Medical Baseline Program

Medical Baseline Program cov ntsiab lus

Lub Medical Baseline Program, kuj paub tias yog Medical Baseline Allowance, yog ib qho khoos kas pab cuam muab kev pab rau cov neeg qhuas siv hluav taws xob nyob hauv vaj tsev uas xav tau qee yam kev kho mob nkeeg. Kawm kom paub ntau ntxiv nyob hauv daim vis dis qaus (video) luv no.

Cov neeg qhuas siv hluav taws xob uas txaus siab koom rau hauv qhov khoos kas pab cuam no yuav nrhiav txog qhov tsim nyog raug pab thiab tej ntaub ntawv hais txog kev thov kev pab uas muaj txhij txhua rau ntawm phab ntawv no.

Medical Baseline PCIA COV LUS NUG UAS NQUAG NUG (FREQUENTLY ASKED QUESTIONS) (LUS AS KIV) (PDF, 419 KB)

Koj puas yog ib tug kws kho mob txawj tshaj lij?

Kawm kom paub txog txoj hau kev uas koj yuav pab nthuav tawm thiab txhawb txog kev tso npe koom rau hauv qhov khoos kas pab cuam txhawb nqa rau koj cov neeg mob mus ntxiv lawm yam tom ntej li cas. Mus saib Cov Nqe Lus Nug Uas Keev Nug rau Cov Kws Kho Mob (PDF, 169 KB) thiab Phau Ntawv Qhia Kws Tu Neeg Mob (PDF, 1.52 MB).

Qhov khoos kas pab cuam no muaj ob hom kev pab

IB QHO KEV TSO HLUAV TAWS XOB NTXIV TXHUA HLIS UAS RAUG TUS NQI TSHAJ PLAWS NTAWM KOJ TUS NQI TAM SIM NO

Cov neeg siv hluav taws xob nyob hauv vaj hauv tsev uas tau tso npe rau hauv Medical Baseline Program thiab rau ntawm txhua theem nqi (piv txwv li, E-1, EM, los sis E-TOU-C) tau txais ib qho kev tso hluav taws xob tuaj ntxiv rau txhua lub hlis uas raug tus nqi qis tshaj plaws ntawm lawv tus nqi uas muaj tseg lawm. Qhov no hu tias Baseline Allowance.

Nyob hauv qhov Medical Baseline Program, qhov kev tso hluav taws xob tuaj ntxiv yog thaj tsam li 500 kilowatt-hours (kWh) ntawm cov hluav taws xob thiab/los sis 25 theem ntawm cov roj cua toj hlis uas yog nce raws li qhov kev xav tau hluav taws xob siv ntawm tus neeg siv hluav taws xo’b uas twb tau tshuaj xyuas qhov tseeb los ntawm ib lub chaw saib xyuas mob nkeeg rau thaum lub sij hawm muab ntaub ntawv ua pov thawj tag lawm.

Nws tseem ceeb yuav tau paub tias kev tso cai ntawm koj qhov ntaub ntawv thov Medical Baseline Program ntawd tseev kom koj yuav tsum tau them koj cov nqi hluav taws xob ntawm PG&E txhua hli txuas mus ntxiv. Qhov tsis tau them nyiaj ces tuaj yeem ua rau koj cov kev pab them niq hluav taws xob thiab roj cua raug tso tseg.

Lus Cim Tseg: Cov neeg siv hluav taws xob uas nyob rau cov nqi tsis muaj theem them (piv txwv li, E-TOU-D) thiab cov nqi tsheb hluav taws xob ces yuav tsis tau txais qhov tso hluav taws xob ntxiv rau hauv lub hlis vim hais tias tej nqi no tsis muaj ib qho Baseline Allowance. Txawm li cas los xij, nws nce raws li thaum koj siv thib qhov koj siv hluav taws xob ntau npaum li cas, ib ntawm cov nqi no tseem pab koj txuag tej nyiaj them hauv ib lub xyoos puag ncig tau ntau ntxiv.

Cov neeg siv hluav taws xob ntawm Medical Baseline uas nyob rau ntawm tus nqi Hluav Taws Xob Uas Siv Rau Hauv Tsev (E-ELEC) tuaj yeem muaj cai tau txais ib qho kev txo nqi txog li ntawm 12% (D-MEDICAL) nyob rau ntawm lawv cov nqi hluav taws xob. Thov mus saib rau ntawm tshooj lus Kev Siv Tau hais txog ntawm Nyiaj Se D-MEDICAL rau lus qhia paub ntau ntxiv.

