LIHEAP cov cai rau cov nyiaj khwv tau los thiab cov chaw tuav dejnum rau qhov kev pabcuam, lossis mus xyuas ntawm California Department of Community Services & Development.

Xav kom muaj sijhawm ntau ntxiv los mus them? Siv txoj Kev Teem Sijhawm Them Nqi los mus ceev kom koj txoj kev siv roj thiab hluav taws xob tsis txhob raug kaw. Koj yeej muab qhov nqi koj tshuav tam sim no coj los teem tau ua ntau ntau hli them los mus pab tswj qhov kev tu ncua nyiaj txiag. Sau npe nkag mus rau Your Account thiab txav mus saib ntawm Cov Kev Them Nqi Muaj Rau Koj Siv (Payment Options). Xaiv qhov Kev Teem Sijhawm Them Nqi thiab xaiv txoj kev them nqi uas zoo tshaj rau koj:

• Kev Muab Faib Ua Ntau Zaug Them pub koj muab qhov nqi koj tseem tshuav coj los faib ua ntau ntau hli them uas yuav muab faib tau txog li 12 zaug coj los them.
• Kev Muab Sijhawm Ntxiv pub koj them tag nrho qhov nqi koj tshuav nyob rau ib lub sijhawm tom ntej. Cia li muab hnub koj xav them tag nrho qhov nqi ntaus rau hauv xwb.

MUS XYUAS NTAWM KEV TEEM SIHAWM THEM NQI

Peb yeej paub tias kev muaj roj thiab hluav taws xob siv tseemceeb npaum li cas rau peb cov neeg siv roj thiab hluav taws xob; vim li ntawd, peb thiaj li muaj cov kev pabcuam uas npaj nyiaj los pab cov neeg siv roj thiab hluav taws xob. Thaum Lub Ob Hlis xyoo 2021, peb yuav pib ib qho kev pabcuam hu ua Arrearage Management Plan (AMP) - ib txoj kev npaj tshiab los them nqi uas yuav pab cov pejxeem siv roj thiab hluav taws xob los mus txo cov nqi uas lawv tsis tau them. Txhawm rau tshawb nrhiav seb koj puas muaj cai tsim nyog tau txais kev pab cuam txog rau AMP, los sis txhawm rau tso npe thov kev pab hnub no, thov nkag mus rau hauv koj tus as khauj PG&E nyob rau ntawm pge.com los sis hu rau 1-800-743-5000.

Cov neeg siv roj thiab hluav taws xob twg thiaj li yog cov uas yuav mus siv tau qhov kev pabcuam AMP?

Yuav kom tsim nyog mus siv tau qhov kev pabcuam ntawm no, koj yuav tsum yog ib tus neeg siv roj thiab hluav taws xob uas yog pejxeem thiab yuav tsum muaj txhua yam zoo li nram qab no. Koj yuav tsum:

• Yog ib tus neeg uas siv PG&E ib qho kev pabcuam uas muaj nyiaj txiag pab, CARE lossis FERA.
• Tshuav nqi roj thiab hluav taws xob tsawg kawg los yog li $500 lossis ntau tshaj ntawd, lossis tshuav nqi roj tsawg kawg los yog li $250 lossis ntau tshaj ntawd (qhov no yog siv rau cov neeg siv roj xwb).
• Muaj cov nqi uas dhau sijhawm them ntev tshaj li 90 hnub lawm.
• Yog PG&E ib tus neeg siv roj thiab hluav taws xob tau luv kawg los yog ntev li 6 lub hlis lawm, thiab twb them koj qhov nqi roj thiab hluav taws xob raws sijhawm tsawg kawg los yog li ib zaug lawm.

MUS NRHIAV COV TSWVYIM LOS NYEEM KOJ DAIM NQI ROJ THIAB HLUAV TAWS XOB SAIB KOJ PUAS MUAJ TXHUA YAM UAS YUAV TSUM TAU MUAJ ZOO LI HAIS LOS SAUM NO

Cov neeg siv roj thiab hluav taws xob uas siv cov tshuab ceev kev siv hu ua net energy metering (NEM), master-meter thiab master-meter uas muaj ib lub tshuab me los ceev txoj kev siv roj thiab hluav taws xob rau cov neeg xauj tsev yog cov uas yuav mus siv tsis tau qhov kev pabcuam AMP tam sim no.

