Ntaub ntawv hais ua lwm yam lus uas tsis yog lus Askiv hais txog PSPS
Yog koj yam lus tsis nyob ntawm cov lus xaiv saum no, hu 1-833-208-4167 mus nrhiav kev pab txhais lus rau 250 lwm yam lus.
Mus nrhiav cov ntaub ntawv txog PSPS hais ua yam lus uas koj xav kom peb siv
Peb xav kom txhua tus neeg siv roj thiab hluav taws xob muaj cov ntaub ntawv uas lawv yuav tsum muaj los ua kom lawv paub txhua yam thaum ua ntej, thaum tab tom thiab thaum tom qab muaj ib qho Kev Kaw Hluav Taws Xob Rau Pejxeem Txoj Kev Nyabxeeb (PSPS). Mus nug kom paub mus nrhiav cov ntaub ntawv txog PSPS hais ua yam lus uas koj xav kom peb siv.
Cov lus tshaj tawm tshiab txog PSPS nyob ntawm peb lub vassab (website) rau lus ceebtoom
Thaum twg peb muab ib qho PSPS tshaj tawm tag lawm, peb phab ntawv vassab (web page) uas peb muaj lus tshaj tawm tshiab yuav rov rub phab ntawv tawm los dua tshiab tsis tseg (refresh) los mus ua kom koj paub txhua yam lus tshiab uas peb muaj. Koj yuav pom cov sijhawm uas peb kwv yees tias peb yuav muab hluav taws xob kaw thiab yuav rov qab qhib hluav taws xob rau koj qhov chaw nyob thiab pom cov duab qhia cov thaj chaw (maps) uas hluav taws xob raug kaw. Thiab koj los kuj yuav pom cov chaw nyob ntawm cov chaw Community Resource Centers nyob rau ntawm cov thaj chaw uas muaj PSPS, txhua lub chaw yuav muaj cov chav dej thiab chaw ntxuav tes uas cov neeg xiam oob qhab yuav siv tau, muaj Wi-Fi, muaj chaw ntxiv roj rau tej khoom siv thiab lwm yam kev pab.
PSPS lub vassab rau lus ceebtoom yeej muaj hais ua cov lus ntawm no: Lus Askiv, Lus Arabic, Lus Suav, Lus Farsi, Lus Hmoob, Lus Nyijpoom, Lus Qhabmeem, Lus Kauslim, Lus Punjabi, Lus Lavxia, Lus Mev, Lus Fislispeej thiab Lus Nyablaj.
Mus saib lub vassab uas hais ua yam lus koj xav kom peb siv
Mus saib nyob hauv computer
Nyob saum kawg ntawm txhua phab ntawv hauv peb lub vassab rau lus ceebtoom, xaiv yam lus koj xav kom peb siv nyob ntawm phab ntawv tawm los thaum koj nias saum kawg nyob rau sab xis ntawm phab ntawv.
Mus saib nyob hauv cov khoom siv tuav tau ntawm tes
1. Xai qhov hu ua menu
2. Xaiv yam lus koj xav kom peb siv nyob ntawm phab ntawv uas tawm los thaum koj nias saum kawg ntawm phab xis.
Yog xav tau kev pab rau 250 lwm yam lus, hu 1-833-208-4167.
Yog tias koj yog ib tus neeg muaj npe nyob hauv tus askhauj thiab peb xav tias ib qho kev kaw hluav taws xob PSPS yuav muaj kev cuam tshuam rau koj qhov chaw nyob, peb yuav siv tshuab los hu xovtooj, xa ua ntaub ntawv hauv xovtooj thiab email tuaj ceebtoom rau koj paub pib li ntawm 2 hnub ua ntej hnub kaw (yog tias ua tau) thiab txhua hnub tom qab ntawd mus txog thaum peb rov qab qhib hluav taws xob tag rau cov chaw nyob lawm. Sau npe nkag mus muab koj tus xovtooj thiab email hloov rau tus koj niaj hnub siv.
Txais PSPS cov lus tshaj tawm rau neeg paub hais ua yam lus uas koj xav kom peb siv
Lus Suav Cantonese, Lus Suav Mandarin, Lus Kauslim, Lus Lavxia, Lus Mev, Lus Fislispeej lossis Lus Nyablaj: Mus xaiv ib yam lus ntawm cov lus no los ua yam lus koj xav kom peb siv nyob hauv ntu ntawv Profile nyob ntawm qhov kev teev koj tus askhauj. Peb yuav xa cov lus tshaj tawm rau neeg paub hais ua yam lus koj xaiv.