KAWM KOM PAUB TXOG COV KEV XAIV NTAWM TUS NQI THIAB TAU TXAIS KEV SIB PIV TUS NQI KOM HAUM RAU TUS KHEEJ

TEJ NTAUB NTAWV CEEB TOOM TSHWJ XEEB UA NTEJ TXOG PUBLIC SAFETY POWER SHUTOFF

Txhawm rau kev nyab xeeb, PG&E yuav tsum tua hluav taws xob rau hauv cov zej zog uas tau txais hluav taws xob raws cov xaiv xa nkag los los sis rau ntawm thaj chaw uas yuav muaj hluav xob kub hnyiab tau zoo rau thaum muaj huab cua phem. Qhov no hu tias Public Safety Power Shutoff (PSPS).

Huab cua phem uas muaj peev xwm hloov pauv tau sai heev. Peb lub hom phiaj, nce raws huab cua, yog xa kev ceeb toom rau tus neeg qhua siv hluav taws xob ua ntej li 48 teev, 24 teev thiab ua ntej yuav tua hluav taws xob. Peb yuav ceeb toom raws hauv ntau yam xws li hu xov tooj, ntaus ntawv xa thiab sau email xa rau sawv daws. Yuav xa tej ntaub ntawv ceeb toom raws hauv xov tooj, raws kev ntaus ntawv xa tuaj thiab email, nws nce raws li koj qhov kev cog lus uas koj nyiam seb yuav kom ceeb toom rau koj li cas.

Cov neeg siv hluav taws xob ntawm Medical Baseline yuav tau txais kev ceeb toom tshwj xeeb ntxiv uas yog ib feem ntawm qhov kev nthuav qhia no, uas yuav muaj xws li hu xov tooj tuaj ceeb toom los sis lub suab nrov ntawm lub tswb ntawm lub qhov rooj kom lawv paub txog thiab tuaj yeem npaj nyob tau nyab xeeb. Nws tseem ceeb tias cov neeg siv hluav taws xob ntawm Medical Baseline yuav tau lees tias tau txais daim ntawv ceeb toom los ntawm qhov teeb raws hauv xov tooj thiab kev sib tham kiag los sis teb raws hauv kev sau ntawv sib txuas lus.

KAWM PAUB NTAU NTXIV TXOG COV XWM TXHEEJ PSPS

KAWM PAUB TXOG COV CHAW MUAB KEV PAB CUAM UAS MUAJ LOS PAB TXHAWB NQA KOJ NYOB THOOB PLAWS HAUV IB QHO PSPS

Kev thov rau qhov khoos kas pab cuam

Choose View

Yuav tsim nyog rau Medical Baseline Program, ib tug neeg uas nyob hauv vaj tsev tas li rau hauv koj lub tsev yuav tsum muaj ib qho kev tsim nyog rau kev kho mob nkeeg thiab/los sis yuav tsum siv ib yam khoom kho mob los kho mob nkeeg txuas mus ntxiv. Yuav tsum tau siv ib Medical Baseline daim ntawv thov kev pab rau ib tsev neeg nkaus xwb.

Kev tsim nyog rau kev kho mob nkeeg

Qee cov ua piv txwv ntawm kev tsim nyog rau kev kho mob nkeeg muaj xws li:

Muaj mob rau tej ceg, muaj mob rau ib sab ntawm lub cev los sis muaj mob tuag tes tuag ceg
Kev muaj mob rau ntau txoj hlab ntsha txhaws uas yuav tsum tau siv cua kub thiab/los sis cua txias pab ntxiv
Kab mob raws tawv nqaij uas yuav tsum tau siv cua kub ntxiv
Qhov muaj mob hnyav uas yuav muaj kev phom sij rau txoj sia los sis feem tiv thaiv kab mob hauv lub cev tsis zoo, thiab yuav tsum tau siv cua kub thiab/los sis cua txias pab cawm txoj sia los sis tiv thaiv qhov kho mob uas tsis ntxim zoo
Kab mob hawb pob thiab/los sis qhov ua pa nres thaum pw tsaug zog

Kev tsim nyog rau cov khoom siv kho mob nkeeg

Qee cov ua piv txwv ntawm kev tsim nyog rau cov khoom siv kho mob nkeeg muaj xws li:

Lub rooj zaum muaj log hluav taws xob/lub scooter
IPPB los sis CPAP cov tshuab
Lub pab ua pa (txhua yam)
Lub tshuab lim ntshav
Daim ntsws tooj hlau

Tshuaj xyuas ib daim ntawv teev cov npe khoom tag nrho ntxiv ntawm kev tsim nyog rau cov khoom siv kho mob nkeeg.

Thov nco tseg: Kev tsim nyog rau Medical Baseline yog saib raws li qhov muaj mob los sis qhov yuav tsum tau kho mob, TSIS yog saib raws qhov nyiaj khwv tau los.

