ត្រៀមខ្លួនសម្រាប់ PSPS
ត្រៀមខ្លួនសម្រាប់ PSPS
ការបាត់បង់ថាមពលអគ្គិសនីអាចជាការរំខានចំពោះជីវិតគ្រួសារ និងការងាររបស់អ្នក ដូច្នេះយើងបានបង្កើតគន្លឹះត្រៀមខ្លួន ដើម្បីរក្សាសុវត្ថិភាព និងជីវិតរបស់អ្នកឱ្យមានភាពប្រក្រតីតាមដែលអាចធ្វើបានអំឡុងពេលបិទថាមពលដើម្បីសុវត្ថិភាពសាធារណៈ (PSPS)។ យើងក៏នឹងផ្ដល់នូវជំនួយផ្សេងៗដូចជា Wi-Fi, ការសាកថ្មឧបករណ៍ ទឹកកកច្រកថង់ បន្ទប់ទឹកដែលមានសម្ភារជំនួយសម្រាប់ជនពិការ និងកន្លែងលាងដៃនៅក្នុងសហគមន៍ដែលរងការប៉ះពាល់ នៅពេលថាមពលត្រូវបានបិទ។
PSPS មានន័យថា អ្នកអាចរស់នៅដោយគ្មានថាមពលអគ្គិសនីប្រើប្រាស់រយៈពេលច្រើនថ្ងៃ។ យើងដឹងថា វានឹងមានការលំបាក និងចង់ជួយអ្នកក្នុងការត្រៀមខ្លួនទុកជាមុន។ សូមប្រើប្រាស់គន្លឹះខាងក្រោម ដើម្បីត្រៀមខ្លួន និងរក្សាសុវត្ថិភាពអំឡុងពេល PSPS។
អាហារ
- ផលិតទឹកកកដោយខ្លួនឯងទុកជាមុន។ ក្លាស្សេប្រអប់ដាក់ទឹករបស់អ្នក ដើម្បីរក្សាអាហារឱ្យនៅត្រជាក់នៅពេលថាមពលអគ្គិសនីត្រូវបានបិទ។
- មុនពេលការដាច់ចរន្តអគ្គិសនីចាប់ផ្ដើម សូមកំណត់ទូទឹកកក និងទូក្លាស្សេរបស់អ្នកទៅកម្រិតត្រជាក់បំផុតរបស់ឧបរណ៍ទាំងនោះ រហូតទាល់តែថាមពលអគ្គិសនីត្រូវបានភ្ជាប់ឡើងវិញ។
- ប្រើធុងក្លាស្សេ ដើម្បីរក្សាអាហារឱ្យនៅត្រជាក់ នៅពេលថាមពលអគ្គិសនីត្រូវបានបិទ។
- កុំឧស្សាហ៍បើកទ្វារទូទឹកកក និងទូក្លាស្សេរបស់អ្នកញឹកញាប់ពេក។ នៅពេលថាមពលអគ្គិសនីត្រូវបានបិទ អាហារអាចរក្សាឱ្យនៅត្រជាក់រហូតដល់បួនម៉ោងនៅក្នុងទូទឹកកក និង 48 ម៉ោងនៅក្នុងទូក្លាស្សេ។
- ទិញអាហារដែលអាចរក្សាទុកបានក្នុងសីតុណ្ហភាពធម្មតា។
បច្ចេកវិទ្យា
- ត្រូវមានកូនសោបម្រុង ដើម្បីជំនួសកូនសោ និងមេសោអេឡិចត្រូនិចដែលនឹងមិនដំណើរការ។
- សូមបិទ/ផ្ដាច់ថាមពលឧបករណ៍ ឬបរិក្ខារអគ្គិសនី ដូចជាទូរទស្សន៍ និងកុំព្យូទ័រដែលអាចចេញផ្កាភ្លើង ឬកើនឡើងថាមពលខ្ពស់នៅពេលថាមពលអគ្គិសនីត្រូវបានភ្ជាប់ឡើងវិញ។
- ទិញវិទ្យុដែលដើរដោយថាមពលថ្ម ឬឌីណាម៉ូបង្វិល។
- ទាញយក ឬបោះពុម្ពឯកសារដែលអ្នកអាចនឹងត្រូវការ។
