ਜੰਗਲੀ ਅੱਗ ਤੋਂ ਸੁਰੱਖਿਆ

ਇਹ ਅਹਿਮ ਹੈ ਕਿ PG&E ਕੋਲ ਤੁਹਾਡੀ ਤਾਜ਼ਾ ਸੰਪਰਕ ਜਾਣਕਾਰੀ ਹੋਵੇ ਤਾਂ ਜੋ ਤੁਹਾਨੂੰ ਉਸ ਸਮੇਂ ਸੂਚਿਤ ਕੀਤਾ ਜਾ ਸਕੇ ਜਦੋਂ ਕੋਈ PSPS ਵਰਤਾਰਾ ਤੁਹਾਡੇ ਘਰ ਜਾਂ ਕਾਰੋਬਾਰ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ। ਆਪਣੀ ਸੰਪਰਕ ਜਾਣਕਾਰੀ ਅਪਡੇਟ ਕਰਨ ਲਈ pge.com/mywildfirealerts ਦੇਖੋ ਜਾਂ 1-866-743-6589 ’ਤੇ ਕਾਲ ਕਰੋ।

PG&E ਹਰ ਉਸ ਵਿਅਕਤੀ ਵਾਸਤੇ ਔਨਲਾਈਨ ਵੈਬੀਨਾਰਾਂ ਦੀ ਇੱਕ ਲੜੀ ਦੀ ਮੇਜ਼ਬਾਨੀ ਕਰ ਰਹੀ ਹੈ ਜੋ ਸਾਡੇ ‘ਭਾਈਚਾਰੇ ਲਈ ਜੰਗਲੀ ਅੱਗ ਤੋਂ ਸੁਰੱਖਿਆ ਦਾ ਪ੍ਰੋਗਰਾਮ’ (Community Wildfire Safety Program) ਵਿੱਚ ਰੂਚੀ ਰੱਖਦਾ ਹੋਵੇ। ਇਹ ਆਭਾਸੀ ਇਕੱਤਰਤਾਵਾਂ ਭਾਈਚਾਰੇ ਦੇ ਮੈਂਬਰਾਂ ਨੂੰ ਜੰਗਲੀ ਅੱਗ ਤੋਂ ਸੁਰੱਖਿਆ ਅਤੇ ਸੰਕਟਕਾਲ ਵਾਸਤੇ ਤਿਆਰੀ ਬਾਰੇ ਹੋਰ ਜਾਣਕਾਰੀ ਲੈਣ, PG&E ਦੇ ਪ੍ਰਤੀਨਿਧਾਂ ਨੂੰ ਮਿਲਣ, ਸਵਾਲ ਪੁੱਛਣ ਅਤੇ ਪ੍ਰਤੀਕਰਮ ਸਾਂਝਾ ਕਰਨ ਦੇ ਯੋਗ ਬਣਾਉਂਦੀਆਂ ਹਨ। ਵੈਬੀਨਾਰ ਦੇ ਕਾਰਜਕ੍ਰਮ ਨੂੰ ਦੇਖਣ ਲਈ ਇੱਥੇ ਕਲਿੱਕ ਕਰੋ।

PSPS ਵਾਸਤੇ ਤਿਆਰੀ ਕਰਨ ਵਿੱਚ ਤੁਹਾਡੀ ਮਦਦ ਕਰਨ ਲਈ ਆਮ ਪੁੱਛੇ ਜਾਂਦੇ ਸਵਾਲਾਂ ਅਤੇ ਮਦਦਗਾਰੀ ਸਰੋਤਾਂ ਵਾਸਤੇ pge.com/psps ਦੇਖੋ।