Kuv yuav tso npe kawm li cas?

Thov nkag mus rau hauv koj tus as khauj PG&E hauv online ntawm pge.com:

• Kauj Ruam 1: Tshawb nrhiav txog ib daim ntawv loj qhia txog Arrearage Management Plan (AMP) nyob rau saum hau kawg nkaus ntawm koj lub nab cos txhawm rau los txiav txim seb koj puas muaj cai tsim nyog tau txais kev pab cuam.
• Kauj Ruam 2: Xaiv “See how to enroll (Saib txog txoj kev qhia yuav sau npe tau li cas)”
• Kauj Ruam 3: AMP cov neeg siv hluav taws xob uas muaj cai tsim nyog tau txais kev pab muaj peev xwm tso npe thov kev pab tau nyob rau hauv online los ntawm peb lub chaw saib xyuas kev sau npe yam av tas naus mav; los sis yuav raug hais kom hu rau 1-800-743-5000 txhawm rau thiaj li mus saib tau peb qhov khoos kas pab cuam thiab txheej txheem kev lis dej num txog kev ua ntawv thov kev pab
• Kauj Ruam 4: Thaum twg tau txais kev pom zoo lawm, koj yuav tau txais ib tsab ntawv ceeb toom qhia rau tus neeg siv hluav taws xob uas lees paub txog koj qhov kev sau npe

Los sis thov hu rau peb ntawm 1-800-743-5000 txhawm rau pib tau:

• Kauj Ruam 1: Peb lub chaw saib xyuas hauj lwm yam av tas naus mav yuav ceeb toom rau koj paub txog hais tias koj puas muaj cai tsim nyog tau txais kev pab cuam txog rau Arrearage Management Plan (AMP).
• Kauj Ruam 2: AMP cov neeg siv hluav taws xob uas muaj cai tsim nyog tau txais kev pab cuam muaj peev xwm tso npe tau los ntawm kev hu xov tooj los ntawm peb lub chaw saib xyuas kev sau npe yam av tas naus mav LOS SIS yuav raug xa toj mus rau ntawm ib Tus Neeg Sawv Cev Rau Kev Saib Xyuas Hauj Lwm Pab Cuam Tus Neeg Siv Hluav Taws Xob (Customer Service Representative, CSR) txhawm rau coj koj mus saib peb qhov khoos kas pab thiab txheej txheem kev lis dej num txog kev ua ntawv thov kev pab.
• Kauj Ruam 3: Thaum twg tau txais kev pom zoo lawm, koj yuav tau txais ib tsab ntawv ceeb toom qhia rau tus neeg siv hluav taws xob uas lees paub txog koj qhov kev sau npe.

Cov Lus Nug Uas Neeg Pheej Nquag Muaj (FAQ)

Tom qab kuv sau npe rau hauv AMP, kuv yuav kuaj xyuas kuv cov ntsiab lus meej tseeb ntsig txog kev sau npe thiab txheej xwm ntawm lub zog hlauv taws xob khiav mus los tau li cas?

• Kauj Ruam 1: Nkag mus rau hauv koj tus as khauj PG&E hauv online ntawm pge.com
• Kauj Ruam 2: Xaiv “View your Arrearage Management Program” uas nyob rau ntawm sab laug ntawm koj tus as khauj PG&E daim nab cos qhia xwm
• Kauj Ruam 3: Thaum twg xaiv tau tag lawm, koj cov ntsiab lus meej tseeb ntsig txog kev sau npe rau qhov AMP tam sim no yuav tshwm los rau koj pom nyob rau hauv lub tas tab las ntsiab lus meej tseeb ntsig txog kev sau npe

Thaum twg qhov kev pabcuam AMP mam li qhib rau pejxeem mus thov?
PG&E yeej npaj los qhib qhov kev pabcuam AMP rau Lub Ob Hlis xyoo 2021.