Rub tawm los los sis luam Medical Baseline daim ntawv qhia qhov tseeb (PDF, 513 KB)

Ua ntawv thov los sis rov xyuas dua pov thawj rau hauv oos lais (online)

Sau kom tiav thiab muab daim foos sau txog cov ntaub ntawv thov/kev rov xyuas dua pov thawj nyob rau hauv oos lais (online) xa mus.
LUS CIM TSEG: Raws li Cov Lus Siv & Cov Zwj Ceeb ntawm daim foos nod, yog hais tias "Kuv Lees Paub Tias" yuav tsis ua hauj lwm los ntawm kev hloov mus ua tsos daj, sim qhov no nyob rau hauv koj lub koos pis tawj (computer):
- Mus rau ntawm Zoom (Feem ntau mas nws keev nyob rau hauv cov kev teeb qhaj tus nplaus xawj (browser settings) hauv ces kaum sab xis saum toj kawg nkaus ntawm koj lub nab cos).
- Nias "+"; txhawm rau ua kom qhov lus sau loj tuaj thiab rov qab qhib lub nab cos (window) Cov Lus Siv & Cov Zwj Ceeb dua.
Kiag thaum sau tag, koj yuav tau txais ib tsab email nrog rau tus nab npawb lees paub thiab cov lus qhia rau koj tus kws kho mob nkeeg.
Muab tej lus qhia thiab koj tus naj npawb lees paub sib qhia rau hauv email uas koj tau txais nrog rau koj tus kws kho mob nkeeg.
Tom qab koj tus kws ua txoj hauj lwm kho mob sau tiav nws feem ntawm daim foos thiab lees paub txog koj qhov kev muaj cai tsim nyog tau txais kev pab lawm, koj yuav raug sau npe nkag rau hauv Medical Baseline Program.

TSEEM CEEB: Thaum koj muab daim foos sau txog cov ntaub ntawv thov/kev rov xyuas dua pov thawj hauv online xa mus lawm, koj tus kws ua txoj hauj lwm kho mob kuj tseem yuav tsum tau los mus lees paub txog koj qhov kev muaj cai tsim nyog tau txais kev pab nyob rau hauv oos lais (online) tib si. Thiab, peb yuav tsis muaj peev xwm saib xyuas tej ntaub ntawv thov tau rau thaum tseem muaj ib qho ntaub ntawv thov tos hauv online.

Los sis, muab ib daim foos sau txog cov ntaub ntawv thov/kev rov xyuas dua pov thawj ua daim ntawv xa hauv chaw xa ntawv mus:

Rub tawm los thiab luam daim foos sau txog cov ntaub ntawv thov/kev rov xyuas dua pov thawj (PDF, 171 KB) luam tawm
Ua kom tiav Part A ntawm daim foos sau txog cov ntaub ntawv thov/kev rov xyuas dua pov thawj nod thiab kos npe rau
Kom koj tus kws ua txoj hauj lwm kho mob ua kom tiav Part B ntawm daim foos sau txog cov ntaub ntawv thov/kev rov xyuas dua pov thawj nod thiab kos npe rau
Muab koj daim foos uas sau tiav tag lawm ntawd xa mus rau:
PG&E Billing Center
Medical Baseline
P.O. Box 8329
Stockton, CA 95208

Cov neeg qhua uas tsis muaj ib qho mob tsim nyog rau tus qauv cai muaj mob mus ib txhis ces yuav tsum tau sau txog Kev Ua Pov Thawj Rau Tus Kheej tom qab thawj lub xyoos thiab yuav tsum rov qab ua pov thawj dua tshiab thiab kos npe los ntawm ib tus kws ua txoj hauj lwm kho mob uas muaj cai rau lub xyoo txuas mus ntxiv.

Koj muaj peev xwm thov ib daim foos sau txog cov ntaub ntawv thov/kev rov xyuas dua pov thawj thiab kom tau txais cov lus qhia paub ntau ntxiv hais txog Medical Baseline Program los ntawm kev tiv tauj mus rau PG&E ntawm 1-800-743-5000.

Tsis tas li ntawd koj kuj tseem muaj peev xwm thov tau Cov Foos Medical Baseline sau ua lwm cov hom ntawv, xws li ntawv luam tawm uas pom tus niam ntawv loj, Ntawv Su (Braille) los sis ua suab., Muab koj tsab lus thov xa hauv email mus rau: CIACMC@pge.com. Muaj koj lub npe, qhov chaw nyob xa ntawv thiab naj npawb xov tooj. Yuav muab lub sij hawm 5-7 hnub ua hauj lwm los saib xyuas. Los sis, hu rau 1-800-743-5000 txhawm rau thov lwm cov hom ntawv.

