English     español     中文     tiếng việt     Tagalog     한국어     русский язык     Hmoob     عربي     ਪੰਜਾਬੀ     فارسی     日本語     ខ្មែរ     ไทย     Português     हिंदी

មូលហេតុដែលបណ្ដាលឱ្យមានព្រឹត្តិការណ៍ PSPS


ស្ថានភាពភ្លើងឆេះព្រៃនៅទូទាំងរដ្ឋកាលីហ្វ័រញ៉ាកាន់តែមានស្ថានភាពអាក្រក់ ដោយសារកម្ដៅឡើងខ្ពស់ និងភាពស្ងួតហួតហែង។ រុក្ខជាតិស្ងួត និងខ្យល់បក់ខ្លាំងអាចធ្វើឱ្យដើមឈើដួលរលំ ធ្វើឱ្យមែកឈើបក់បោកប៉ះខ្សែភ្លើង ឬធ្វើឱ្យផ្ទុះស្សេខ្សែភ្លើង ប្រសិនបើខ្សែភ្លើងប៉ះគ្នា។ នៅពេលខ្សែភ្លើងផ្ទុះស្សេប៉ះជាមួយដើមឈើស្ងួត និងមានខ្យល់បក់ខ្លាំង អាចធ្វើឱ្យភ្លើងឆេះរាលដាល ដែលធ្វើឱ្យកាន់តែលំបាកក្នុងការគ្រប់គ្រង។ ស្ថានភាពទាំងនេះចាំបាច់ត្រូវបិទថាមពលអគ្គិសនីដើម្បីសុវត្ថិភាពសាធារណៈ (PSPS)។ ការផ្ដាច់ចរន្តអគ្គិសនី PSPS កើតឡើងនៅទូទាំងរដ្ឋ ដើម្បីការពារភ្លើងឆេះព្រៃ និងរក្សាសុវត្ថិភាពសហគមន៍។



របៀបកំណត់ PSPS


មជ្ឈមណ្ឌលប្រតិបត្តិការសុវត្ថិភាពភ្លើងឆេះព្រៃរបស់យើងធ្វើការតាមដានកត្តាអាកាសធាតុខាងក្រោម ដើម្បីសម្រេចថាតើចាំបាច់ត្រូវអនុវត្ត PSPS ដើម្បីការពារសុវត្ថិភាពសហគមន៍ដែលឬទេ។ ទោះបីជាអ្នកប្រហែលជាមិនរស់នៅ ឬធ្វើការនៅតំបន់ដែលមានគ្រោះអគ្គិភ័យខ្លាំង ឬតំបន់ដែលមានខ្យល់បក់ខ្លាំងក៏ដោយ ក៏ថាមពលរបស់អ្នកអាចនឹងត្រូវបានបិទផងដែរ ប្រសិនបើសហគមន៍របស់អ្នកពឹងផ្អែកលើខ្សែដែលរត់កាត់តំបន់ដែលមានអាកាសធាតុដ៏អាក្រក់។


warningការព្រមានទង់ពណ៌ក្រហម៖
ការព្រមានដែលប្រកាសដោយសេវាកម្មអាកាសធាតុជាតិថា ស្ថានភាពអាកាសធាតុអាចនាំឱ្យមានអគ្គិភ័យ និងរីករាលដាលយ៉ាងឆាប់រហ័ស។



humidityសំណើមទាប៖
សំណើម 20% ឬទាបជាងនេះ។ សំណើមទាបបង្កើតឱ្យមានមែកឈើ និងរុក្ខជាតិស្ងួតដែលនាំឱ្យមានការឆាបឆេះ។



high windsខ្យល់បក់ខ្លាំង៖
ល្បឿនខ្យល់ថេខ្ពស់លើសពី 25 MPH និងសន្ទុះខ្យល់លើសពី 45 MPH អាចបង្កឱ្យអគ្គិភ័យរីករាលដាល។



observationsការសង្កេតមើលរបស់ PG&E៖
លទ្ធផលផ្ទាល់ពីក្រុមការងារ PG&E



ព័ត៌មានអំពីអាកាសធាតុ និងការដាច់ចរន្តអគ្គិសនីសម្រាប់តំបន់របស់អ្នក


យើងបានបង្កើតកម្មវិធីដែលអ្នកអាចមើលឃើញ ប្រសិនបើតំបន់របស់អ្នកអាចរងការប៉ះពាល់ពី PSPS។

ផែនទីនៃការព្យាករអំពី PSPS រយៈពេលប្រាំពីរថ្ងៃ

ផែនទីនៃការព្យាករអំពី PSPS រយៈពេលប្រាំពីរថ្ងៃ

មើលផែនទីនៃការព្យាករអំពី PSPS រយៈពេលប្រាំពីរថ្ងៃតាមតំបន់ភូមិសាស្រ្ត។ ស្វែងយល់ថាតើ តំបន់របស់អ្នកកំពុងប្រឈមនឹងការតាមដាន PSPS ឬការព្រមានអំពី PSPS ដែរឬទេ។