Lus Hmoob: Koj yuav mus xaiv ib yam lus ntawm no los ua yam lus koj xav kom peb siv nyob hauv ntu ntawv Profile nyob ntawm qhov kev teev koj tus askhauj. Tiamsis, cov lus tshaj tawm rau neeg paub yuav tsis muaj hais ua lus Hmoob mus txog thaum 2021. Tam sim no mus txog thaum ntawd, koj yuav tau txais cov lus tshaj tawm txog PSPS hais ua lus Askiv. Ua raws li cov kauj ruam hauv qab no los mus thov kev pab hais uas koj yam lus.
Lus Arabic, Lus Farsi, Lus Khej, Lus Nyijpoom, Lus Qhabmeem, Lus Portuguese, Lus Punjabi lossis Lus Thaib: Txoj kev teev yam lus koj xav kom peb siv rau cov lus ntawm no nyob hauv ntu ntawv Profile ntawm koj tus askhauj yuav tsis muaj rau koj xaiv mus txog thaum 2021. Tam sim no mus txog thaum ntawd, koj yuav tau txais cov lus tshaj tawm txog PSPS hais ua lus Askiv. Ua raws li cov kauj ruam hauv qab no los mus thov kev pab hais uas koj yam lus.
Sau npe nkag mus muab yam lus koj xav kom peb siv hloov (lus Askiv xwb)..
Lossis, hu 1-866-743-6589 mus hais kom ib tus neeg pab neeg siv hluav taws xob los mus muab yam lus koj xav kom peb siv teev tseg rau hauv koj tus askhauj.
Koj yuav ua li cas yog thaum twg koj tau txais ib co lus tshaj tawm rau neeg paub txog PSPS hais ua lus Askiv
Yog koj tau txais ib co lus ceebtoom ntaus ua ntawv xa hauv xovtoj, ib tsab xovtooj lossis email txog PSPS hais ua lus Askiv, nws yeej muaj ib txoj kev los mus ua koj muab tau cov ntaub ntawv hais ua lwm yam lus. Yog xav paub tias yuav ua li cas, cia li ua raws nraim li cov kauj ruam rau yam lus tshaj tawm rau neeg paub uas koj tau txais:
HU HAUV XOVTOOJ
Lus ceebtoom txog PSPS uas txais tau hauv ib tsab xovtooj
Siv tau rau cov lus ntawm no: Lus Arabic, Lus Suav, Lus Farsi, Lus Hmoob, Lus Nyijpoom, Lus Qhabmeem, Lus Kauslim, Lus Punjabi, Lus Lavxia, Lus Mev, Lus Fislispeej thiab Lus Nyablaj.
Thaum koj teb xovtooj, ua raws nraim li cov kauj raum ntawm no:
- Tos kom hnov tus najnpawb los xaiv koj yam lus. Muab tus najnpawb ntawd ntaus rau.
- Koj yuav hnov txhua yam tseemceeb txog qhov PSPS hais ua koj yam lus lossis koj yuav hnov ib co lus qhia dav dav ua ntej peb yuav muab koj xa mus rau ib tus neeg pab cov neeg siv hluav taws xob uas yuav qhia tau koj ntau ntxiv los ntawm ib kws txhais lus.
Rau cov neeg hais Lus Thaib, Lus Khej lossis Lus Portuguese, tos txog thaum koj hnov hais tias "rau lwm yam lus, nias lub cim hnub qub." Ces nia lub cim "*" los mus tham nrog ib tus neeg uas yuav nrhiav tau ib tus kws txhais lus los pab koj.
Tswvyim Pab: Paub lo lus Askiv rau koj yam lus sub koj thiaj li yuav qhia tau rau Lub Chaw Pab Neeg Siv Hluav Taws Xob, yog tias lawv tsis paub. Cov vassab zoo li translate.google.com yuav pab koj nrhiav tau lo lus Askiv rau koj yam lus.
Lus ceebtoom txog PSPS uas txais tau ua suab lus kaw
Siv tau rau cov lus ntawm no: Lus Arabic, Lus Suav, Lus Farsi, Lus Hmoob, Lus Nyijpoom, Lus Qhabmeem, Lus Kauslim, Lus Punjabi, Lus Lavxia, Lus Mev, Lus Fislispeej thiab Lus Nyablaj.
