Kev ua kom cov kev kaw hluav taws xob PSPS tsis txhob txiav hluav taws xob mus rau ntau lub tsev lossis lagluam

Txhawm rau txhim kho PSPS, peb tab tom mloog peb cov neeg siv hluav taws xob thiab tab tom teb cov lus pab tswv yim uas yog muab cov lus qhia paub thiab cov chaw muab kev pab cuam uas zoo dua qub ntau ntxiv rau lawv ua ntej, nyob rau lub sij hawm ntawd thiab tom qab ib qho xwm txheej PSPS.

Cov chaw muab kev pab cuam rau cov neeg siv hluav taws xob muaj xam nrog rau:

• Kev nthuav dav ntau ntxiv rau cov neeg siv hluav taws xob ntawm feem Medical Baseline
• Cov roj (batteris) uas nqa mus los tau
• Cov kev nyob tsev tos qhua loj
• Kev pab txhawb nqa ntsig txog kev siv tsheb thauj xa neeg mus los
• Cov kev ceeb toom txog kev tua hluav taws xob uas siv rau cov neeg us tsis yog tus tswv ntawm tus as khauj
• Cov nyiaj tau txais rov qab los ntawm kev siv hluav taws xob faj seeb ntau yam
• Cov ntaub ntawv qhia paub txog xwm txheej kub ntxhov ceev sau ua 16 hom lus
• Kev nthuav dav ntsig txog xwm txheej kub ntxhov ceev uas sau ua ntau hom lus
• Kev hloov pauv khoom noj

Peb yuav ua kev hloov thiab txhim kho ib qho zuj zus txuas ntxiv mus txhawm rau pab tswj xyuas kom peb cov neeg siv hluav taws xob nyab xeeb thiab pab txo kom tsis txhob muaj cov kev tshwm sim tsis zoo los ntawm PSPS. Tsis muaj tib txoj hau kev los daws qhov xwm txheej txhawm rau txo cov kev pheej hmoo txog ntawm cov hluav taws kub hav zoov. Vim li ntawd es peb thiaj li:

• Txhim kho kab sib rig hluav taws xob txuas ntxiv mus uas yog ua kom cov xov hluav taws xob ruaj khov txhawm rau txo kom tsis txhob muaj cov kev pheej hmoo ntsig txog hluav taws kub hav zoov
• Nruab cov cuab yeej siv rau tej suam chaw txhawm rau ua kom tsis txhob muaj chaw siv PSPS ntau es thiaj li tsis muaj cov neeg siv hluav taws xob uas tsis muaj hluav taws xob siv ntawd coob
• Sim siv cov thev naus laus zis (technologies) tshiab uas tshawb (txhom) tau cov kev hem thawj txog ntawm qhov kab sib rig hluav taws xob thiab thiaj li txo tau los sis tua tau hluav taws xob sai, yog li ntawd thiaj li yuav tsum tau txo qhov kev xav tau txog rau ntawm PSPS kom tsis txhob muaj ntau heev
• Nruab cov microgrids uas siv cov tshuab hluav taws xob txhawm rau tswj xyuas hluav taws xob nyob rau lub sij hawm muaj PSPS

• Txuas cov tshuab ntsuas huabcua kom kwv yees tau huabcua zoo tshaj qub rau cov kev kaw hluav taws xob PSPS
• Txuas cov koob yees duab uas yees tau cov duab pom tseeb (high-definition cameras) los mus qhia cov hav zoov kub hnyiab uas txim yuav muaj
• Soj ntsuam qhov kev ntxim yuav muaj hav zoov kub hnyiab raws li qhov pom muaj tam sim