Qhov Kev Pabcuam Energy Savings Assistance Program
Mus nrhiav kev pab kho vajtse kom tsis txhob siv roj thiab hluav taws xob ntau
Kho kom koj lub tsev tsis txhob siv tau roj thiab hluav taws xob ntau yuav txo tau koj cov nqi roj thiab hluav taws xob ntau. Tiamsis, tsis yog txhua txhua tus neeg yuav muaj nyiaj los kho. Vim li ntawd, peb thiaj li muaj qhov kev pabcuam Energy Savings Assistance Program. Qhov kev pabcuam no npaj muaj kev kho vajtse kom txhob siv hluav taws xob ntau dawb los rau cov neeg siv hluav taws xob uas tsim nyog siv tau txoj kev pab no.
Qhov Kev Pabcuam Energy Savings Assistance Program
Mus saib cov lus qhia tias yog zoo li cas
Cov neeg siv yuav tsum nyob hauv ib lub tsev kheej, ib lub tsev txawb lossis tsev kem uas ua tau tiav luv kawg los yog tsib xyoos lawm. Cov nyiaj tau yuav tsum muaj zoo li cov lus qhia nram qab no, uas yog zoo ib yam li cov siv rau qhov kev pabcuam CARE, California Alternative Rates for Energy Program.
| Muaj pes tsawg leej neeg nyob hauv yim neeg | Tag nrho yim neeg cov nyiaj tau los ua ntej txiav se tawm hauv ib xyoos * | |
|---|---|---|
|
1–2 |
$34,840 lossis tsawg dua |
|
|
3 |
$43,920 lossis tsawg dua |
|
|
4 |
$53,000 lossis tsawg dua |
|
|
5 |
$62,080 lossis tsawg dua |
|
|
6 |
$71,160 lossis tsawg dua |
|
|
7 |
$80,240 lossis tsawg dua |
|
|
8 |
$89,320 lossis tsawg dua |
|
|
9 |
$98,400 lossis tsawg dua |
|
|
10 |
$107,480 lossis tsawg dua |
|
|
Rau txhua ib tus neeg muaj ntxiv, muab ntxiv: |
$9,080 |
*Ua ntej txiav se tawm saib raws li cov nyiaj tau los tam sim no.
Siv tau mus txog Lub Tsib Hli, Tim 31, 2022.
Mus sau npe thov nyob hauv online
Daim ntawv teev npe thov nyob hauv online tsuas siv ob peb feeb los sau xwb. Yeej tsis tag muaj povthawj rau cov nyiaj tau los mus thov li thiab peb yuav tsis pub lwm tus neeg paub lossis pom koj cov lus teb.
Mus Thov Tam Sim No
Solicite ahora
申請
Mus teem ib lub sijhawm rau peb tuaj ntsuam xyuas koj lub tsev
Tom qab peb muab koj daim ntawv thov xyuas tag lawm, ib tus kws paub txog kev siv roj thiab hluav taws xob yuav hu tuaj rau koj tuaj teem ib lub sijhawm los mus ntsuam xyuas koj lub tsev saib yuav kho dabtsi. Thaum tuaj ntsuam xyuas koj lub tsev, tus kws paub kev siv roj thiab hluav taws xob yuav txiav txim tias saib koj lub tsev puas tsim nyog siv tau qhov kev pabcuam thiab yog tias tsim nyog no, saib cov khoom uas yuav kho yog cov twg. Nyob rau lub sijhawm no, koj los kuj yuav tsum tau npaj ntawv povthawj rau koj yim neeg cov nyiaj tau los xws li cov tw tshev (check stubs), nyiaj laus (social security), ntawv teev nyiaj cia hauv tsev cia nyiaj lossis lwm yam ntawv povthawj rau cov nyiaj tau los. Yuav tsis tag muaj ntawv povthawj rau cov nyiaj tau los yog tias koj yeej muaj ntaub ntawv qhia tias koj yeej tau txais ib yam ntawm cov kev pabcuam nram qab no:
- Qhov Kev Pabcuam Bureau of Indian Affairs General Assistance
- Qhov Kev Pabcuam CalFesh Benefits (lub npe yav tag los yog Supplemental Nutrition Assistance Program lossis SNAP thiab ib lub npe ntxiv hu ua Food Stamps)
- Qhov Kev Pabcuam Healthy Family Category A & B
- Qhov Kev Pabcuam Head Start Income Eligible (Neeg Qhab Xwb)
- Qhov Kev Pabcuam Low Income Home Energy Assistance Program (LIHEAP)
- Qhov Kev Pabcuam Medicaid/MediCal
- Qhov Kev Pabcuam National School Lunch Program (NSL)
- Qhov Kev Pabcuam Supplemental Security Income (SSI)
- Qhov Kev Pabcuam Temporary Assistance for Needy Families (TANF)
- Qhov Kev Pabcuam Women, Infant, and Children Program (WIC)
Yog koj xav nrog tus neeg paub txog cov kev pabcuams, thov hu 1-800-933-9555.
Cov lus nug neeg pheej nquag muaj
LEEJ TWG YUAV YOG COV NEEG TUAJ KHO KUV LUB TSEV?