- ស្វែងរកទីតាំង Wi-Fi ដែលឥតគិតថ្លៃ នៅក្នុងតំបន់ក្បែរខាង។
- ទិញឆ្នាំងសាកថ្មទូរសព្ទចល័ត និងកុំព្យូទ័រយួរដៃ។
- សាកថ្មទូរសព្ទដៃ និងថ្មបម្រុងទុកជាមុន។
- ស្តុកទុកថ្មឱ្យបានគ្រប់គ្រាន់ សម្រាប់ឧបករណ៍ដែលអ្នកប្រើថ្ម។
ផ្ទះ
- ពិចារណាទិញអំពូលភ្លើង LED ប្រើអាគុយ ឬអំពូលភ្លើងប្រើពន្លឺព្រះអាទិត្យ។
- ពិចារណាលើតម្រូវការនានាសម្រាប់សត្វចិញ្ចឹម។
- រក្សាសាច់ប្រាក់ឱ្យមានជាប់ខ្លួន និងចាក់សាំងឱ្យពេញ។ ទូ ATM និងស្ថានីយចាក់សាំងអាចនឹងត្រូវបិទអំឡុងពេលដាច់ចរន្តអគ្គិសនី។
- បន្តបើកអំពូលមួយ ដើម្បីប្រាប់អ្នកឱ្យបានដឹង នៅពេលថាមពលអគ្គិសនីមានឡើងវិញ។
- ទុកពិលឱ្យនៅជិតដៃ។
- អនុវត្តការបើកទ្វារ ហ្គារាសដោយប្រើដៃ។
សុវត្ថិភាព
- ស្វែងរកកន្លែងនៅខាងក្រៅ ដើម្បីប្រើម៉ាស៊ីនភ្លើង ចង្រ្កានចល័ត និងចង្ក្រានអាំងសាច់ដោយប្រើធ្យូង។
- សរសេរលេខទូរសព្ទសង្រ្គោះបន្ទាន់នៅកន្លែងងាយទៅដល់។
- ពិនិត្យមើលអ្នកជិតខាង។
- ត្រូវធានាថា ថាមពលបម្រុង និងម៉ាស៊ីនភ្លើងអាចដំណើរការបានដោយសុវត្ថិភាព។ សម្រាប់ព័ត៌មានបន្ថែម សូមចូលមើលទំព័រថាមពលបម្រុងរបស់យើង។
សុខភាព
- ទិញសម្ភារសង្រ្គោះបឋមទុកឱ្យបានគ្រប់គ្រាន់។
- ទិញថ្នាំដែលមាន និងគ្មានវេជ្ជបញ្ជាបម្រុងទុក។
- រៀបចំផែនការសម្រាប់ការរក្សាទុកឱសថដែលតម្រូវឱ្យមានការក្លាស្សេ។
- សាកថ្មឧបករណ៍វេជ្ជសាស្រ្តឱ្យបានពេញ។
- សម្រាប់ព័ត៌មានបន្ថែម អតិថិជនដែលមានតម្រូវការផ្នែកវេជ្ជសាស្រ្តអាចចូលមើលទំព័រ Medical Baseline របស់យើង។
- ធនធានសម្រាប់អ្នកដែលមានភាពងាយស្រួលផ្នែកហិរញ្ញវត្ថុភាសានិងតម្រូវការចាស់
ធនធានបន្ថែម៖
- ដើម្បីទទួលបានព័ត៌មានអំពីការជូនដំណឹងអំពី PSPS សម្រាប់ម្ចាស់ និងអ្នកដែលមិនមែនជាម្ចាស់គណនី សូមចូលមើលព័ត៌មានថ្មីៗ និងការជូនដំណឹងអំពី PSPS។
- ដើម្បីស្វែងរកធនធានដែលមាននៅក្នុងតំបន់របស់អ្នកអំឡុងពេល PSPS សូមចូលមើលទំព័រមជ្ឈមណ្ឌលធនធានក្នុងសហគមន៍របស់យើង។
- សម្រាប់វិធីច្រើនទៀតក្នុងការត្រៀមខ្លួន សូមចូលមើលមជ្ឈមណ្ឌលសកម្មភាពសុវត្ថិភាព។