Cov neeg siv hluav taws xob uas Lag Ntseg/Tsis Hnov Lus Zoo uas siv TTY (ib lub cuab yeej tshwj xeeb rau Cov Neeg Lag Ntseg thiab tsis hnov lus zoo) kuj tuaj yeem hu tau rau California Relay Service ntawm 7-1-1.

Cov neeg qhua siv hluav taws xob uas raug ua pov thawj los ntawm lawv tus kws kho mob nkeeg uas muaj ib qho kev lees paub lawm tias qhov muaj mob ntawd yuav tsum tau kom yus tus kheej ua pov thawj txog lawv qhov tsim nyog raug pab txhua ob lub xyoos. Qhov no yuav tsum lees txog lawv qhov chaw nyob rau ntawm lawv lub chaw saib xyuas mob nkeeg thiab tsis tas yuav kom muaj ntaub ntawv kos npe los ntawm ib tug kws kho mob nkeeg.

Cov neeg qhua siv hluav taws xob uas tsis muaj ib qho mob tsim nyog rau tus qauv cai muaj mob mus ib txhis ces yuav tsum tau sau rau daim ntawv foos Kev Ua Pov Thawj Rau Tus Kheej tom qab thawj lub xyoos thiab yuav tsum rov qab ua pov thawj dua tshiab thiab kos npe los ntawm ib tug kws kho mob nkeeg rau lub xyoo txuas mus ntxiv.

Faj Seeb: Zeeg ua pov thawj rau tus kheej no tau ua raws li qhov kev rov qab ua pov thawj dua rau tus neeg qhua siv hluav taws xob tau tso npe rau hauv qhov khoos kas pab cuam no lawm.

Yog hais tias koj yog ib tus neeg qhua siv hluav taws xob ntawm Medical Baseline uas muaj ib qho zwj ceeb fab kev kho mob uas tsis yog mob mus ib txhis thiab yuav tsum tau rov qab ua pov thawj dua thiaj li tau txais kev muaj cai tsim nyog tau txais kev pab txuas ntxiv mus, ces mus rau ntawm tshooj lus hais txog kev Ua Ntawv Thov Kev Pab/Rov Qab Ua Pov Thawj Dua ntawm phab no thiab ua raws li cov kauj ruam ntawd txhawm rau ua kom tiav qhov kev ua ntawv thov nod.

Lub chaw PG&E Medical Baseline cov neeg qhua uas tau txais daim ntawv ceeb toom kom ua pov thawj rau yus tus kheej ces yuav tau ua pov thawj rau yus tus kheej raws hauv online ces thiaj li tau txais kev ntxiv lub sij hawm kiag tam sim ntawd:

Tso npe nkag mus txhawm rau txuas lub sij hawm qhov kev duav roos dua tshiab nrog koj lub chaw PG&E los ntawm tej ntaub ntawv as khauj hauv online. Yog tias koj tsis muaj ib tug as khauj ntawm PG&E, nias ntawm qhov "One-Time Access."
Sau daim ntawv foos kom tiav thiab muab nws xa mus.

Los sis, xa ib daim ntawv foos hais txog kev ua pov thawj ntawm tus kheej hauv ntaub ntawv los ntawm kev sau ntawv xa mus:

Daim ntawv foos hais txog Kev Ua Pov Thawj Ntawm Tus Kheej ntawm Medical Baseline yeej muaj nyob nrog rau hauv koj tsab ntawv ceeb toom txog kev rov toj sij hawm tshiab tib si lawm. Tej zaum koj kuj tseem yuav muab ib daim ntawv foos ntawm kev ua pov thawj rau yus tus kheej luam tawm (PDF, 836 KB).
Sau daim ntawv foos kom tiav thiab kos npe rau
Xa koj daim ntawv foos sau tiav mus rau:
PG&E Billing Center
Medical Baseline
P.O. Box 8329
Stockton, CA 95208

Xaiv koj Medical Baseline/Life Support hom kev sib tiv toj

Koj puas kom xav ceeb toom rau kis uas tau npaj tseg los sis tsis tau npaj tseg txog qhov kev tua hluav taws xob rau hauv koj lub chaw nyob? Teev koj qhov nyiam sib txuas lus rau tam sim no.

Ib Medical Baseline Nqe Lus Nug Uas Nquag Nug (frequently asked questions, FAQ) rau cov kws kho mob nkeeg

Yog koj yog ib tug kws kho mob los sis kws saib xyuas kev noj qab haus huv, thov tshuaj xyuas Nqe Lus Nug Uas Nquag Nug (frequently asked questions, FAQ) rau Tus Kws Kho Mob Nkeeg (PDF, 170 KB). Kawm kom paub txog qhov koj yuav pab nthuav tawm li cas thiab txhawb txog kev tso npe rau hauv qhov Medical Baseline Program txhawm rau pab txhawb ntxiv rau koj cov neeg mob.

