Kev pab rau PSPS
Ntaub ntawv lossis kev pab los ntawm PG&E
Peb yeej nkag siab txog qhov tseemceeb ntawm txoj kev uas yuav tsum tau muaj hluav taws xob, tshwjxeeb tshaj yog thaum peb muaj qhov kev txwv kom sawvdaws yuav tsum tau nyob twb ywm hauv tsev. Peb yeej npaj siab los ua txhua yam li peb ua tau los mus daws qhov teebmeem tsim los ntawm tus kabmob COVID-19 thiab txoj kev uas ntxim yuav muaj hav zoov kub nyiab loj tib si. Peb lub homphiaj yog los mus ceev kom nej muaj kev nyabxeeb thiab qhov Kev Kaw Hluav Taws Xob Rau Pejxeem Txoj Kev Nyabxeeb yeej yog ib qho dejnum tseemceeb los pab peb ua kom tiav lub homphiaj no.
PG&E cov chaw Community Resource Centers thiab cov chaw muaj cua txias txhua lub yeej ua raws li lub xeev thiab lub nroog cov lus qhia kom ua los mus tiv thaiv kom tsis txhob kis tus kabmob COVID-19, suav nrog rau kev hais kom neeg siv cov ntaub npog qhov ncauj qhov ntswg, kev ntsuas qhov kub ntawm lub cev, kev nyob nrug deb thiab lwm yam kev ceevfaj.
Peb muaj cov kev pab nram qab no los pab nej thaum muaj ib qho PSPS.
Cov Chaw Community Resource Centers
Nyob rau ntawm cov thaj chaw muaj kev kaw hluav taws xob, PG&E yeej qhib cov Community Resource Centers rau thaum nruab hnub. Txhua lub chaw yeej muaj ib chav dej thiab ib lub chaw ntxuav tes uas cov neeg xiam oob qhab siv tau (ADA-accessible), chaw ntxiv roj rau khoom khomob, chaw ntxiv roj rau khoom siv, Wi-Fi thiab lwm yam.
Qhov Kev Pab Cuam Pub Siv Tau Rau Kev Muaj Mob Nkeeg (Medical Baseline program)
Puas yog tias koj yuav tsum tau muaj hluav taws xob siv vim muaj mob? Mus nrhiav saib koj puas tsim nyog siv tau qhov kev pabcuam Medical Baseline, saib koj yuav mus sau npe thov li cas thiab saib cov txiaj ntsim ntawm qhov kev pabcuam yog dabtsi.
Koj puas xav tau lwm yam kev pab ntxiv thaum muaj ib qho Kev Kaw Hluav Taws Xob Rau Pejxeem Txoj Kev Nyabxeeb?
Yog tias koj lossis ib tus neeg koj paub muaj ib qho kev xiam oob qhab, lossis yuav tsum tau muaj neeg pab nws thiaj li yuav mus siv tau tej co kev pab, lossis yuav tsum tau muaj kev pab saum nyiaj txiag lossis hauv kev txhais lus, PG&E yeej muaj cov chaw uas lawv koomtes nrog los mus npaj kev pab rau cov neeg uas yuav tsum tau siv.
Cov chaw uas nkag mus saib tau, fab nyiag txiag, lus thiab xav tau kev pab thaum laus
Cov tshuab tsim hluav taws xob thiab cov hluav taws xob npaj los siv thaum tsis muaj hluav taws xob lawm
Mus nrhiav saib ib lub tshuab tsim hluav taws xob lossis lwm yam hluav taws xob uas npaj los siv thaum tsis muaj hluav taws xob lawm puas yuav yog ib yam zoo rau koj, mus nrhiav kom paub tias cov hluav taws xob npaj los siv thaum tsis muaj hluav taws xob lawm yog muaj zoo li cas thiab mus kawm txog cov kev txais nyiaj mus yuav.
Cov lagluam sab nraum cov kev pab
- Yog xav tau cov tswvyim uas PG&E, lwm cov tuam txhab roj thiab hluav taws xob hauv California thiab California Public Utilities Commission tau ua ke pom zoo coj los siv rau txoj kev npaj, mus xyuas ntawm Npaj Rau Thaum Tsis Muaj Hluav Taws Xob.
- Yog xav tau ntaub ntawv qhia txog kev npaj rau thaum muaj kev puam tsuaj loj, mus xyuas ntawm U.S. Department of Homeland Security.
- Yog xav tau cov ntaub ntawv qhia txog kev npaj rau kev muaj hav zoov kub hnyiab los ntawm CAL FIRE, mus xyuas ntawm Kev Npaj Rau Kev Muaj Hav Zoov Kub Hnyiab (Ready for Wildfire).
- Yog xav paub California Public Utilities Commission cov dejnum rau txoj kev nyabxeeb, mus xyuas ntawm CPUC cov ntaub ntawv hais txog hav zoov kub hnyiab (CPUC wildfire information).
- Yog xav tau cov ntaub ntawv hais txog kev nyabxeeb thaum muaj hauv zoov kub hnyiab thiab kev tiv thaiv kom tsis txhob muaj hav zoov kub hnyiab los ntawm California’s Fire Safe Council, mus xyuas ntawm CA Fire Safe Council.
- Yog xav tau cov ntaub ntawv qhia txog dej nag huabcua (climate) thiab hav zoov kub hnyiab, mus xyuas ntawm National Oceanic and Atmospheric Administration.
Cov chaw txuas mus rau lwm qhov chaw hais txog qhov no
Kev ua kom cov kev kaw hluav taws xob PSPS tsis txhob txiav hluav taws xob mus rau ntau lub tsev lossis lagluam
Mus kawm kom paub tias peb tab tom ua dabtsi los ua kom ib qho PSPS tsis txhob txiav hluav taws xob mus rau ntau lub tsev lossis lagluam.
Npaj rau ib qho PSPS
Mus kawm kom paub tias yuav npaj rau ib qho PSPS uas yuav muaj tom ntej yog npaj li cas thiab kom paub cov tswvyim los mus ua kom muaj kev nyabxeeb yog tias koj cov hluav taws xob raug kaw.
Lus tshaj tawm tshiab thiab lus ceebtoom txog PSPS
Mus nrhiav saib qhov kev kaw hluav taws xob PSPS tam sim no zoo li cas lawm, mus tso npe txais cov lus ceebtoom txog PSPS thiab mus kawm qhov tias saib PG&E yuav hais li cas thiab hais thaum twg rau koj paub thaum muaj ib qho kev kaw hluav taws xob PSPS.