Kev nyabxeeb rau thaum muaj hav zoov kub nyiab

Nws tseemceeb tias PG&E muaj tus xovtooj thiab email koj siv tam sim no sub peb thiaj li yuav hais tau rau koj paub yog thaum twg ib qho PSPS yuav muaj kev cuam tshuam rau koj lub tsev lossis lagluam.

Mus xyuas ntawm pge.com/mywildfirealerts lossis hu 1-866-743-6589 los mus muab koj tus xovtooj thiab email hloov rau tus koj niaj hnub siv.

PG&E tab tom muaj ib co kev qhia ua ntuzus nyob saum huabcua rau cov tib neeg uas xav paub ntxiv txog peb Qhov Kev Pabcuam Los Ceev Kom Zejzos Muaj Kev Nyabxeeb Thaum Muaj Hav Zoov Kub Nyiab.

Cov kev sib sau saum huabcua (virtual gatherings) no yuav pub pejxeem txhua tus los mus kawm ntxiv txog txoj kev ceev kom muaj kev nyabxeeb thaum muaj hav zoov kub nyiab thiab kev npaj rau thaum muaj xwmceev, los mus ntsib cov neeg sawv cev PG&E, nug thiab sib qhia saib lawv xav li cas.

Nias ntawm no los mus saib lub sijhawm rau qhov kev qhia saum huabcua.

Mus xyuas ntawm pge.com/psps yog xav paub txog cov lus nug uas neeg pheej nquag muaj thiab ntaub ntawv lossis kev pab los mus pab koj npaj rau PSPS.

Peb paub tias ib qho PSPS yuav ua tau kom muaj kev cuam tshuam loj rau peb cov neeg siv hluav taws xob thiab cov zejzos.

Peb yuav rov qab qhib hluav taws xob yog thaum twg nws yeej tsis muaj teebmeem lawm; yog li ntawd, peb xav kom nej npaj tias cov kev kaw hluav taws xob yuav kaw ntev li ntau hnub.

Peb yuav pab tau nej los npaj.

Mus xyuas ntawm Kev Npaj Rau Kev Muaj Hluav Taws Xov Tuag lossis safetyactioncenter.pge.com.

Vim zoov li ntxim yuav muaj hav zoov kub nyiab ntau ntxiv nyob hauv peb lub xeev, PG&E tab tom muab peb cov dejnum kho thiab nthuav kom dav los mus txo qhov kev ntxim yuav muaj hav zoov kub nyiab kom tsis txhob muaj ntau thiab ceev kom muaj kev nyabxeeb rau peb cov qhua siv hluav taws xob thiab cov zejzos.

Peb Qhov Kev Pabcuam Los Ceev Kom Zejzos Muaj Kev Nyabxeeb Thaum Muaj Hav Zoov Kub Nyiab muaj kev npaj los pab rau lub sijhawm luv, lub sijhawm ib nrab thiab lub sijhawm ntev los mus ua kom peb txoj kev xa hluav taws xob muaj kev nyabxeeb.

Mus kawm ntxiv nyob ntawm pge.com/cwsp.

PG&E qhov kev pabcuam Medical Baseline muaj cov roj thiab hluav taws xob tus nqi pheej yig tshaj ntxiv coj los rau cov neeg siv hluav taws xob uas yuav tsum tau siv cov tshuab tuav txoj sia thiab/lossis yuav tsum tau siv cua sov lossis cua txias rau ib co mob.

Cov neeg siv qhov kev pabcuam Medical Baseline los kuj tseem tau txais kev tshaj tawm ntau ntxiv rau thaum muaj ib qho PSPS, uas yog muaj kev tshaj tawm ntxiv, hu xovtooj lossis muaj neeg mus khob qhov rooj mus hais kom lawv paub thiab kom lawv npaj tau los mus nyob muaj kev nyabxeeb.

Mus thov qhov kev pabcuam Medical Baseline Program nyob hauv online ntawm pge.com/medicalbaseline lossis hu 1-800-743-5000.

Peb yeej nkag siab txog qho kev tabkaum rau peb cov neeg siv hluav taws xob thaum tsis muaj hluav taws xob siv lawm; yog li ntawd, peb xav kom peb cov neeg siv hluav taws xob txhua tus los mus npaj rau thaum muaj ib yam xwmceev thiab los mus npaj rau cov kev muaj hluav taws xob tuag ntev vim muaj huabcua phem lossis cov kev puam tsuaj loj tsim los ntawm lub ntuj.

Los mus pab koj npaj, PG&E muaj lus qhia txog cov kev npaj hluav taws xob coj los siv rau thaum tsis muaj hluav taws xob lawm, yuav mus yuav cov khoom ntawd li cas, thiab yuav siv li cas nyob rau ntawm pge.com/backuppower.

Cov neeg uas tsis muaj npe nyob hauv ib tus PG&E account yuav txais tau cov lus tshaj tawm txog ib qho PSPS raws ZIP Code.

Qhov no yuav zoo rau cov neeg xauj tsev nyob, cov neeg tu lwm tus neeg uas pab tsis tau lawv tus kheej, cov neeg ncig tebchaws ua si, cov niamtxiv ntawm cov menyuam kawm ntawv thiab lwm tus neeg uas tsis muaj npe nyob hauv tus account.

Txoj kev tshaj tawm no pub koj xaiv tus (cov) ZIP Code uas koj xav kom koj tau txais lus tshaj tawm txog PSPS rau.

Cov lus tshaj tawm yuav tsis muaj chaw nyob vim peb tsuas tshaj tawm raws tus ZIP Code uas peb tau xwb.

Cov neeg uas xav kom lawv tau txais cov lus tshaj tawm raws ZIP Code yuav mus tso tau npe los txais cov lus ceebtoom xa ua suab lus lossis ntaus ua ntawv xa hauv xovtooj yog lawv hu 1-877-9000-PGE lossis ntaus lo lus “ENROLL” xa hauv lawv lub xovtooj ntawm tes mus rau 97633.

Lus qhia ntxiv txog qhov txujci (tool) yog muaj nyob rau ntawm pge.com/pspszipcodealerts.

Mus kawm txog cov kev tiv thaiv neeg siv hluav taws xob suav nrog rau kev muab nyiaj txiag pab thiab kev yuav rov qab pib kho koj lub neej nyob ntawm Wildfire Recovery Supp.