Thaum koj txais tau ib tsab xov kaw ua suab lus, ua raws nraim li cov kauj nruam ntawm no:
- Hu tus xovtooj 800 uas muab hais rau thaum pib tsab xov.
- Tos kom hnov tus najnpawb los xaiv koj yam lus. Muab tus najnpawb ntawd ntaus rau.
- Koj yuav hnov ib co lus qhia dav dav txog qhov uas muaj tshwmsim hais ua koj yam lus thiab qhia ib qho rau koj xaiv los mus muab koj xa mus rau ib tus neeg pab neeg siv hluav taws xob. Yog koj xaiv qhov ntawd, peb yuav muaj lus qhia koj ntau ntxiv los ntawm ib tus kws txhais lus.
Rau cov neeg hais Lus Thaib, Lus Khej lossis Lus Portuguese, tos txog thaum koj hnov hais tias "rau lwm yam lus, nias lub cim hnub qub." Ces nia lub cim "*" los mus tham nrog ib tus neeg uas yuav nrhiav tau ib tus kws txhais lus los pab koj.
Tswvyim Pab: Paub lo lus Askiv rau koj yam lus sub koj thiaj li yuav qhia tau rau Lub Chaw Pab Neeg Siv Hluav Taws Xob, yog tias lawv tsis paub. Cov vassab zoo li translate.google.com yuav pab koj nrhiav tau lo lus Askiv rau koj yam lus.
TSAB XOV NTAUS UA NTAWV XA HAUV XOVTOOJ
Lus ceebtoom txog PSPS uas txais tau ua ntaub ntawv hauv xovtooj
Siv tau rau cov lus ntawm no: Lus Arabic, Lus Suav, Lus Farsi, Lus Hmoob, Lus Nyijpoom, Lus Qhabmeem, Lus Kauslim, Lus Punjabi, Lus Lavxia, Lus Mev, Lus Fislispeej thiab Lus Nyablaj.
1. Nias qhov chaw txuas mus (link) nyob hauv tsab xov xa ua ntaub ntawv hauv xovtooj tuaj.
2. Koj yuav nkag mus rau hauv PG&E lub vassab rau lus ceebtoom, uas koj yuav xaiv tau yam lus koj xav kom peb siv nyob ntawm qhov hu ua menu.
LUS TSHAJ TAWM RAU NEEG PAUB XA HAUV EMAIL
Lus ceebtoom txog PSPS uas txais tau hauv email
Siv tau rau cov lus ntawm no: Lus Arabic, Lus Suav, Lus Farsi, Lus Hmoob, Lus Nyijpoom, Lus Qhabmeem, Lus Kauslim, Lus Punjabi, Lus Lavxia, Lus Mev, Lus Fislispeej thiab Lus Nyablaj.
1. Nias qhov chaw txuas mus (link) rau koj yam lus nyob saum kawg ntawm tsab email.
2. Koj yuav nkag mus rau hauv PG&E lub vassab rau lus ceebtoom, uas koj yuav xaiv tau yam lus koj xav kom peb siv nyob ntawm qhov hu ua menu yog tias yuav tau xaiv.
PSPS Chaw Nyob Lus Ceebtoom Rau Cov Neeg Uas Tsis Muaj Npe Nyob Hauv Ib Tus PG&E Askhauj (Account)
Tau txais ib tsab xov tooj hu tuaj ntawm PG&E yog tau tua hluav taws xob vim tej zaum yuav pab tiv thaiv hluav taws kub hav zoov.
MUS KAWM NTXIV TAM SIM NO
Additional PSPS resources
COV NTAWV TEEV LUS TSEEB TXOG PSPS
Peb muaj cov ntawv teev lus tseeb txog PSPS txhais ua cov lus uas muaj neeg coob hais nyob rau ntawm cov thaj chaw peb muaj neeg siv hluav taws xob rau neeg mus rub lossis luam coj los saib.
COV NTAUB NTAWV QHIA TXOG PSPS HAIS UA COV LUS UAS TSIS YOG LUS ASKIV RAU COV TSWV TSEV/NEEG SAIBXYUAS TSEV XAUJ
Mus rub thiab muab cov ntawv teev lus tseeb hauv qab no faib rau cov pejxeem thiab neeg xauj tsev uas yuav tsum tau ntaub ntawv hais ib yam lus ntawm cov lus nyob hauv qab no: