Mus kawm txog Kev Kaw Hluav Taws Xob Rau Pejxeem Txoj Kev Nyabxeeb (PSPS)
Lus Qhia Dav Txog PSPS
Ib qho Kev Kaw Hluav Taws Xob Rau Pejxeem Txoj Kev Nyabxeeb, thiab kuj muaj npe hu ua ib qho PSPS, yog muaj los tiv thaiv kom tsis txhob muaj hav zoov kub hnyiab thaum muaj huabcua phem. Peb muab hluav taws xob kaw los pab tiv thaiv kom tsis txhob muaj hav zoov kub hnyiab thiab los ceev kom cov zejzos muaj kev nyabxeeb. Nws muaj ntau ntau yam uas peb yuav tau muab coj los xav thaum peb yuav txiav txim los mus muab hluav taws xob kaw thiab peb yeej muab qho no saib tias yog ib yam tseemceeb heev li.
Txawm tias koj yeej tsis nyob lossis ua haujlwm nyob rau ntawm ib thaj chaw uas ntxim yuav muaj hluav taws kub hnyiab, lossis muaj cua hlob los, tej zaum koj cov hluav taws xob yeej tseem yuav raug kaw yog tias txoj xov xa hluav taws xob los rau koj lub tsev lossis lub lagluam yeej yog ib txoj uas cab txiav dhau ntawm ib thaj chaw uas muaj huabcua phem. Cov xov uas xa hluav taws xob mus rau cov tsev nyob rau ib thaj chaw yeej tsis yog tib co xov txhua zaug; yog le ntawd, tej zaum koj yuav muaj hluav taws xob, tiamsis tus neeg nyob sab ntug kev sab tim ho tsis muaj hluav taws xob.
Mus saib daim vis dis aus qhia txog lub ntsiab ntawm Txoj Kev Tua Hluav Taws Xob Txhawm Rau Kev Nyab Xeeb Ntawm Zej Tsoom (PSPS)
Nkag mus rau qho kev piav qhia ua lub suab
Rub tawm daim ntawv piav qhia (PDF, 81 KB)
PSPS timeline: what to expect
When we need to temporarily turn off power for safety, you can expect the following:
Kwv Yees Tias Yuav Muaj Huabcua Phem
Thaum Twg: Ntev txog li ib limpiam ua ntej
Yog Dabtsi: Peb cov kws paub huabcua kwv yees tias ntxim yuav muaj huabcua phem.
Lus Tshaj Tawm Kom Neeg Paub Txog Ib Qho Kev Soj Ntsuam Xyuas Kev Kaw Hluav Taws Xob PSPS (ntxim yuav muaj kev kaw hluav taws xob)
Thaum Twg: Ob hnub ua ntej, ib hnub ua ntej (yog ua tau)
Yog Dabtsi: Peb yuav hais rau koj paub yog tias koj nyob rau ntawm ib thaj chaw uas tej zaum ib qho PSPS yuav txiav hluav taws xob mus rau. Peb yuav qhia lub sijhawm uas peb kwv yees tias peb yuav pib kaw hluav taws xob thiab lub sijhawm uas peb kwv yees tias peb yuav rov qab qhib hluav taws xob.
Lus Tshaj Tawm Kom Neeg Paub Txog Ib Qho Kev Ceebtoom Txog Kev Kaw Hluav Taws Xob PSPS (yuav tau kaw hluav taws xob)
Thaum Twg: Ntau ntau teev ua ntej
Yog Dabtsi: Peb yuav hais rau koj paub yog tias koj nyob rau ntawm ib thaj chaw uas ib qho PSPS yuav txiav hluav taws xob mus rau. Peb yuav qhia lub sijhawm uas peb kwv yees tias peb yuav pib kaw hluav taws xob thiab lub sijhawm uas peb kwv yees tias peb yuav rov qab qhib hluav taws xob.
Kev Kaw Hluav Taws Xob
Thaum Twg: Thaum muaj huabcua phem
Yog Dabtsi: Peb muab hluav taws xob kaw nyob ntawm cov thaj chaw uas muaj huabcua phem los mus tiv thaiv kom tsis txhob muaj hav zoov kub hnyiab.
Lus Tshaj Tawm Tshiab thiab Kev Txheebxyuas
Thaum Twg: Huabcua zoo ntau lawm thiab peb twb pib mus txheebxyuas thiab pib rov qab qhib hluav taws xob lawm
Yog Dabtsi: Peb cov neeg ua haujlwm twb mus txheebxyuas cov xov hluav taws xob saib puas muaj teebmeem dabtsi los mus qhib hluav taws xob kom sai li sai tau thiab kom muaj kev nyabxeeb mus rau cov zejzos uas lawv cov hluav taws xob raug kaw. Peb yeej hais rau koj paub txhua hnub hauv cov lus tshaj tawm, hauv social media, hauv cov chaw tshaj xovxwm, hauv xovtooj cua thiab hauv peb lub vassab (website) hais txog lub sijhawm peb kwv yees tias peb yuav rov qab qhib hluav taws xob.
Twb Rov Qab Qhib Hluav Taws Xob Tom Qab Muaj Ib Qhov PSPS Lawm
Thaum Twg: Rov qab qhib hluav taws xob rau cov neeg siv hluav taws xob tsis pub dhau 12 teev thaum nruab hnub tom qab qhov huabcua phem mus dhau lawm.
Yog Dabtsi: Peb twb rov qab qhib hluav taws xob mus rau cov zejzos uas lawv cov hluav taws xob raug kaw tag lawm.
Learn more about PSPS events
Like the weather, Public Safety Power Shutoffs can be unpredictable and complex. The following resources can help you understand and prepare.
Lus tshaj tawm tshiab thiab lus ceebtoom txog PSPS
Mus nrhiav saib qhov kev kaw hluav taws xob PSPS tam sim no zoo li cas lawm, mus tso npe txais cov lus ceebtoom txog PSPS thiab mus kawm qhov tias saib PG&E yuav hais li cas thiab hais thaum twg rau koj paub thaum muaj ib qho kev kaw hluav taws xob PSPS.
Npaj rau ib qho PSPS
Mus kawm kom paub tias yuav npaj rau ib qho PSPS uas yuav muaj tom ntej yog npaj li cas thiab kom paub cov tswvyim los mus ua kom muaj kev nyabxeeb yog tias koj cov hluav taws xob raug kaw.
Vim li cas thiaj li muaj kev kaw hluav taws xob PSPS
Mus kawm kom paub tias peb siv dabtsi los pab peb txiav txim tias peb yuav tsum tau muab ib qho kev kaw hluav taws xob PSPS coj los tshaj tawm thiab mus nrhiav cov txujci (tools) rau huabcua uas qhia tias saib puas yuav muaj ib qho PSPS nyob rau ntawm thaj chaw koj nyob.
Kev ua kom cov kev kaw hluav taws xob PSPS tsis txhob txiav hluav taws xob mus rau ntau lub tsev lossis lagluam
Mus kawm kom paub tias peb tab tom ua dabtsi los ua kom ib qho PSPS tsis txhob txiav hluav taws xob mus rau ntau lub tsev lossis lagluam.
Kev pab rau PSPS
Mus nrhiav cov kev pab suav nrog rau cov chaw ntxiv roj rau cov khoom siv, dej khov (ice) ntim hnab thiab Wi-Fi los siv thaum muaj ib qho PSPS.
Ntaub ntawv lossis kev pab uas muaj ntxiv
- Yog xav paub tias yuav muaj dabtsi tshwmsim thaum muaj ib qho PSPS, thov mus rub, Lus Tswjhwm Kev Kaw Hluav Taws Xob Rau Pejxeem Txoj Kev Nyabxeeb thiab Cov Kev Npaj Los Dhia Dejnum (Public Safety Power Shutoff Policies and Procedures) (PDF, 4.6 MB).
- Yog xav tau tswvyim los npaj kom muaj kev nyabxeeb thaum muaj ib qho PSPS, thov mus rub, Npaj Rau Kev Tsis Muaj Hluav Taws Xob (Prepare for a Power Outage) (PDF, 904 KB).
- Yog xav tau tswvyim los npaj pob khoom coj los siv thaum muaj xwmceev, thov mus rub, Daim Ntawv Txheeb Khoom Siv Thaum Muaj Xwmceev (Emergency Checklist) (PDF, 930 KB).
- Yog xav npaj tias yuav ua li cas thaum yuav tau khiav tawm ntawm tsev mus, mus xyuas ntawm peb phab ntawv vassab (web page) qhia txog kev npaj tias yuav ua li cas thaum muaj xwmceev.
- Yog xav muab ib qho hluav taws xob tuag lossis xav mus saib cov kev kaw hluav taws xob uas muaj tam sim no, mus xyuas peb daim duab qhia ib thaj (map) uas qhi cov cov thaj chaw tsis muaj hluav taws xob.
- Yog xav mus kawm ntxiv txog huabcua thiab qhov tias yog vim li cas ib qho PSPS thiaj li muaj kev cuam tshuam rau koj, mus saib phau menyuam ntawv, Phau Ntawv Qhia Txog Kev Npaj Rau Thaum Muaj Xwmceev (Emergency Preparedness Brochure) (PDF, 241 KB).
- Rau cov neeg siv roj thiab hluav taws xob uas muaj kev xiam oob qhab thiab muaj hnub nyoog siab, thov mus saib phau meyuam ntawv, Phau Ntawv Qhia Txog Kev Npaj Rau Cov Neeg Muaj Hnub Nyoog Siab thiab Muaj Kev Xiam Oob Qhab Thaum Muaj Xwmceev (Aging and Disability Emergency Preparedness Brochure) (PDF, 241 KB).
- Yog xav mus kawm ntxiv txog qhov kev pabcuam rau PSPS, huabcua, cov lus ceebtoom thiab cov tswvyim los mus npaj, thov mus rub, Daim Ntawv teev Cov Lus Tseeb Txog PSPS (PSPS Fact Sheet) (PDF, 432 KB).