Xav tau kev pab tshwj xeeb ntxiv tab sis tsis tsim nyog rau Medical Baseline?

Yog tias koj los sis ib tug neeg ntawm koj tsev muaj mob hnyav los sis muaj mob uas cuam tshuam tsis zoo rau txoj sia yog koj twb tso tseg qhov kev saib xyuas mob nkeeg lawm, ces koj yuav tau ua pov thawj rau yus tus kheej tias yog ib tug neeg uas txom nyem. Kawm kom paub txog qhov khoos kas pab cuam rau Tus Neeg Qhua Siv Hluav Taws Xob Txom Nyem.

Cov ntaub ntawv uas pab tau zoo ntxiv:

Cov khoos kas pab cuam uas pab them nqi
Feem kev xaiv sau ntawv nqi thiab kev them nqi
Kev nkag siab txog koj tej ntaub ntawv hais txog hluav taws xob
Cov Khoos Kas Pab Cuam Rau Kev Pab Txuag Hluav Taws Xob
Puas muaj lus nug txog lwm cov khoos kas pab cuam ntawm PG&E thiab tej kev pab cuam ub no? Mus saib hauv PG&E Help Center.

YAM KHOOM PAB TXHAWB TXOJ SIA YOG DAB TSI?

Ib yam khoom uas raug siv kho mob los cawm txoj sia los sis saib raws li qhov txav mus los tau (raws li tau txiav txim los ntawm ib tug kws kho mob uas muaj ntaub ntawv tso cai kho mob). Yuav tsum siv yam khoom siv no nyob rau hauv tsev. Feem ntau, yam khoom siv uas raug siv kho mob tsis tsim nyog rau Medical Baseline.

Yam khoom siv pab txhawb txoj sia muaj xws li cov tshuab pab ua pa (cov cua oxygen), cov ntshws tooj hlau, cov tshuab lim ntshav, cov tshuab nqus pa, cov xov hluav taws xob txhawb rau hlab ntsha, daim ntaub nias thiab cov tshuab nqus, cov tshuab ua nag tsauv, cov tshuab hluav taws xob uas tsuag tshuaj hom electrostatic thiab ultrasonic, cov tshuab tsim cua, cov tshuab pab ua pa (intermittent positive pressure breating, IPPB), thiab cov rooj zaum muaj log hluav taws xob.

Thov rau Medical Baseline thiab qhia rau peb paub yog tias tus neeg nyob tas li hauv vaj tsev xav tau yam khoom pab txhawb txoj sia yog li peb thiaj li muaj peev xwm nrhiav ib tug zauv cim tshwj xeeb rau ntawm koj tus as khauj. PG&E yuav ceeb toom rau cov neeg qhua siv hluav taws xob nrog rau tus zauv cim pab txhawb txoj sia no yog qhov kev pab cuam yuav raug cuam tshuam vim tau npaj tsim kho, kho los sis tsim ua, los sis hauv qhov xwm txheej uas hluav taws xob tuag los sis muaj ib qho Public Safety Power Shutoff.

LEEJ TWG THIAJ LI TSIM NYOG YOG IB TUG KWS KHO MOB NKEEG?

Cov kws kho mob nkeeg uas tsim nyog muaj xws li cov kws kho mob, cov kws phais mob thiab cov neeg uas muaj ntaub ntawv tso cai kho mob raws li qhov Osteopathic Initiative Act raws li California Public Utilities Code §739 thiab cov kws tu neeg mob uas raug raws li PG&E qhov kev coj ua tam sim no thiab raws li qhov uas tam sim no muaj nyob rau hauv California Public Utilities Codes & §799.3. Dua li no lawm, raws li PG&E qhov kev coj ua tam sim no, ib tug kws pab tus kws kho mob uas muaj ntaub ntawv tso cai kho mob ua hauj lwm koom nrog pab pawg kws kho mob ntawm tus neeg qhua siv hluav taws xob ces yuav tau los ua pov thawj rau qhov muaj mob txaus ntshai rau txoj sia ntawm ib tug neeg mob.

KUV YUAV CEEB TOOM LI CAS RAU PG&E YOG TIAS MUAJ IB TUG NEEG HAUV KUV TSEV XAV TAU YAM KHOOM PAB TXHAWB RAU TXOJ SIA?