ផែនទីអាកាសធាតុបច្ចុប្បន្ន

ផែនទីអាកាសធាតុបច្ចុប្បន្ន

ពិនិត្យមើលអាកាសធាតុបច្ចុប្បន្ន រួមទាំងសំណើម ស្ថានភាពអាចភ្លៀង ឬធ្លាក់ព្រិល សីតុណ្ហភាព ល្បឿនខ្យល់ សន្ទុះខ្យល់ និងការព្រមានទង់ក្រហម។

ផែនទីតំបន់ដាច់ចរន្តអគ្គិសនី

ផែនទីតំបន់ដាច់ចរន្តអគ្គិសនី

រាយការណ៍ និងពិនិត្យមើលការដាច់ចរន្តអគ្គិសនីបច្ចុប្បន្នតាមតំបន់ និងពិនិត្យមើលព័ត៌មានជាក់លាក់អំពីការដាច់ចរន្តអគ្គិសនីតាមអាសយដ្ឋាន។


ដើម្បីរាយការណ៍អំពីការដាច់ចរន្តអគ្គិសនីបច្ចុប្បន្ន សូមមើលផែនទីតំបន់ដាច់ចរន្តអគ្គិសនីរបស់យើង

តំបន់ដែលមានហានិភ័យខ្ពស់


គណៈកម្មការសេវាសាធារណៈកាលីហ្វ័រញ៉ាបានបែងចែកប្រភេទតំបន់ទៅតាមហានិភ័យនៃភ្លើងឆេះព្រៃរបស់ខ្លួន។ តំបន់ដែលធ្លាប់មានប្រវត្តិខ្យល់បក់ខ្លាំង និងរុក្ខជាតិស្ងួតហួតហែងជាទូទៅស្ថិតនៅក្នុងកម្រិតដែលមានហានិភ័យខ្ពស់ ផ្ទះ និងអាជីវកម្មដែលមានខ្សែថាមពលនៅក្នុងតំបន់មានហានិភ័យនៃភ្លើងឆេះព្រៃខ្ពស់ (កម្រិតទី 2) ឬធ្ងន់ធ្ងរ (កម្រិតទី 3) មានឱកាសកាន់តែខ្ពស់ក្នុងការប៉ះពាល់ដោយព្រឹត្តិការណ៍ PSPS។ ខ្សែថាមពលទាំងមូលអាចនឹងត្រូវបិទ ប្រសិនបើស្ថានភាពអគ្គិភ័យប៉ះពាល់ដល់ផ្នែកណាមួយនៃខ្សែអគ្គិសនី។

CPUC Fire Map

តំបន់រងការគំរាមកំហែងដោយអគ្គិភ័យកម្រិតទី 3 គឺជាតំបន់ដែលមានហានិភ័យធ្ងន់ធ្ងរ (រួមទាំងភាពអាចកើតឡើង និងផលប៉ះពាល់ដែលអាចមានទៅលើមនុស្ស និងទ្រព្យសម្បត្តិ) ពីភ្លើងឆេះព្រៃ។


តំបន់រងការគំរាមកំហែងដោយអគ្គិភ័យកម្រិតទី 2 គឺជាតំបន់ដែលមានហានិភ័យខ្ពស់ (រួមទាំងភាពអាចកើតឡើង និងផលប៉ះពាល់ដែលអាចមានទៅលើមនុស្ស និងទ្រព្យសម្បត្តិ) ពីភ្លើងឆេះព្រៃ។


តំបន់មានគ្រោះថ្នាក់ខ្លាំងនៅកម្រិតទី 1 តំបន់ទី 1 ជាតំបន់ដែលមានគ្រោះថ្នាក់ខ្ពស់ដោយមានរុក្ខជាតិងាប់ និងកំពុងតែងាប់ច្រើន។


ដើម្បីស្វែងយល់បន្ថែមអំពីតំបន់មានការគំរាមកំហែងខ្ពស់ពីអគ្គិភ័យ សូមចូលមើលគេហទំព័ររបស់គណៈកម្មការការប្រើប្រាស់សាធារណៈនៅរដ្ឋកាលីហ្វ័រញ៉ា។

តំណភ្ជាប់ដែលពាក់ព័ន្ធ

ការកាត់បន្ថយព្រឹត្តិការណ៍ PSPS

ស្វែងយល់អំពីកិច្ចការដែលយើងកំពុងធ្វើ ដើម្បីកាត់បន្ថយផលប៉ះពាល់នៃ PSPS។

ជំនួយពាក់ព័ន្ធនឹង PSPS

ស្វែងរកធនធានផ្សេងៗដែលរួមមាន ការសាកថ្មឧបករណ៍ ទឹកកកច្រកថង់ និង Wi-Fi ដើម្បីជួយសម្រួលដល់អ្នកអំឡុងពេល PSPS។