ਅਸੀਂ ਜਾਣਦੇ ਹਾਂ ਕਿ ਇੱਕ PSPS ਵਰਤਾਰੇ ਦਾ ਸਾਡੇ ਗਾਹਕਾਂ ਅਤੇ ਭਾਈਚਾਰਿਆਂ ਉੱਤੇ ਮਹੱਤਵਪੂਰਨ ਪ੍ਰਭਾਵ ਪੈ ਸਕਦਾ ਹੈ। ਅਸੀਂ ਬਿਜਲੀ ਸਿਰਫ਼ ਓਦੋਂ ਚਾਲੂ ਕਰਾਂਗੇ ਜਦੋਂ ਅਜਿਹਾ ਕਰਨਾ ਸੁਰੱਖਿਅਤ ਹੋਵੇ, ਇਸ ਲਈ ਅਸੀਂ ਤੁਹਾਨੂੰ ਉਹਨਾਂ ਬਿਜਲੀ ਕੱਟਾਂ ਵਾਸਤੇ ਤਿਆਰੀ ਕਰਨ ਲਈ ਉਤਸ਼ਾਹਿਤ ਕਰਦੇ ਹਾਂ ਜੋ ਕਈ ਦਿਨਾਂ ਤੱਕ ਚੱਲ ਸਕਦੇ ਹਨ। ਅਸੀਂ ਤਿਆਰੀ ਕਰਨ ਵਿੱਚ ਤੁਹਾਡੀ ਮਦਦ ਕਰ ਸਕਦੇ ਹਾਂ। ਨੁਕਤਿਆਂ ਵਾਸਤੇ ਬਿਜਲੀ ਕੱਟਾਂ ਵਾਸਤੇ ਤਿਆਰੀ (Outage Readiness) ਜਾਂ safetyactioncenter.pge.com ਦੇਖੋ,ਇੱਕ ਨਵੀਂ ਵਿੰਡੋ ਵਿੱਚ ਖੁੱਲ੍ਹਦਾ ਹੈ।

ਸਾਡੇ ਪ੍ਰਾਂਤ ਨੂੰ ਦਰਪੇਸ਼ ਜੰਗਲੀ ਅੱਗ ਦੇ ਵਧੇ ਹੋਏ ਖਤਰੇ ਨਾਲ, PG&E ਜੰਗਲੀ ਅੱਗਾਂ ਦੇ ਖਤਰਿਆਂ ਨੂੰ ਘਟਾਉਣ ਲਈ ਅਤੇ ਸਾਡੇ ਗਾਹਕਾਂ ਅਤੇ ਭਾਈਚਾਰਿਆਂ ਨੂੰ ਸਲਾਮਤ ਰੱਖਣ ਦੀਆਂ ਆਪਣੀਆਂ ਕੋਸ਼ਿਸ਼ਾਂ ਨੂੰ ਵਧਾ ਰਹੀ ਹੈ ਅਤੇ ਇਹਨਾਂ ਦਾ ਵਿਸਤਾਰ ਕਰ ਰਹੀ ਹੈ। ਸਾਡੇ ਭਾਈਚਾਰੇ ਲਈ ਜੰਗਲੀ ਅੱਗ ਤੋਂ ਸੁਰੱਖਿਆ ਦੇ ਪ੍ਰੋਗਰਾਮ ਵਿੱਚ ਸਾਡੀ ਪ੍ਰਣਾਲੀ ਨੂੰ ਵਧੇਰੇ ਸੁਰੱਖਿਅਤ ਬਣਾਉਣ ਲਈ ਥੋੜ੍ਹੀ-ਮਿਆਦ, ਔਸਤ-ਮਿਆਦ ਅਤੇ ਲੰਬੀ-ਮਿਆਦ ਦੀਆਂ ਯੋਜਨਾਵਾਂ ਸ਼ਾਮਲ ਹਨ। ਹੋਰ ਜਾਣਕਾਰੀ ਲਈ pge.com/cwsp ਦੇਖੋ।

PG&E ਦਾ ਮੈਡੀਕਲ ਬੇਸਲਾਈਨ ਪ੍ਰੋਗਰਾਮ ਉਹਨਾਂ ਗੈਸ ਅਤੇ ਬਿਜਲੀ ਖਪਤਕਾਰਾਂ ਨੂੰ ਸਭ ਤੋਂ ਘੱਟ ਕੀਮਤ ’ਤੇ ਵਾਧੂ ਊਰਜਾ ਦਿੰਦਾ ਹੈ ਜੋ ਜੀਵਨ-ਸਹਾਇਕ ਉਪਕਰਨਾਂ ’ਤੇ ਨਿਰਭਰ ਹਨ ਅਤੇ/ਜਾਂ ਜਿਨ੍ਹਾਂ ਨੂੰ ਕੁਝ ਖਾਸ ਡਾਕਟਰੀ ਬਿਮਾਰੀਆਂ ਵਾਸਤੇ ਵਿਸ਼ੇਸ਼ ਤਪਸ਼ (heating) ਜਾਂ ਠੰਢਕ (cooling) ਦੀ ਲੋੜ ਹੈ।