Thov rau Medical Baseline thiab qhia rau peb paub yog tus neeg nyob tas li hauv vaj tsev xav tau kev pab txhawb txoj sia yog li peb thiaj li muaj peev xwm nrhiav ib tug zauv cim tshwj xeeb rau ntawm koj tus as khauj. PG&E yuav ceeb toom rau cov neeg qhua siv hluav taws xob nrog rau tus zauv cim pab txhawb txoj sia no yog qhov kev pab cuam yuav raug cuam tshuam vim tau npaj tsim kho, kho los sis tsim ua, thiab hauv qhov xwm txheej ntawm Public Safety Power Shutoffs. Thov saib tshooj ntawv hais txog Daim Ntawv Thov Kev Pab nyob rau ntawm phab ntawv no yog xav paub ntau ntxiv txog tej ntaub ntawv no.

KUV YUAV THIM QHOV TSO NPE TAU LI CAS MEDICAL BASELINE / LIFE-SUPPORT?

Yuav thim qhov tso npe los ntawm Medical Baseline los sis Life Support qhov khoos kas pab cuam, tso npe nkag rau hauv koj tus as khauj thiab nias rau ntawm “Enrolled in Medical Baseline” kab ntawv txuas (link) nyob hauv daim mes nus. Ces, nias qhov “Unenroll” thiab mam lees koj qhov thim tso npe. Koj kuj tseem tuaj yeem hu rau 1-800-743-5000 thiab thov kom muab tshem tawm los ntawm Medical Baseline Program.

KUV TSEEM YOG IB TUG MEDICAL BASELINE NEEG QHUA SIV HLUAV TAWS XOB. VIM LI CAS KUV THIAJ LI YUAV TSUM TAU UA POV THAWJ RAU YUS TUS KHEEJ LOS SIS ROV UA POV THAWJ DUA?

Kev Ua Pov Thawj Rau Yus Tus Kheej yuav tsum tau ua txhua ob lub xyoos rau Medical Baseline cov neeg qhua siv hluav taws xob uas muaj mob mus ib txhis (raws li tau txiav txim los ntawm lawv cov kws kho mob nkeeg). Cov neeg qhua siv hluav taws xob uas tsis muaj mob mus ib txhis yuav tau Ua Pov Thawj Rau Yus Tus Kheej rau ib lub xyoos thiab qhov Rov Ua Pov Thawj Dua (yuav tsum kom tus kws kho mob nkeeg kos npe) rau ob lub xyoos twg.

Qhov Ua Pov Thawj Rau Yus Tus Kheej pab lees tias tus Medical Baseline neeg qhua siv hluav taws xob tseem nyob tas li hauv vaj tsev rau ntawm lub chaw nyob ntawd thiab tam sim no tau koom nrog PG&E qhov kev sib txuas lus Public Safety Power Shutoff (PSPS) thiab lwm yam kev ceeb toom rau kis muaj xwm txheej ceev.

Yuav tsum tau Rov Ua Pov Thawj Dua thiaj li lees tau tias tus Medical Baseline neeg qhua siv hluav taws xob tseem xa tau kev ceeb toom tshwj xeeb los ntawm PSPS thiab lwm yam kev tso hluav taws xob ntxiv vim lawv tseem nyob rau qhov kev kho mob uas yuav tsum siv hluav taws xob mus ntxiv.

YUAV MUAJ DAB TSI TSHWM SIM RAU KUV MEDICAL BASELINE YOG KUV TSIV TAWM MUS LAWM?

Yog tias koj thov tso tseg qhov kev pab cuam rau ntawm koj lub chaw nyob qub thiab yuav pib qhov kev pab cuam rau ntawm koj lub chaw nyob tshiab rau thaum tooj txhij tib lub sij hawm ntawd, koj qhov Medical Baseline Program yeej cia li raug hloov mus rau koj qhov chaw nyob tshiab lawm.

Yog koj thov tso tseg qhov kev pab cuam rau ntawm koj lub chaw nyob qub thiab yuav pib qhov kev pab cuam rau ntawm koj lub chaw nyob tshiab rau thaum hnub tom qab ntawd, ces koj qhov Medical Baseline Program yuav tsis cia li raug hloov mus rau koj qhov chaw nyob tshiab ntawd. Koj yuav tsum hu rau peb ntawm 1-800-743-5000 thiab thov koj qhov Medical Baseline Program kom hloov mus rau koj qhov chaw nyob tshiab.

QHOV TXHEEJ TXHEEM THOV KEV PAB RAWS HAUV ONLINE YUAV UA HAUJ LWM ZOO LI CAS?

Tam sim no koj thov kev pab rau ntawm PG&E Medical Baseline qhov khoos kas pab cuam yam tsis tas yuav tau mus ntsib tim koj tus kws kho mob lub chaw lis hauj lwm.

