Ua kom npaj tau rau ib qho PSPS

Npaj kom txhij rau ib qho Public Safety Power Shutoff

Peb nkag siab tias kev tsis muaj hluav taws xob siv nws cuam tshuam txog kev ua neej nyob, yog li ntawd peb thia’j li tau tsim cov lus taw qhia txog kev npaj nod los mus pab muab kev pab txhawb nqa rau sawv daws.

Choose View

npaj rau lub hwj chim kaw
Npaj rau lub caij muaj hav zoov kub hnyiab

Txog rau txoj kev nyab xeeb ntawm peb cov qhua siv hluav taws xob thiab cov cheeb tsam zej zos, cov Public Safety Power Shutoff yuav yog qhov cuab yeej uas tsim nyog siv txuas ntxiv mus tam li yog ib qho chaw ncig ua si zaum kawg txhawm rau tiv thaiv kom tsis txhob muaj cov hluav taws kub hav zoov. Siv cov lus taw qhia nram qab no los mus pab koj npaj thiab nyob kom nyab xeeb thaum lub sij hawm muaj ib qho kev tua hluav taws xob.

Khoom noj

Tsim ua koj li dej khov (dej nkoog) ua ntej yuav txog lub sij hawm ntawd. Muab cov taub ntim dej khov (dej nkoog) los mus tsau cov khoom noj kom txias zias nyob rau lub sij hawm tua hluav taws xob.
Ua ntej qhov kev tua hluav taws xob yuav pib, teeb koj lub tub txias thiab lub tub dej khov (dej nkoog) mus rau theem uas txais tshaj plaws mus kom txog ntua rau thaum rov qab qhib siv tau hluav taws xob li qub lawm.
Tso ciaj ciam txwv kev qhib lub tub txias thiab lub tub dej khov (dej nkoog) cov qhov rooj. Thaum tua hluav taws xob lawm, muaj peev xwm tswj tau cov khoom noj kom txias tau ntev txog li 4 teev (xuab moos) nyob rau hauv cov tub txias thiab tau ntev txog 48 teev (xuab moos) rau hauv cov tub dej khov (dej nkoog).
Siv cov tshuab txias los mus tswj khoom noj kom txias zias nyob rau lub sij hawm tua hluav taws xob.
Tswj cov khoom noj uas muaj peev xwm sawv ntsug tau yam nyab xeeb lug rau ntawm chav rau khoom noj haus yam tsawg kawg ib xyoos thiab tsis tas yuav tsum tau muab ua kom siav los sis ua kom khov txhawm rau kom thiaj li noj tau yam nyab xeeb lug.

Khoom technology

Npaj ib tus yaum sij pab txhawb los mus hloov pauv cov yaum sij thiab cov xauv khoom uas siv hluav taws xob uas yuav tsum siv hluav taws xob mas thiaj li ua tau hauj lwm.
Tua los sis rho cov twj siv los sis qhov cuab yeej uas siv hluav taws xob, xws li cov this vis (televisions, TVs) thiab cov koos pis tawj (computers), uas tuaj yeem muaj tau txim taws los sis nce siab yam ceev heev thaum rov qab qhib hluav taws xob tuaj.
Yuav ib lub xovtooj cua uas siv roj teeb lossis siv tes ntswj.
Mus rub lossis luam cov ntaub ntawv uas tej zaum koj yuav tau siv.
Nrhiav cov chaw uas muaj Wi-Fi siv dawb nyob rau hauv cov cheeb tsam ze rau ntawm koj.
Npaj cov roj teeb uas yuav siv tau los ntxiv roj rau cov khoom siv ntawm tes thiab laptop.
Ntxiv roj ua ntej rau cov xovtooj ntawm tes thiab cov roj teeb npaj los ntxiv roj.
Npaj cov roj teeb uas haum rau cov khoom koj yuav tau siv kom ntau

Hauv Tsev

Mus yuav cov teeb LED uas siv roj teeb lossis cov teeb uas siv lub hnub los npaj tseg cia tau siv
Npaj cov khoom uas cov ntsiaj yug los saib yuav tau siv.
Npaj nyiaj ntsuab tseg cia tau siv thiab sam roj kom puv rau cov tsheb. Tej zaum cov tshuab rho nyiaj ATMs thiab cov chaw sam roj yuav tsis qhib thaum tsis muaj hluav taws xob lawm.
Qhib ib lub teeb tseg los mus qhia kom koj paub yog thaum twg rov qab muaj hluav taws xob lawm.
Khaws cov teeb tsom kom nyob ze.
Xyaum siv tes qhib lub qhov rooj ntawm chav nres tsheb.
Xyuas kom paub tseeb hais tias koj lub tsheb noj hluav taws xob lub roj (battery) xaj puv npo lawm. Nrhiav cov chaw xaj hluav taws xob.

Kev nyabxeeb

Nrhiav ib lub chaw nyob sab nraum zoov los mus siv cov tshuab tsim hluav taws xob, cov qhov cub mus pw hav zoov thiab cov qhov cub ci nqaij uas siv thee.
Muab cov xovtooj hu mus nrhiav kev pab thaum muaj xwmceev sau rau ntawm ib qhov chaw uas yuav nrhiav tau yoojyim.
Mus nug cov neeg nyob ze koj saib lawv puas muaj teebmeem dabtsi.
Xyuas kom meej tias cov khoom tsim hluav taws xob los siv thaum tsis muaj hluav taws xob lawm (backup power) thiab cov tshuab tsim hluav taws xob yeej ua haujlwm zoo tsis muaj teebmeem dabtsi. Yog xav paub ntxiv, mus xyuas ntawm peb phab ntawv vassab (web page) rau cov hluav taws xob npaj los siv thaum tsis muaj hluav taws xob lawm (backup power page).