ਮੈਡੀਕਲ ਬੇਸਲਾਈਨ ਦੇ ਗਾਹਕਾਂ ਨੂੰ ਕਿਸੇ PSPS ਦੌਰਾਨ ਵਾਧੂ ਆਊਟਰੀਚ (outreach) ਵੀ ਮਿਲਦੀ ਹੈ, ਜਿਸ ਵਿੱਚ ਵਾਧੂ ਅਧਿਸੂਚਨਾਵਾਂ, ਫ਼ੋਨ ਕਾਲਾਂ ਜਾਂ ਦਰਵਾਜ਼ੇ ’ਤੇ ਦਸਤਕ ਮਿਲ ਸਕਦੀ ਹੈ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਉਹ ਜਾਗਰੁਕ ਹਨ ਅਤੇ ਸੁਰੱਖਿਅਤ ਬਣੇ ਰਹਿਣ ਲਈ ਤਿਆਰੀਆਂ ਕਰ ਸਕਦੇ ਹਨ।

ਮੈਡੀਕਲ ਬੇਸਲਾਈਨ ਪ੍ਰੋਗਰਾਮ ਵਾਸਤੇ ਔਨਲਾਈਨ pge.com/medicalbaseline ਜਾਂ 1-800-743-5000 ’ਤੇ ਕਾਲ ਕਰਕੇ ਅਰਜ਼ੀ ਦਿਓ।

ਅਸੀਂ ਸਮਝਦੇ ਹਾਂ ਕਿ ਬਿਨਾਂ ਬਿਜਲੀ ਦੇ ਰਹਿਣਾ ਸਾਡੇ ਗਾਹਕਾਂ ਵਾਸਤੇ ਕਿੰਨਾ ਵਿਘਨਕਾਰੀ ਹੈ, ਇਸ ਲਈ ਅਸੀਂ ਆਪਣੇ ਗਾਹਕਾਂ ਨੂੰ ਕਿਸੇ ਸੰਕਟਕਾਲ ਵਾਸਤੇ ਯੋਜਨਾ ਬਣਾਉਣ ਅਤੇ ਤੀਬਰ ਮੌਸਮ ਜਾਂ ਕੁਦਰਤੀ ਆਫਤਾਂ ਕਰਕੇ ਲੰਬੇ ਸਮੇਂ ਦੇ ਬਿਜਲੀ ਕੱਟਾਂ ਲਈ ਤਿਆਰ ਰਹਿਣ ਵਾਸਤੇ ਉਤਸ਼ਾਹਤ ਕਰਦੇ ਹਾਂ। ਯੋਜਨਾ ਬਣਾਉਣ ਵਿੱਚ ਤੁਹਾਡੀ ਮਦਦ ਕਰਨ ਲਈ, PG&E ਬੈਕਅਪ ਪਾਵਰ ਹੱਲਾਂ, ਇਹਨਾਂ ਨੂੰ ਕਿਵੇਂ ਖਰੀਦਣਾ ਹੈ, ਅਤੇ ਇਹਨਾਂ ਨੂੰ ਸੁਰੱਖਿਅਤ ਤਰੀਕੇ ਨਾਲ ਕਿਵੇਂ ਚਲਾਉਣਾ ਹੈ, ਬਾਰੇ pge.com/backuppower ’ਤੇ ਜਾਣਕਾਰੀ ਪ੍ਰਦਾਨ ਕਰਦੀ ਹੈ।