Thov ua raws li cov ncauj lus thiab cov lus qhia nram qab no yog xav paub cov ntaub ntawv thov kev pab nyob hauv online rau hauv tshooj ntawv hais txog Daim Ntawv Thov Kev Pab uas nyob rau ntawm phab ntawv no.

KUV PUAS TUAJ YEEM TAU TXAIS MEDICAL BASELINE YOG KUV NYOB RAU NTAWM CARE/FERA?

Yog. Kev Tsim Nyog rau Medical Baseline tsis yog saib raws ntawm cov nyiaj khwv tau los. Medical Baseline qhov kev tsim nyog yog nce raws li tib qho kev xav tau kev kho mob nkau xwb. Koj qhov tsim nyog los sis kev tso npe rau nkag rau hauv CARE/FERA los sis lwm cov khoos kas pab cuam muab kev pab yuav tsis muaj feem ntsig txog rau thiab tsis cuam tshuam rau koj qhov tsim nyog rau Medical Baseline.

Koj muaj peev xwm tso npe rau hauv Medical Baseline txawm tias koj yuav nyob rau ntawm CARE/FERA los sis tsis nyob los xij. Thov saib tshooj ntawv hais txog Daim Ntawv Thov Kev pab nyob rau phab ntawv no yog xav paub ntau ntxiv txog qhov yuav thov kev pab li cas.

KUV PUAS TUAJ YEEM TAU TXAIS KEV TSO HLUAV TAWS XOB RAU QHOV MEDICAL BASELINE NTXIV YOG TIAS KUV SIV NTAU DUA IB YAM KHOOM SIV KHO MOB?

Nyob ntawm seb koj qho kev npaj txog ntawm tus nqi thiab koj cov kev xav tau hluav taws xob siv uas cuam tshuam txog fab kev kuaj mob zoo li cas tej zaum koj yuav tuaj yeem tau txais ib cov kev tso hluav taws xob los ntawm qhov Medical Baseline tuaj ntxiv tom qab kev ntsuas (ntsuam xyuas) tag lawm.

Cov neeg siv hluav taws xob uas tsim nyog rau Medical Baseline uas nyob rau ntawm cov phiaj xwm kev npaj ntsig txog tus nqi uas muab sib sau ua ke (piv txwv li E1, E-TOU-C, G1, thiab lwm yam ntxiv.) yuav tau txais ib qho “qauv” hluav taws xob rau Medical Baseline li thaj tsam 500 kilowatt-hours (kWh) thiab/los sis 25 theem ntawm cov roj cua rau hauv lub hlis, ntxiv rau qhov Baseline ib txwm muaj rau ntawm lawv tus nqi tam sim no.

Nyob ntawm seb koj qhov cov kev xav tau hluav taws xob siv rau fab kev kho mob thiab cov cuab yeej khob mob uas noj hluav taws xob uas koj siv ntawd ntau npaum li cas, tej zaum koj kuj yuav tau muaj cai tsim nyog tau txais ib qho Kev Tso Hluav Taws Xob Tuaj Rau Medical Baseline ntau dua ib tus qauv. Tiv tauj rau PG&E ntawm 1-800-743-5000 thiab thov kom ua kev tshuaj ntsuam xyuas txhawm rau ib qhov kev tso hluav taws xob rau Medical Baseline tuaj ntxiv. Yuav tsum tau siv ib daim ntawv tso npe thov kev pab los ntawm Medical Baseline toj ib yim neeg nkaus xwb.

Thov nco ntsoov hais tias: Cov kev tso hluav taws xob tuaj ntxiv nod tsuas siv tau nrog rau cov phiaj xwm kev npaj ntsig txog tus nqi uas muaj cov nyiaj pab cuam rau lub hauv paus (baseline allowances) (piv txwv li, E1, E-TOU-C, thiab lwm yam ntxiv). Cov neeg siv hluav taws xob ntawm D-MEDICAL tau txais ib qho kev txo nqi kem 12% nyob rau ntawm lawv cov nqi hluav taws uas tsis hais txog qhov ntau tsawg ntawm cov kev tso hluav taws xob tuaj ntawd.

Kuv yuav tau txais ib qho kev txo nqi los ntawm Medical Baseline ntau npaum li cas?

Cov neeg siv hluav taws xob uas tsim nyog rau Medical Baseline yuav tau txais ib qho “qauv” hluav taws xob rau Medical Baseline li thaj tsam 500 kilowatt-hours (kWh) yog hais tias lawv nyob rau ntawm ib qho kev npaj ntsig txog tus nqi uas muaj ib qhov baseline, thiab/los sis 25 theem ntawm cov roj cua rau hauv lub hlis, ntxiv rau qhov Baseline ib txwm muaj rau ntawm lawv tus nqi tam sim no. Qhov kev tso hluav taws xob no raug tus nqi qis tshaj plaws rau ntawm koj tus nqi tam sim no.