ប្រើប្រាស់ធនធានខាងក្រោម ដើម្បីត្រៀមខ្លួនសម្រាប់រដូវកាលភ្លើងឆេះព្រៃ។
- ដើម្បីបង្កើតផែនការពេលមានអាសន្ន សូមចូលមើលទំព័រផែនការពេលមានអាសន្ន។
- ដើម្បីបង្កើតសម្ភារសម្រាប់ការត្រៀមខ្លួនពេលមានអាសន្ន សូមចូលមើលទំព័រសម្ភារសម្រាប់ការត្រៀមខ្លួនពេលមានអាសន្ន។
- ដើម្បីស្វែងយល់អំពីថាមពលបម្រុង ហើយប្រសិនបើថាមពលបម្រុងសមស្របសម្រាប់តម្រូវការរបស់អ្នក សូមចូលមើលទំព័រថាមពលបម្រុងរបស់យើង។
- ដើម្បីស្វែងយល់បន្ថែមអំពីសុត្ថិភាពពីភ្លើងឆេះព្រៃ និងចូលរួមសិក្ខាសាលាតាមតាមអនឡាញ សូមចូលមើលទំព័រអំពីសិក្ខាសាលាតាមអនឡាញ និងកម្មវិធីសុវត្ថិភាពពីភ្លើងឆេះព្រៃ។
- ដើម្បីស្វែងយល់អំពីទីកន្លែងដែលអាចដាំបន្លែដោយសុវត្ថិភាព និងជៀសវាងប៉ះខ្សែថាមពល សូមចូលមើលទំព័រដាំដើមឈើត្រូវនឹងទីកន្លែងរបស់យើង។
- សម្រាប់វិធីច្រើនទៀតនៅក្នុងការត្រៀមខ្លួន សូមចូលមើលមជ្ឈមណ្ឌលសកម្មភាពសុវត្ថិភាព។
ធនធានសម្រាប់ការត្រៀមខ្លួននៅតំបន់ភ្លើងឆេះព្រៃដែលមានការគំរាមកំហែងខ្ពស់
សុវត្ថិភាពរបស់អ្នកគឺជាអាទិភាពចម្បងរបស់យើង។ ផ្ទះរបស់អ្នកអាចស្ថិតក្នុងតំបន់ដែលមានអាកាសធាតុដ៏អាក្រក់ ឬមានការគំរាមកំហែងខ្ពស់ពីភ្លើងឆេះព្រៃ។
ធនធានខាងក្រោមអាចជួយអ្នកក្នុងការត្រៀមខ្លួន និងអនុវត្តផែនការជម្លៀសរបស់អ្នក វាយតម្លៃផ្ទះរបស់អ្នក និងបង្កើតសម្ភារសង្រ្គោះបន្ទាន់។
ស្វែងរកព័ត៌មានអំពីហានិភ័យនៃភ្លើងឆេះព្រៃចំពោះផ្ទះរបស់អ្នក
ត្រៀមខ្លួនសម្រាប់ការជម្លៀស
តំណភ្ជាប់ដែលពាក់ព័ន្ធ
ជំនួយពាក់ព័ន្ធនឹង PSPS
ស្វែងរកធនធានផ្សេងៗដែលរួមមាន ការសាកថ្មឧបករណ៍ ទឹកកកច្រកថង់ និង Wi-Fi ដើម្បីជួយសម្រួលដល់អ្នកអំឡុងពេល PSPS។
ការកាត់បន្ថយព្រឹត្តិការណ៍ PSPS
ស្វែងយល់អំពីកិច្ចការដែលយើងកំពុងធ្វើ ដើម្បីកាត់បន្ថយផលប៉ះពាល់នៃ PSPS។
មូលហេតុដែលមានព្រឹត្តិការណ៍ PSPS កើតឡើង
ស្វែងយល់អំពីត្តាផ្សេងៗដែលនាំឱ្យមានការសម្រេចប្រកាសអំពីព្រឹត្តិការណ៍ PSPS និងស្វែងរកកម្មវិធីអាកាសធាតុដែលបង្ហាញថាតើ PSPS នឹងកើតមាននៅក្នុងតំបន់របស់អ្នកដែរឬទេ។