ਜਿਹੜੇ ਲੋਕ PG&E ਦੇ ਖਾਤਾ ਧਾਰਕ ਨਹੀਂ ਹਨ, ਉਹ ਜ਼ਿਪ ਕੋਡ ਦੁਆਰਾ PSPS ਵਰਤਾਰੇ ਬਾਰੇ ਸੂਚਨਾਵਾਂ ਪ੍ਰਾਪਤ ਕਰ ਸਕਦੇ ਹਨ। ਇਹ ਕਿਰਾਏਦਾਰਾਂ, ਸੰਭਾਲ ਕਰਤਾਵਾਂ, ਯਾਤਰੀਆਂ, ਸਕੂਲੀ-ਉਮਰ ਦੇ ਬੱਚਿਆਂ ਦੇ ਮਾਪਿਆਂ ਅਤੇ ਹੋਰ ਗੈਰ-ਖਾਤਾ ਧਾਰਕਾਂ ਵਾਸਤੇ ਖਾਸ ਕਰਕੇ ਲਾਭਦਾਇਕ ਹੈ। ਇਹ ਪ੍ਰਣਾਲੀ ਤੁਹਾਨੂੰ ਉਸ ਜ਼ਿਪ ਕੋਡ(ਡਾਂ) ਦੀ ਚੋਣ ਕਰਨ ਦੀ ਅਨੁਮਤੀ ਦਿੰਦੀ ਹੈ ਜਿਨ੍ਹਾਂ ਵਾਸਤੇ ਤੁਸੀਂ PSPS ਅਧਿਸੂਚਨਾਵਾਂ ਪ੍ਰਾਪਤ ਕਰਨੀਆਂ ਚਾਹੁੰਦੇ ਹੋ। ਅਧਿਸੂਚਨਾਵਾਂ ਕਿਸੇ ਵਿਸ਼ੇਸ਼-ਪਤੇ ਲਈ ਨਹੀਂ ਹੁੰਦੀਆਂ ਕਿਉਂਕਿ ਇਹ ਸਿਰਫ਼ ਪ੍ਰਦਾਨ ਕੀਤੇ ਜ਼ਿਪ ਕੋਡ ’ਤੇ ਆਧਾਰਿਤ ਹੁੰਦੀਆਂ ਹਨ।

ਜਿਹੜੇ ਲੋਕ ਜ਼ਿਪ ਕੋਡ ਅਧਿਸੂਚਨਾਵਾਂ ਵਿੱਚ ਦਿਲਚਸਪੀ ਰੱਖਦੇ ਹਨ, ਉਹ 1-877-9000-PGE ’ਤੇ ਕਾਲ ਕਰਕੇ ਜਾਂ “ENROLL” ਲਿਖਕੇ ਅਤੇ 97633 ਨੂੰ ਭੇਜਕੇ ਆਵਾਜ਼ੀ ਜਾਂ ਲਿਖਤੀ ਸੰਦੇਸ਼ ਚੇਤਾਵਨੀਆਂ ਵਾਸਤੇ ਸਾਈਨ ਅਪ ਕਰ ਸਕਦੇ ਹਨ। ਇਸ ਟੂਲ ਬਾਰੇ ਹੋਰ ਜਾਣਕਾਰੀ pge.com/pspszipcodealerts ’ਤੇ ਉਪਲਬਧ ਹੈ।

ਜੰਗਲੀ ਅੱਗ ਤੋਂ ਰਿਕਵਰੀ ਸੰਬੰਧੀ ਸਹਾਇਤਾ (Wildfire Recovery Support) ’ਤੇ ਜਾਕੇ ਖਪਤਕਾਰਾਂ ਦੀ ਸੁਰੱਖਿਆ ਬਾਰੇ ਜਾਣਕਾਰੀ ਪ੍ਰਾਪਤ ਕਰੋ ਜਿਸ ਵਿੱਚ ਵਿੱਤੀ ਸਹਾਇਤਾ ਅਤੇ ਪੁਨਰ-ਨਿਰਮਾਣ ਪ੍ਰਕਿਰਿਆ ਨੂੰ ਕਿਵੇਂ ਸ਼ੁਰੂ ਕਰਨਾ ਹੈ, ਸ਼ਾਮਲ ਹੈ।