Qhov kev pabcua AMP ua haujlwm li cas?
Rau txhua zaug uas koj them qhov nqi roj thiab hluav taws xob koj muaj tam sim no raws sijhawm, AMP yuav muab 1/12 ntawm qhov nqi koj tshuav thaum koj nkag mus siv qhov kev pabcuam tshem tawm. Tom qab koj them koj qhov nqi roj thiab hluav taws xob hauv txhua lub hli tam sim no raws sijhawm li kaum ob zaug, qhov kev pabcuam yuav muab qhov nqi koj tshuav tshem tawm txog $8,000.

Puas muaj ib qho tias siab kawg nkaus lossis ntau kawg nkaus uas qhov kev pabcuam AMP pub muab tshem tawm?
Muaj, qhov ntau kawg nkaus uas qhov kev pabcuam AMP pub muab tshem tawm nyob hauv ib xyoos yog $8,000.

Cov neeg uas siv cov hluav taws los ntawm CCA (Community Choice Aggregation) puas tseem yuav siv tau qhov kev pabcuam AMP?
Tseem yuav siv tau. Cov neeg uas siv cov hluav taws xob los ntawm CCA yeej tseem siv tau qhov kev pabcuam yog tias lawv yeej tseem siv qhov kev pabcuam CARE lossis FERA, muaj txhua yam raws li qhov yuav tsum tau muaj zoo li hais los saum no, thiab lawv qhov CCA yeej pom zoo nkag mus koom qhov kev pabcuam. Yog tias koj lub CCA yeej mus koom qhov kev pabcuam thiab no, koj cov nqi hauv PG&E thiab hauv koj lub CCA yeej muab coj mus suav tau tib si rau hauv qhov kev pabcuam.

Yog tias koj lub CCA tsis mus koom qhov kev pabcuam AMP no, ces tsuas yog koj cov nqi nyob hauv PG&E thiaj li yuav yog cov muab tshem tau tawm xwb. Cov nqi tsim hluav taws xob hauv txhua lub hlis los ntawm koj lub CCA yuav tsis yog cov nqi uas muab coj mus suav tau rau hauv qhov kev pabcuam no.

Yog xav paub ntxiv, nug mus rau lub tuam txhab uas npaj hluav taws xob rau koj siv.

Cov neeg uas siv cov hluav taws los ntawm CTA (Core Tansport Agent) puas tseem yuav siv tau qhov kev pabcuam AMP?
Tseem siv tau. Cov neeg uas siv cov hluav taws xob los ntawm CORE Transport Agent (CTA) uas muaj txhua yam raws li qhov yuav tau muaj yeej tseem yuav siv tau qhov kev pabcuam AMP. Tiamsis, tsuas yog PG&E cov nqi cais thiab xa roj thiaj li yuav yog cov muab tshem tau tawm xwb. Cov nqi roj hauv txhua lub hlis los ntawm koj lub CTA yuav tsis yog cov nqi uas muab coj mus suav tau rau hauv qhov kev pabcuam no.

Cov neeg uas siv cov hluav taws los ntawm DA (Direct Access) puas tseem yuav siv tau qhov kev pabcuam AMP?
Tseem siv tau. Cov neeg uas siv cov hluav taws xob los ntawm Direct Access (DA) uas muaj txhua yam raws li qhov yuav tau muaj yeej tseem yuav siv tau qhov kev pabcuam AMP. Tiamsis, tsuas yog PG&E cov nqi cais thiab xa hluav taws xob thiaj li yuav yog cov muab tshem tau tawm xwb. Cov neeg uas siv ib qho DA yeej tseem yuav tau them Lub Tuam Txhab Uas Npaj Cov Hluav Taws Xob (Electric Service Provider (ESP)) uas lawv siv cov nqi hluav taws xob.

Kuv puas muab tau ib qhov nqi tshiab coj los ntxiv rau hauv kuv qhov kev siv AMP uas kuv muaj tam sim no?
Muab tsis tau. Txhua qhov nqi tshiab uas koj muaj rau hnub ntawd lossis tom qab hnub koj mus tso npe siv qhov kev pabcuam lossis hnub koj tau txais kev pom zoo rov qab los mus siv qhov kev pabcuam yeej yog cov nqi uas koj yog tus yuav tau them thiab yuav muab ntxiv tsis tau rau hauv qhov nqi uas koj tseem tshuav nyob hauv AMP.