- Qhov kev pabcuam Energy Savings Assistance Program cobqhia cov neeg kho vajtse (subcontractors), uas yog muaj cov Kws Paub Txog Kev Siv Roj thiab Hluav Taws Xob (Energy Specialists), Cov Kws Kho Vajtse Kom Lub Tsev Ceev Tau Cua Sov thiab Cua Txias Zoo (Weatherization Specialists) thiab Cov Kws Ntsuas Cov Khoom Siv Roj (Natural Gas Appliance Testing Technicians) uas yuav kho koj lub tsev.
- Peb Cov Koomhaum Dhia Dejnum Rau Qhov Kev Pabcuam, Nexant thiab Richart Heath & Associates (RHA) los kuj muaj cov neeg ua haujlwm sab nraum zoov uas caij tsheb nrog cov neeg kho vajtse los mus xyuas kom meej tias lawv yeej kho tau koj lub tsev zoo npaum li qhov peb xav kom kho.
- Tej zaum peb kuj yuav muaj cov kws kho cov khoom siv hauv tsev (appliances) los tshem lub tub txias thiab coj mus ua dua tshiab thiab muab ib lub tshiab los dhos rau.
- PG&E lub chaw Central Inspection Programs cov kws txheebxyuas thiab Cov Kws Kho Roj los kuj yuav tuaj muab cov khoom siv ntswj tso yog lossis tuaj txheebxyuas saib puas kho tau raws li qhov peb xav kom kho.
KUV YUAV UA LI CAS KUV THIAJ LI YUAV PAUB COV NEEG NO?
Qhov Kev Pabcuam Energy Savings Assistance Program cov neeg ua haujlwm kho vajtse (Kws Paub Txog Kev Siv Roj thiab Hluav Taws Xob thiab Cov Kws Kho Vajtse Kom Lub Tsev Ceev Tau Cua Sov Thiab Cua Txias Zoo) yuav hnav khaub ncaws xiav (blue) muaj ESA lub chim lagluam nyob rau ntawm lub hauv siab phab xis thiab cov neeg kho vajtse lub tuam txhab lub cim lagluam nyob rau ntawm lub hauv siab phab laug nrog cov lo lus, "Participating Contractor for Pacific Gas and Electricity Company."
Nexant thiab Richard Heath & Associates (RHA) cov neeg ua haujlwm sab nraum yuav hnav ib lub tsho txho uas muaj Energy Savings Assistance Program lub cim lagluam nyob rau ntawm lub hauv siab phab xis thiab Nexant lossis RHA lub cim lagluam nyob rau ntawm lub hauv siab phab laug nrog cov lo lus, "Participating Contractor for Pacific Gas and Electric Company."
Tag nrho cov neeg kho vajtse thiab Nexant thiab RHA cov neeg ua haujlwm sab nraum yeej muaj Energy Savings Assistance Program ib daim npav muaj lawv daim duab thiab npe, lub tuam txhab lub npe, tus ID nabnpawb thiab hnub uas daim npav yuav tag sijhawm.
Lub chaw Central Inspection Program cov neeg txheebxyuas yuav hnav cov tsho xiav (blue) ua muaj PG&E lub cim lagluam thiab muaj ib daim PG&E ID.
PG&E Cov Neeg Kho Roj (Gas Service Representatives) yuav hnav PG&E cov khaub ncaws thiab muaj ib daim PG&E ID.
Yog koj tsis ntseeg tias ib tus neeg kho vajtse yog leej twg tiag, thov hu 1-800-933-9555. Yog koj tsis ntseeg tias PG&E ib tus neeg ua haujlwm yog leej twg tiag, thov hu PG&E at 1-800-PGE-5000 (1-800-743-5000).
KUV PUAS TAU NYIAJ ROV QAB YOG KUV KHO KUV?
Tsis tau. Cov neeg kho vajtse uas tau txais kev cobqhia los ua haujlwm rau qhov kev pabcuam Energy Savings Assistance Program yuav tsum yog cov neeg los kho.
Energy Savings Assistance Program Customer Journey
Audio description and transcript also available for this video.
Access an audio descriptive version
Download a transcript (PDF, 106 KB)
Easy ways to save this summer
There are several energy and money saving tools that you can take advantage of to reduce your use and save money without sacrificing your family's comfort.
Mus Nrhiav Ib Tus Kws Kho Vajtse
Siv koj tus ZIP code los mus nrhiav Energy Savings Assistance Program ib tus kws kho vajtse nyob hauv thaj tsam koj nyob.
Cov kev xam nqi uas muab hloov hauv xyoo 2015-2019
Qhov kev xam nqi roj thiab hluav taws xob rau cov pejxeem hauv xeev California tab tom hloov zujzus lawm.
Cov kev kho vajtse uas yuav pab tau
Cov kev kho vajtse los ntawm qhov kev pabcuam Energy Savings Assistance Program yuav muaj hloov koj lub tub txias, kho lossis hloov koj lub qhov cub lossis taub dej kub* thiab ntsaws cov rwb rau ntawm cov phab ntsa kom tsev sov, kho kom ceev tau cua sov thiab cua txias zoo, hloov cov teeb mus rau cov tsis siv hluav taws xob ntau, muab tej qhov tsev luam, muab cov pob da dej hloov rau cov dej tsis los hlob thiab ntau yam ntxiv.
*Tej zaum peb yuav muab lub qhov cub thiab lub taub dej kub hloov rau cov tswv tsev uas tsim nyog siv tau qhov kev pabcaum yog PG&E txiav txim tias lub qhov cub thiab lub taub dej kub uas siv roj siv tsis tau lawm lossis siv tsis muaj kev nyabxeeb lawm.