Kev Noj Qab Nyob Zoo

Npaj cov khoom tu tej qhov uas raug tsis loj kom ntau.
Npaj cov tshuaj uas muaj ntawv siv thiab cov uas tsis tas muaj ntawv siv kom ntau.
Npaj tias yuav ua li cas rau cov tshuaj uas yuav tsum tau muab cia rau hauv cov tub txias.
Ntxiv roj kom puv rau cov khoom khomob.
Yog xav paub ntxiv, cov neeg siv roj thiab hluav taws xob uas yuav tsum tau muaj kev pab vim muaj mob, thov mus xyuas peb phab ntawv vassab (web page) rau qhov kev pabcuam Medical Baseline.
Cov chaw uas nkag mus saib tau, fab nyiag txiag, lus thiab xav tau kev pab thaum laus

Cov chaw muab kev pab cuam ntau ntxiv:

Txhawm rau nrhiav cov lus qhia paub txog cov kev ceeb toom txog kev tua hluav taws xob rau cov neeg uas muaj as khauj thiab cov neeg uas tsis muaj as khauj tib si, mus saib Public Safety Power Shutoff cov ntaub ntawv qhia txog kev hloov pauv tshiab thiab cov kev ceeb toom.
Txhawm rau nrhiav cov chaw muab kev pab uas muaj nyob rau hauv koj cheeb tsam thaum lub sij hawm muaj ib qho Public Safety Power Shutoff, mus saib tau rau ntawm peb lub chaw Community Resource Centers nplooj vas sab.
Rau cov hau kev ntau ntxiv los mus npaj, mus saib Safety Action Center los sis rub peb cov phau ntawv qhia txog kev npaj tawm los: Ntsig Txog Chaw Nyob (PDF, 895 KB), Tsis Ntsig Txog Chaw Nyob/Cov Tswv Av (Vaj Tsev) Uas Siv Lub Twj Ntsuas-Mav Xab Tawj (PDF, 894 KB).
Siv peb daim duab qhia chaw (map) nyob hauv online uas muaj feem sib cuam tshuam sib tham los mus kawm paub txog qhov chaw uas tej zaum ntxim li yuav muaj ib qho Public Safety Power Shutoff tshwm sim thiab saib txog cov txheej xwm uas tshwm sim yav dhau los nyob rau hauv koj cheeb tsam. Mus saib tau rau ntawm Daim Duab Qhia Chaw (Map) Txog Kev Tso Phiaj Xwm Kev Npaj Rau Public Safety Power Shutoff.

Siv cov ntaub ntawv lossis kev pab nram qab no los npaj rau lub caij muaj hav zoov kub hnyiab.

Los mus npaj tias yuav ua li cas thaum muaj xwmceev, mus xyuas ntawm phab ntawv vassab (web page) qhia txog kev npaj rau thaum muaj xwmceev.
Los mus npaj ib pob khoom coj los siv rau thaum muaj xwmceev, mus xyuas ntawm peb phab ntawv vassab (web page) qhia txog kev npaj ib pob khoom coj los siv rau thaum muaj xwmceev.
Los mus kawm txog cov hluav taws xob npaj los siv thaum tsis muaj hluav taws xob lawm thiab saib nws puas yog ib yam zoo rau koj, mus xyuas ntawm peb phab ntawv vassab (web page) qhia txog cov hluav taws xob npaj los siv thaum tsis muaj hluav taws xob lawm.
Los mus kawm ntxiv txog kev nyabxeeb thaum muaj hav zoov kub hnyiab thiab mus koom ib qho kev qhia nyob saum huabcua (webinar), mus xyuas ntawm peb phab ntawv vassab (web page) rau cov kev qhia nyob saum huabcua hais txog kev nyabxeeb thaum muaj hav zoov kub hnyiab.
Txhawm rau kawm paub txog kev yuav cog xyoob ntoo nroj tsuag tau li cas kom thiaj li zam dhau cov xaim hluav taws xob yam nyab xeeb lug, mus saib tau rau ntawm peb nplooj vas sab qhia txog tej xyoob ntoo nroj tsuag uas tsob ntoo yog cog rau hauv qhov chaw yog lawm.
Yog xav tau tswvyim ntxiv los npaj, thov mus xyuas ntawm, Lub Chaw Nqis Tes Pab Rau Kev Nyabxeeb (Safety Action Center).
Txhawm rau kawm paub txog cov hau kev los mus pov thaiv koj lub vaj tsev, mus saib peb cov yeeb yaj duab ib qho dhau rau ib qho, 7 hnub Saturday mus rau ntawm ib Lub Vaj Tsev Uas Kam Yeej Hluav Taws Kub Hnyiab Ntau Ntxiv.

Cov chaw muab kev pab rau cov cheeb tsam muaj hluav taws kub hnyiab txaus ntshai heev

Koj li kev nyab xeeb yog peb tes hauj lwm yuav tsum tau ua uas tseem ceeb tshaj plaws. Yog hais tias koj lub tsev nyob rau hauv ib qho chaw uas muaj hluav taws kub hnyiab siab, cov chaw muab kev pab nyob rau nram qab no muaj peev xwm pab tau koj npaj rau ib qho zwj ceeb yam xav tsis txog.

Tshawb nrhiav kom pom txog koj lub tsev qhov kev pheej hmoo txog ntawm kev hluav taws kub hav zoov

Npaj rau ib qho kev tshem tawm