Yuav tau them pes tsawg zaus thiaj li yuav muab coj los xam tag rau qhov nqi nyob hauv qhov kev pabcuam AMP?
Yuav tsum tau them 12 zaus raws sijhawm thiaj li yuav muab cov nqi koj tshuav uas tsim nyog muab suav rau hauv qhov kev pabcuam tshem tau tawm, ntau txog $8,000.

Yuav muaj dabtsi tshwm sim yog tias kuv tseg ib hlis kuv tsis them kuv qhov nqi?
Koj yeej tseg tau ib hlis tsis them, tiamsis koj yuav tsum tau them lub hlis ntawd nrog lub hlis txuas ntxiv tom ntej qhov nqi tib si kom raws sijhawm. Yog thaum twg koj tseg ob lub hlis sib law tsis them lawm, lossis koj tsis them zaum 12, peb yuav muab koj tshem tawm hauv qhov kev pabcuam AMP mus lawm.

Yuav muaj dabtsi tshwm sim yog tias kuv mus tso npe siv qhov kev pabcuam AMP, tiamsis kuv ho them tsis tau cov nqi uas kuv yuav tau them txhua lub hlis?
Yog tias koj tso tseg qhov kev pabcuam AMP ua ntej koj them tag zaum 12 raws sijhawm, nws yuav tsis muaj dabtsi los cuam tshuam rau cov nqi uas peb twb muab tshem tawm tag lawm. Tiamsis, koj cov nqi uas peb tsis tau muab tshem tawm yuav yog ib cov nqi uas peb yuav muab tshem tsis tau tawm ntxiv lawm.

Kuv puas rov qab mus tso tau npe los mus siv qhov kev pabcuam dua tom qab kuv ua tau tiav raws li qhov kev pabcuam AMP yuav tsum kom ua lawm?
Thaum twg koj ua tiav raws li qhov kev pabcuam AMP yuav tsum kom koj ua lawm, koj yuav tau tos ntev li 12 lub hlis ua ntej koj yuav mus tso tau npe los mus siv qhov kev pabcuam dua.

Kuv puas siv tau lwm txoj kev npaj los them nqi thiab tseem mus tso tau npe siv qhov kev pabcuam AMP thiab?
Tau, tiamsis koj tsuas siv tau ib qhov kev npaj los them nqi nyob rau hauv ib lub sijhawm xwb. Yog thaum twg koj tsim nyog siv tau qhov kev pabcuam AMP, peb yuav muab koj qhov kev pom zoo los siv qhov kev pabcuam AMP coj los hloov koj qhov kev npaj los them nqi qub lawm.

Kuv puas tseem siv tau qhov kev pabcuam REACH thiab LIHEAP yog hais tias kuv yeej muaj npe siv qhov kev pabcuam AMP lawm?
Tseem siv tau, koj yeej tseem siv tau REACH thiab LIHEAP. Txhua qhov nyiaj uas LIHEAP muab los pab yeej tsuas muab siv tau los mus them cov nqi koj muaj tam sim no xwb yog thaum koj muaj npe los mus siv qhov kev pabcuam AMP lawm.

Yog tias kuv muaj npe los mus siv qhov kev pabcuam AMP lawm thiab kuv ho mus tso npe siv LIHEAP, kuv puas siv tau cov nyiaj uas LIHEAP pab coj los them cov nqi kuv tshuav uas dhau sijhawm them lawm?
Tsis tau. Koj tsuas siv tau cov nyiaj uas LIHEAP pab coj mus them cov nqi uas koj tseem yuav muaj yav tom ntej xwb. Yog tias koj twb muaj npe los mus siv qhov kev pabcuam AMP lawm, koj yuav siv tsis tau cov nyiaj uas LIHEAP pab coj mus xam rau qhov nqi uas AMP yuav muab tshem tawm.