KUV MUAJ IB CPAP THIAB KUV TUS TXIJ NKAWM MUAJ IB CPAP. WB PUAS YUAV TAU TXAIS KEV TSO HLUAV TAWS XOB TUAJ NTXIV LI OB NPAUG RAU MEDICAL BASELINE?

Thaum muaj ntau dua ib tug neeg uas xav siv khoom siv kho mob rau ntawm qhov chaw nyob, yuav tsum tau siv ib Medical Baseline daim ntawv thov toj ib tsev neeg nkaus xwb.

Nyob ntawm seb koj cov kev xav tau ntsig txog kev kho mob yog dab tsi thiab seb muaj pes tsawg cov cuab yeej koos pis tawj kho mob uas cov neeg qhua siv hluav taws xob ntawm Medical Baseline siv nyob rau hauv ti qho chaw nyob ntawd, tej zaum koj yuav muaj cai tsim nyog tau txais Medical Baseline Qhov Kev Sib Faib Phuv raws tus qauv cai ntau dua ib qho. Tiv tauj rau peb ntawm 1-800-743-5000 thiab thov kom muab kev tshuaj ntsuam xyuas rau Medical Baseline ib qho kev faib phuv ntxiv. Medical Baseline cov kev faib phuv tsis yog tias yuav muaj pab cuam rau sawv daws yam av tas naus mav.

NWS PUAS MEDICAL BASELINE ZOO IB YAM NKAUS LI MEDI-CAL? KUV MUAJ MEDI-CAL LAWM, YOG LI KUV PUAS CIA LI TSIM NYOG RAU MEDICAL BASELINE?

Tsis tsim nyog. Medical Baseline qhov kev tsim nyog yog nce raws li tib qho kev xav tau kev kho mob nkau xwb. Koj qhov tsim nyog los sis kev tso npe rau hauv Medi-Cal los sis lwm lub is saws las kho mob yeej tsis muaj feem ntsig txog rau thiab tsis cuam tshuam rau koj qhov tsim nyog rau Medical Baseline.

Koj muaj peev xwm tso npe rau hauv Medical Baseline txawm tias koj yuav nyob rau ntawm Medi-Cal los sis tsis nyob los xij. Thov saib tshooj ntawv hais txog Daim Ntawv Thov Kev Pab nyob rau ntawm phab ntawv no yog xav paub ntau ntxiv txog tej ntaub ntawv hais txog qhov yuav thov kev pab li cas.

KUV TAB TOM SIV LUB DAB DA DEJ KUB LOS SIS TSAU TSHUAJ DEJ KUB TXHAWM RAU KEV KHO MOB. QHOV NTAWD PUAS UA RAU KUV TSIM NYOG RAU MEDICAL BASELINE?

Tsis tsim nyog. Tej khoom kho mob rau lub cev, xws li kev tsau tshuaj dej kub thiab dab da dej kub, ces tsis tsim nyog rau Medical Baseline.

Tej khoom siv kho mob uas tsim nyog raug pab muaj xws li txhua yam khoom siv kho mob uas cawm txoj sia los sis raug siv rau qhov txav mus los. Thov review a complete list of qualifying medical devices.

Kuv yuav tsum tau ua li cas yog hais tias lub pob nias xa nyob rau ntawm kuv daim ntawv tso npe thov kev pab los ntawm Medical Baseline hauv online tsis ua hauj lwm?

Koj yuav tsis muaj peev xwm xa tau koj daim foos mus kom txog ntau rau thaum koj lees paub txog Cov Lus Siv & Cov Zwj Ceeb. Nyob rau hauv lub nab cos (window) uas pom Cov Lus Siv & Cov Zwj Ceeb no tshwm tuaj nod, koj yuav tsum tau rub hla tag nrho txhua txoj hau kev mus rau hauv qab thiab tshab xyuas kom tag nrho txhua yam. Yog hais tias lub pob "Kuv Lees Paub" tsis hloov mus ua tsos daj tom qab ntawd, ces sim qhov no nyob rau hauv koj lub koos pis tawj (computer):

Mus rau ntawm Zoom (Feem ntau mas nws keev nyob rau hauv cov kev teeb qhaj tus nplaus xawj (browser settings) hauv ces kaum sab xis saum toj kawg nkaus ntawm koj lub nab cos).
Nias "+" txhawm rau ua kom qhov lus sau loj tuaj thiab rov qab qhib lub nab cos (window) Cov Lus Siv & Cov Zwj Ceeb dua.

Kawm kom paub ntau ntxiv nyob hauv daim Medical Baseline vis dis aus

Play